Nshɛ 10:3 - EBƆRƐ BE KAWƆL

³ Belubiworapo bee ji njɔŋ nna ŋkpal bumo be aparsheŋ lubi so. Nɛ kejimuniwuraana malɛ kishi fo nsaa shoduu fo.

Nshɛ 10:3 Iomraidhean Croise

1 Bewura 20:25

Ade kikɛ be kaman nɛ fo naŋ fin benapo damta nɛ egbaŋɛ nɛ egbaŋɛturko fanɛ kananɛ fo daa kɔ na nɛ an ya kɔ Israɛlebi na keplasawule so. An baa nyi geeŋ fanɛ anyeeŋ pɔɔ bumo so kede bre.” Nɛ ewura Bɛnhadad shuli m bɛ kusɔ nɛ b kaŋɛ mo na so.

Job be kawɔl 31:24

Ma ere maŋ naŋ ta ma yirda n deŋi kedamaya so kikɛ,

Nshɛ 35:21

Baa nya manaŋ a ku asheŋ a deŋi ma nna; nsaa ponte a kaŋɛ le: “An gbagba be kenishi e wu kusɔ nɛ fo wora.”

Nshɛ 49:18

Nɛ dimɛdi baa kɔ ŋkpa, nɛ asheŋ bee nite nɛnɛ a sa mo nɛ basa bee fur mo, k bee wora mo ebel nna.

Nshɛ 49:6

Bumo ere yirda asɔ nɛ b kɔ nna nsaa puchi ŋkpal bumo be kedamaya so.

Nshɛ 5:6

Feeŋ mur befɛpo kikɛ. Fo kishi kumukpakpaso nɛ kafule ga.

Nshɛ 52:1

Feeŋ tiŋ a la elempo nsaa ji njɔŋ ŋkpal fo alubi so. Ama esa beeŋ tiŋ n yirda Ebɔrɛ saŋkama.

Nshɛ 94:4

Basa lubi ere bee nite nna a puchi bumo be asheŋ lubi so.

Ɛksodɔs 15:9

Edompo na daŋ ji njɔŋ nna ŋ kaŋɛ: ‘Meeŋ ju m buu bumo so n ya pɛ bumo nseŋ barga bumo be asɔ to n ta amo nɛ mee sha kikɛ. Meeŋ pee ma tokobi m mɔ bumo.’

Aŋasa 28:4

Basa nɛ baa wora a da mbra so e naa ji a chɛ belubiworapo to. Basa nɛ baa bɛ mbra so bre maa sha belubiworapo be asheŋ.

Kaŋinichiŋgeliŋ 7:15

Kebaawɔtɔ jiga nɛ n wɔtɔ ere to, nɛ n wu fanɛ basa lela ko bee wu bumo be alelasheŋ to nna nɛ basa lubi malɛ kɔ ŋkpa nsaa wɔ bumo be asheŋ lubi to.

Aizaaya 37:23

Wanɛ nɛ fo daa fɛ fanɛ fee tege nsaa wora eyurto na? Ma, Israɛl be Ebɔrɛ cheembi na nɛ fo daa maa sa bunyaŋ na.

Aizaaya 57:17

N daŋ nya agbo ga nna n wora bumo ŋkpal bumo be alubi nɛ kejimuni be kebaawɔtɔ so, amoso nɛ n daŋ gberge bumo kusoe nseŋ daŋ kplaŋ bumo so na. Ama b kraŋ wora kusoe kpakpaso ŋ kini a wɔ bumo be asheŋ lubi na to.

Jɛremaya 22:17

Ama fo ere, Jehowakim, kananɛ feeŋ wora m puni, ŋko nyaŋ fo basa n suge bumo be asɔ, ŋko m mɔ basa nɛ b maŋ wora shɛŋ be asheŋ e wɔ fo kagbene nɛ fo nfɛra to.”

Levitikɔs 26:30

Meeŋ mur mboŋ nɛ menyee shuŋ agbir nɛ a wɔ agurɔŋgu so na kikɛ, nseŋ bure menyi be ebɔrɛsure nɛ menyee chɔɔ eduwu amo so na, nseŋ naŋ bela men be bubuni n deŋi menyi be agbirana nɛ a tɔr a dese na so. Menyi be asheŋ beeŋ baa nu ma agbo nɛ ŋ kishi menyi.

Habakuk 2:9

Asheŋ maaŋ nyalɛ n sa menyi ŋkpal men ka ta eleŋsheŋ n suge asɔ n shin nɛ menyi be nnaŋ to ebi dii dama nɛ tɔrɔ kikɛ maa ba menyi be elaŋ to ebi so so!

