Maak 9:4 - EBƆRƐ BE KAWƆL

⁴ Kumo be kaman nɛ bebɛsopo asa na wu anebi Elaija nɛ anebi Mosis nɛ baa malga Yesu kutɔ.

Maak 9:4 Iomraidhean Croise

Matiu 11:13

Anebiana na kikɛ nɛ Mosis be mbra na kikɛ daŋ malga kuwura na be asheŋ nna pɔɛŋ nɛ Jɔn be jemanɛ na fo.

Maak 9:3

Nɛ mbe asɔbuuso fuli to parr a kpa edɛ. Durnya to be esa kikɛ daa maaŋ tiŋ n shin nɛ a fuli to a kpa edɛ kananɛ a daŋ fuli to na.

Maak 9:5

Ndoŋ nna nɛ Pita kaŋɛ Yesu: “Eŋinipo, anyi be kebaawɔ nfe ere nyalɛ ga. Anyeeŋ yuu abuu asa nɛ kukoŋwule e baa la feya nɛ kukoŋwule e baa la Mosis peya nɛ kukoŋwule malɛ e baa la Elaija peya.”

Luuk 24:27

Ndoŋ nna nɛ e fara Mosis be abɔrɛsibɛ to m bugi asɔ nɛ a bee malga mo gbagba be asheŋ kikɛ to ŋ kaŋɛ bumo loŋ hale n ya bɔla anebiana na kikɛ be abɔrɛsibɛana to nyam.

Luuk 24:44

Kumo be kaman nɛ e kaŋɛ bumo le: “Asheŋ ere kikɛ nɛ n daŋ kaŋɛ menyi saŋɛ nɛ ma nɛ menyi daŋ kraa wɔtɔ na fanɛ ma asheŋ nɛ a wɔ Mosis be abɔrɛsibɛ to nɛ anebiana na kikɛ peyaana to nɛ Nshɛ to na kikɛ daga kebɔla ekpa na.”

Luuk 9:19

Nɛ b kaŋɛ mo: “Beko bee tre fo Jɔn kabɔrɛbɛrpo nna, beko malɛ bee kaŋɛ fanɛ anebi Elaija e la fo nɛ beko bee kaŋɛ fanɛ dra na be anebiana na be eko e naŋ tiŋi luwu to m ba.”

Baru lela nɛ Jɔn kute na 5:39

Menyi e naa kaa keni abɔrɛsibɛ na to nɛnɛ ŋkpal men ka bee fɛ fanɛ amo to nɛ menyeeŋ bɔla n nya ŋkpa nɛ k maŋ kɔ ekar na so, ama ma alɛ be asheŋ nɛ abɔrɛsibɛ na malɛ bee ji shɛda a kaŋɛ na.

Kelaraŋŋini 19:10

Ndoŋ nna nɛ ŋ gbir n dese kasawule mbe anishito nɛ m maŋ mo so nɛ e kaŋɛ ma: “A maŋ daga fanɛ fo wora loŋ, ŋkpal manɛ so, n la fo barkasa kenya nna fanɛ fo nɛ fo niopibiana nɛ b bɛ Yesu be shɛda be ekpa so na, Ebɔrɛ e daga fanɛ fo baa maŋ mo so.” Ŋkpal manɛ so, kashenteŋ mo nɛ Yesu lara ŋ ŋini na e la Kiyoyu mo nɛ e bee leŋ anebiana na to.