Nshɛ 1:3 - EBƆRƐ BE KAWƆL

³ Loŋ be basa du fanɛ boŋkarase be ndibi nɛ a bee sɔr asɔrso saŋɛ nɛ k daga na nna. Amo be afantaŋ maa gbaŋgbaŋ kikɛ. Kusɔ kama nɛ baa wora bee nite nɛnɛ nna a sa bumo.

Nshɛ 1:3 Iomraidhean Croise

Jɛnesis 39:23

Kabutikenipo na be lakal daa maŋ naa deŋ kusɔ kama nɛ Josɛf daa wora so, ŋkpal manɛ so, Enyɛnpe na daa wɔ mo kutɔ nna a nɛfa kusɔ kama nɛ k daa wɔ mbe enɔ to nɛ k bee wora nɛnɛ.

Jɛnesis 39:3

Josɛf mo nyɛnpe Potifa ka wu fanɛ Enyɛnpe Ebɔrɛ na wɔ Josɛf kutɔ nsaa nɛfa kusɔ kama nɛ e bee wora na

2 Bewura 18:7

Amoso Enyɛnpe Ebɔrɛ na daa wɔ mo kutɔ nna saŋkikɛ. Amoso kusɔ kama nɛ e daa wora daa nyalɛ a sa mo nna. E daŋ kini kenu n sa Asiriya be ewura nɛ kebaala mbe kayɛrbi nna.

1 Kronikɛls 22:11

Kumo be kaman nɛ Deevid yɛ: “M pibinyɛn Sɔlɔmɔn, Enyɛnpe fo Ebɔrɛ na e baa wɔ fo kutɔ n shin nɛ kɔnɔ nɛ e nase fanɛ e beeŋ chɛ fo to nɛ fo pɔr bɔrɛlambu n sa mo na e bɔlɔ so.

1 Kronikɛls 22:13

Fo baa bɛ mbra nɛ keŋini nɛ Enyɛnpe Ebɔrɛ ta n sa an nananyɛn Mosis dra dra na fanɛ e ta n sa Israɛlebi na so bre, asheŋ beeŋ nyalɛ n sa fo. Ama baa yil to kpakpa a leŋ fo kumu to nsaa maa lɔ kufu.

2 Kronikɛls 31:21

Kusɔ kama nɛ e bee wora daa yɔ anishito nna ŋkpal bɔrɛlambu na to be kusɔ kama nɛ e wora ka daa walɛ nɛ mo alɛ naa kɔ kasonu n sa Enyɛnpe Ebɔrɛ be mbra na so.

2 Kronikɛls 32:23

Basa damta daŋ shi Jerusalɛm nna n ta bumo be esarga m ba sa Enyɛnpe Ebɔrɛ na nseŋ ta ŋkɛ malɛ m ba sa ewura Hɛzekaya. Yili loŋ be saŋɛ na efuliana kikɛ daa sa ewura Hɛzekaya bunyaŋ nna.

Job be kawɔl 14:9

ama k baŋ nya nchu nɛ k naŋ purge afantaŋ popɔr kaseto.

Job be kawɔl 22:28

E beeŋ wora kusɔ kama nɛ fo kule mo, nseŋ shin nɛ kefulto e ba fo ekpa so, nɛ fo baa wora mbe aparsheŋ.

Nshɛ 128:2

E beeŋ ji mbe kegben be tɔnɔ; asheŋ beeŋ baa nite nɛnɛ a sa mo nɛ mbe kagbene e fuli mo.

Nshɛ 129:8

Esa kama malɛ nɛ e bɔla bumo ase a choŋ e sa maŋ kaŋɛ le: ‘Enyɛnpe Ebɔrɛ e nɛfa menyi! Ŋko mee nɛfa menyi ashi Enyɛnpe Ebɔrɛ be ketre to nna!’ ”

Nshɛ 92:14

Baaŋ baa du fanɛ ndibi nɛ e bel nseŋ kraa kɔ eleŋ a sɔr asɔrso.

Nshɛ 92:15

Saŋɛ na so nɛ b baa kaŋɛ le: “Kusɔ kama nɛ Enyɛnpe Ebɔrɛ na wora niŋi nna! Ebɔrɛ e la anyi be kefaltagboŋ a kuŋ anyi, kulubi kikɛ maŋ wɔ mo to.”

Aizaaya 27:11

Kumo to be ndibi be ayabi bee wɔl nna a buri a tɔr nɛ beche bee kil amo a puga edɛ. Ŋkpal basa na ka maŋ pin asheŋ to na so, Ebɔrɛ nɛ e to bumo na maaŋ wu bumo kuwɔr ŋko n shu bumo so.

Aizaaya 3:10

Kaŋɛ basa nɛ b niŋi na fanɛ asheŋ beeŋ nite nɛnɛ n sa bumo ere. Baaŋ nya bumo be kegben be tɔnɔ.

Aizaaya 44:4

Baaŋ purge fanɛ afitiri nɛ a bee nya nchu nɛnɛ, ŋko ndibi nɛ a kɔ afantaŋ ga nsaa yil mbombi nɛ a bee shile ase.

Aizaaya 58:11

Ma, Enyɛnpe Ebɔrɛ na malɛ beeŋ baa juŋkpar menyi nsaa sa menyi asɔ lela nɛ a beeŋ baa kukwe menyi jemanɛ kikɛ. Ma alɛ beeŋ baa sa menyi eleŋ nɛ alenfia a ti so. Menyi alɛ beeŋ baa du fanɛ kambɔl nɛ k bee nya nchu nɛnɛ ŋko kabombi nɛ k maa wɔlto kikɛ na nna.

