Nshɛ 1:2 - EBƆRƐ BE KAWƆL

² Bumo be kagbenefuli bee shi Enyɛnpe Ebɔrɛ na be keŋini be kebaawɔtɔ to nna; nɛ kumo be loŋ malɛ wɔ bumo be nfɛra to kapa nɛ kanyɛ.

Nshɛ 1:2 Iomraidhean Croise

Jɛnesis 24:63

Kachako kaaseso nɛ Aizek lar n ya kaa fɛ nfɛra nseŋ maŋ kumu so ŋ keni n wu enyɔma ka ya kaa ba.

Ɛzra 7:10

Ɛzra bre daŋ ta Ebɔrɛ be mbra na be kekoya nɛ amo be kenu nseŋ wora, nɛ mbra na be atande be keta ŋ ŋini Israɛl be efuli so kenishipereso nna.

Job be kawɔl 23:12

Kusɔ kama nɛ Ebɔrɛ yili, mee wora kumo nna. Mbe aparsheŋ nɛ mee bɛ so, mannɛ meya.

Nshɛ 104:34

Mee tama fanɛ ma nfɛra fɛso beeŋ baa par fo, ŋkpal manɛ so, ma kagbene fuli fo so.

Nshɛ 112:1

Men kpaŋ Enyɛnpe Ebɔrɛ na awɔrso! Kagbenefuli la bekama nɛ baa bunyaŋ Enyɛnpe Ebɔrɛ na nsaa wora mbe mbraana kasonu kagbenefuliso na peya nna.

Nshɛ 119:1

Kagbenefuli la bekama nɛ bumo be kebaawɔtɔ maŋ kɔ saŋgre kikɛ nɛ baa wora asheŋ a bɛ Enyɛnpe Ebɔrɛ be mbra be ekpa so na peya nna.

Nshɛ 119:11

N ta fo mbra nna n wɔtɔ ma kagbene to, saŋɛ na so m maaŋ wora kulubi ŋ gbiti fo.

Nshɛ 119:35

Ta fo mbraana na a ŋini ma ekpa, ŋkpal manɛ so, amo e naa fuli ma kagbene.

Nshɛ 119:72

Mbra nɛ fo ta n sa ma na kɔ kechɛto n sa ma a chɔ durnya to be amansherbi kikɛ.

Nshɛ 119:92

Nɛ n daa maa nya kagbenefuli ashi fo mbraana to nna, ndafanɛ n wu ashi ma awurfoŋ to.

Nshɛ 40:8

“Kebaa wora fo aparsheŋ e naa fuli ma kagbene, amoso n ta fo mbra n wɔtɔ ma kagbene to nna.”

Nshɛ 88:1

O Enyɛnpe Ebɔrɛ nɛ fo la ma emɔlgapo, kapa nɛ kanyɛ, fo nɛ mee shu a tre.

Jɛremaya 15:16

Fo daŋ malga ma kutɔ nɛ n nu fo kamalga na kikɛ. Enyɛnpetale Ebɔrɛ, n la fo kenya nna nɛ fo mmalga malɛ shin nɛ ma kagbene fuli n wushi ma ga.

Luuk 18:7

To, nɛ a ji nuso nɛ Ebɔrɛ bre maaŋ keni mbe basa laraso nɛ b wɔtɔ a shu kapa nɛ kanyɛ a tre mo na be asheŋ to n sa bumo? E beeŋ kini kenu manaŋ n sa bumo a?

Luuk 2:37

E ka daŋ kil kumo be kafɛ shunusopo to nɛ mo kul wu ŋ ka mo nɛ e wɔtɔ loŋ n ya ji nfɛ aduburwa nɛ ana. E daa sha bɔrɛlambu na to ga nseŋ daa wɔtɔ a kule Ebɔrɛ nsaa kishi a bunyaŋ mo saŋkama.

Romebi 7:22

Ma kagbene bre gbagba bee sha Ebɔrɛ be mbra na.

1 Tɛsalɔnikaebi 2:9

Bekurgepoana, m baa nyi fanɛ menyee nyiŋi kananɛ an mɔ anyi be amu n shuŋ saŋɛ nɛ an daa wɔ men kutɔ a malga Ebɔrɛ be baru lela na a sa menyi na ŋko? Kapa nɛ kanyɛ kikɛ nɛ an daa shuŋ, ŋkpal manɛ so, an daa maa sha keshin nɛ men be ekama e baa wɔ kegben to.

1 Timoti 4:15

Baa wora asɔ ere nseŋ ta fo kagbene kikɛ n wɔtɔ amo to nɛ basa kikɛ e wu kananɛ fo abɔrɛsheŋ be kenyi bee wora keshi a ti so.

2 Timoti 1:3

Mee chɔrɔ Ebɔrɛ nɛ ŋ kɔ nfɛra lela a shuŋ fanɛ kananɛ n nananyɛnana shuŋ mo na. Saŋkama, kapa nɛ kanyɛ nɛ n nyiŋi fo asheŋ, mee di mo epaŋ nna.

Joshuwa 1:8

Sa maŋ yige kebaamalga mbra be kawɔl ere be asheŋ. Baa koya kumo kapa nɛ kanyɛ kikɛ. Fo alɛ nsaa de so a bɛ kusɔ nɛ mbra na bee ŋini na kikɛ so. Saŋɛ na so feeŋ nya nɛfa nɛ fo asheŋ malɛ e baa nyalɛ a sa fo.

1 Jɔn 5:3

Kesha Ebɔrɛ malɛ e la kebɛ mbe mmalga nasesoana so, amo alɛ maŋ du kpakpa.