Luuk 12:15

Kamalga ere be kaman nɛ e kaŋɛ basa na kikɛ: “Men baa da so nsaa gelge kejimuni be yiri kikɛ, ŋkpal manɛ so, esa baa kɔ asɔ kanaŋkamaso gba, mbe ŋkpa bre maŋ la mo peya.”

Luuk 12:19

Amo be kaman nɛ ŋ kaŋɛ ma kumu: Kumulelawura, feeŋ ta nfɛ damta nɛ fo kraa kɔ asɔ lela. Amoso, baa wɔtɔ boeŋ a ji a nuu nsaa ji fo kumu.’

Romebi 1:29

Ŋkpal b ka kini Ebɔrɛ na so, eda lubi be yiri kikɛ nɛ alubisheŋ nɛ kejimuni nɛ abar be kebaawora alubi e bɔlɔ bumo to. Amo nɛ a bɔlɔ bumo to gba n ti so e la, kayurbesa nɛ kamɔ nɛ nlu nɛ efɛ nɛ kebaafɛ abar asheŋ lubi. Ade malɛ gba be buushi baa kuli bumo braana,

Romebi 1:32

B nyi Ebɔrɛ be mbra na ka bee kaŋɛ fanɛ bekama nɛ b wɔ le be kebaawɔtɔ ere to daga luwu, ama b kraŋ pere kenishi nna a wora amo nsaa leŋ basa pɔtɛ gba to a wɔtɔ loŋ be asheŋ na be kewora to.

1 Kɔrintebi 6:10

Beyu ŋko kejimuniwuraana ŋko nsanuupoana ŋko bumo nɛ baa tege bumo braana ŋko besugepoana maaŋ nya Ebɔrɛ be kuwura na to n luri kikɛ.

Ɛfesesebi 5:5

Men baa nyi kesheŋ ere geeŋ fanɛ esa kama nɛ e kɔ kesakalea be kebaawɔtɔ ŋko eyurpisheŋ ŋko esa kama nɛ e kɔ kejimuni maaŋ luri Kristo nɛ Ebɔrɛ be kuwura na to. Kejimuni du fanɛ kagbirshuŋ nna.

Ditɛronɔmi 29:19

Menyi alɛ e baa da so nɛ menyi to be esa kikɛ nɛ e wɔ nfe kabre nsaa nu kɔnɔkoŋwule be ŋkre ere be atande ere maaŋ fɛ fanɛ hale nɛ e wora mbe aparsheŋ gba, asheŋ kraa beeŋ nite nɛnɛ n sa mo. Kumo be loŋ beeŋ tiŋ m mur basa lela nɛ basa lubi kikɛ.

Ditɛronɔmi 32:19

Enyɛnpe Ebɔrɛ na ka wu loŋ nɛ e nya agbo nseŋ kini mbe mbia n lɛ.

Kɔlɔsiebi 3:5

Amoso, men yige men be kebaawɔtɔ dra nɛ kumo be asheŋ lubi na, men yige kacheji kpalakpala nɛ kubojuaji nɛ asheŋ jiga nɛ kayɛlga fuloŋ, men sa maa yɛlga alubi, men yige kejimuni. Kejimuni du fanɛ kagbirshuŋ nna.

Jeems 4:13

Menyi nɛ menyee kaa kaŋɛ le: “Kabre ŋko echefo anyeeŋ yɔ le nɛ le be kade to n ya chena ndoŋ kafɛ n ji yawu n dii dama na” e nu nfe.

Jeems 4:16

Ama menyi ka maa kaŋɛ loŋ ere, menyee wu men be amu nna na nsaa ji njɔŋ. Loŋ malɛ maŋ walɛ.

1 Jɔn 2:15

Men sa maa sha durnya ere ŋko kusɔ kama nɛ k la durnya ere peya. Esa kama nɛ e bee sha durnya ere maŋ kɔ kasha a sa Etuto Ebɔrɛ na.

Demujipoana 17:2

Kachako nɛ e kaŋɛ mo nio: “Ma e daŋ ta fo gbiti be ndarbi kagboŋ nɛ kalfa nɛ a foe nɛ fo daŋ sho esa nɛ e yuri amo kɔnɔ na. Ma e daŋ yuri amo.” Nɛ mo nio kaŋɛ: “M pibi, Ebɔrɛ e nɛfa fo!”

1 Samuɛl 23:21

Nɛ Sɔɔl kaŋɛ le: “Enyɛnpe Ebɔrɛ e nɛfa menyi ŋkpal kusɔ nɛ men kaŋɛ ma ere so.