Jɛremaya 17:8

Amodoŋwura beeŋ baa du fanɛ kedibi nɛ k yili m mata kabombi nna nsaa teŋi kumo be nliŋi a yɔ nchu na to nna. Kakpa baŋ bel edɛ gba k maa ŋana kufu, ŋkpal k ka kɔ afantaŋ bumbuŋ jemanɛ kikɛ so. Bɔrɛ maŋ ba gba k maa fɔŋ shɛŋ so, kumo ere bee sɔr kumo be asɔrso nna.

Ezikɛl 17:8

Ama kasawule lela nɛ k kɔ nchu nɛnɛ so nɛ b daŋ duu kumo nɛ k tiŋ n daŋ nɛnɛ ŋ ki kefeelebi lela nseŋ tiŋ n sɔr nɛnɛ.

Ezikɛl 19:10

Fo nio daa du fanɛ kedibi sɔrso nna nɛ k yil m mata kabombi; K daa sɔr nɛnɛ nna nsaa kɔ ayabi damta ŋkpal k ka daa nya nchu nɛnɛ so.

Ezikɛl 31:5

Ŋkpal k ka daa nya kayul nɛnɛ so, nɛ k daŋ nteŋ a chɔ ndibi nɛ a ka na. Kumo be ayabi daŋ nɛnɛ nsaa wɔ nteŋ nna.

Ezikɛl 47:12

Ndibi be yiri yiri beeŋ kɔr a yil kabombi na be kaba kama so a sa kusɔ jiso. Amo be afantaŋ maa ba nɛ aba bolo, amo alɛ maaŋ yige kebaasɔr kikɛ. Kufɔl kikɛ a beeŋ baa kɔ asɔrso popɔr, ŋkpal manɛ so a bee nya nchu nɛ a bee shi bɔrɛlambu na to nna. Ndibi na be asɔrso beeŋ baa la ajibi nɛ amo be afantaŋ malɛ e baa chɛ basa alɔ.” Kasawule na be Egbaŋ ana be asheŋ

Nɔmbɛs 24:6

A du nna fanɛ abii be ndibi ka yili m bɛ abar so le siir, ŋko kudɔbi nɛ k mata lɔrkar. A du nna fanɛ asɔrso be ndibi nɛ Enyɛnpe Ebɔrɛ na gbagba du, ŋko ndibi nɛ baa tre sida na ka wɔ eboŋkar.

Matiu 13:6

Ama epeŋi ka baŋ lar nɛ asɔ kɔrso popɔrbi na bolo to, ŋkpal manɛ so, amo be nliŋi maŋ yɔ nchiŋ ko nɛ asɔ na kikɛ wɔl.

Matiu 21:19

Ndoŋ nna nɛ e wu figi be kedibi ko ka yil ekpakar nɛ e yɔ kumo ase, ama e maŋ ya nya shɛŋ kumo so, afantaŋ nawule nɛ e wu. Nɛ e kaŋɛ kumo le: “Fo maaŋ naŋ sɔr asɔrso kikɛ!” Epul na to nɛ kedibi na wɔl.

Matiu 21:34

Asɔrso na be kechuge be jemanɛ ka ya fo nɛ e shuŋi mbe anya ko paawuraana na kutɔ fanɛ b ya sɔ mbe asɔrso na m bar mo.

Matiu 21:41

Nɛ b yɛ: “E beeŋ shin nɛ basa lubi na e wu luwu lubi nseŋ naŋ ta kudɔ na m ber basa pɔtɛ paa, bumo nɛ baaŋ chuge asɔrso na amo be jemanɛ na nsaa ta kudɔ na wura peya a sa mo.”

Baru lela nɛ Jɔn kute na 15:6

Esa kama nɛ e maŋ wɔ ma to du fanɛ kedibi be keyabi nɛ b ku ashi kedibi gbagba so nna n lɛ nɛ k bee wɔl na nna. Ayabi mo nɛ a du loŋ malɛ, baa muu amo nna n wɔtɔ edɛ to nɛ a chɔɔ.

Ditɛronɔmi 28:8

Enyɛnpe Ebɔrɛ na beeŋ nɛfa menyi be ashuŋ nseŋ shin nɛ menyi be mpuro e bɔlɔ ayu ashi kasawule nɛ e ta a sa menyi ere so.

Juud 1:12

Nɛ le be basa ere baŋ tu menyi n chena kakpa nɛ asɔriebi bee shɛr a ji a ŋini abar kasha, k du fanɛ asɔ lubi ka do kusɔ fuful so nna. Baa paŋ anishinyɔr nna a tase a ji a nuu a keni bumo nawule be amu so. B du fanɛ bɔrɛ ka mɔl nna nɛ afu ta awɔlpa na n choŋ nɛ bɔrɛ na gboŋi na nna. K maŋ kɔ tɔnɔ kikɛ kuraa. B naa du fanɛ ndibi sɔrso mo nɛ a maŋ kɔ asɔrso amo be kesɔr be saŋɛ na nna, amoso, b du fanɛ ndibi mo nɛ a wu nɛ b tia amo nna nɛ k ki fanɛ a wu nna na kuraa.

Kelaraŋŋini 22:2

a shile a bɔla kadegboŋ na be kubɔrbi be nferinto so. Ŋkpa be kedibi daa yil lɔr na be kaba kama so nna a sɔr kumo be asɔrso ale kuduanyɔ, kumo e la fanɛ kufɔl kikɛ to nɛ kumo be asɔrso. Kedibi na be afantaŋ e la efuliana be kechɛ be asɔ.