Levitikɔs 3:2 - EBƆRƐ BE KAWƆL

² Amodoŋwura beeŋ ta mbe enɔ n deŋi kusɔbɔya na be kumu so nseŋ mɔ kumo ashi wajɛbu na be kabuna ase. Kumo be kaman nɛ Ɛɛrɔn be mbinyɛnsobi nɛ b la bɔrɛmatapoana na e suse ŋklaŋ na ŋ ŋmenyaŋ bɔrɛsure na be mba ana na kikɛ so ŋ kulti,

Levitikɔs 3:2 Iomraidhean Croise

Ɛksodɔs 29:10

Men baŋ mɛa bumo to n loge, a daga fanɛ men ta gbolu na m ba Enyɛnpe be wajɛbu na be kabuna to m ba shin nɛ Ɛɛrɔn nɛ mbe bibinyɛn na e ta bumo be enɔana n deŋi kumo be kumu so.

Ɛksodɔs 29:11

Kumo be kaman nɛ men mɔ gbolu na ma, Enyɛnpe Ebɔrɛ na be anishito ndoŋ

Ɛksodɔs 29:15

Kumo be kaman nɛ men shin nɛ Ɛɛrɔn nɛ mbe bibinyɛn na e ta bumo be enɔana n deŋi kpakpa nɛ baaŋ mɔ na be kumu so

Ɛksodɔs 29:16

nɛ men mɔ kumo nseŋ suse ŋklaŋ na ŋ ŋmenyaŋ ŋ ŋmenyaŋ bɔrɛsure na be mba ana na kikɛ so.

Ɛksodɔs 29:19

Kede be kaman nɛ men shin nɛ Ɛɛrɔn nɛ mbe bibinyɛn e naŋ ta bumo enɔana n deŋi kpakpa nɛ k ka na be kumu so

Aizaaya 53:6

Anyi kikɛ daa du fanɛ mbolpɔ nɛ b yeŋ n foe n luri to nna. Ekama daŋ sɔ mbe ekpa nna a yɔ. Ama Enyɛnpe Ebɔrɛ na daŋ shin nna nɛ anyi be kasogberge ba mbe kenya so.

Levitikɔs 1:11

E beeŋ mɔ kusɔbɔya na bɔrɛsure na be kelargato be esoso ase, ashi Enyɛnpe Ebɔrɛ na be anishito, nɛ bɔrɛmatapo na e suse ŋklaŋ na ŋ ŋmanyaŋ bɔrɛsure na be mba ana na so ŋ kulti.

Levitikɔs 17:3

Israɛl be esa kama nɛ e mɔ kena ŋko kubolpɔ ŋko kaboe n lara sarga n sa Enyɛnpe Ebɔrɛ na ashi kaplɛkama nɛ k maŋ la wajɛbu na be kabuna ase, kumo ere amodoŋwura wora n de mbra na so nna na. E shin nɛ ŋklaŋ wurge nna nseŋ daga b lara mo Ebɔrɛ be basa to.

Levitikɔs 3:3

nseŋ lara kusɔbɔya na be nfɔ nɛ a wɔ kumo be apuntosɔ so na kikɛ nɛ

Levitikɔs 3:8

e beeŋ ta mbe enɔ n deŋi kumo be kumu so nseŋ mɔ kumo ashi wajɛbu na be kabuna ase nɛ bɔrɛmatapoana na e suse ŋklaŋ na ŋ ŋmenyaŋ bɔrɛsure na be mba ana na so ŋ kulti.

Levitikɔs 8:22

Ndoŋ nna nɛ Mosis shin nɛ b bar kpakpa nyɔsopo nɛ e beeŋ ta ŋ wora bɔrɛmatapoana be kebuu be kasheŋwora na, nɛ Ɛɛrɔn nɛ mbe mbinyɛnsobi na ta bumo be enɔana n deŋi kusɔbɔya na be kumu so.

Zakareya 12:10

Ma, Enyɛnpe Ebɔrɛ na beeŋ shin nɛ kuwɔrwu nɛ kabɔrɛkule be kiyoyu e gbelge m ba ewura Deevid be kamanebi nɛ basa nɛ b wɔ Jerusalɛm to na kikɛ so. Baaŋ to kenishi n wu esa nɛ b da mo kekpa m mɔ na nseŋ shu mbe keeli fanɛ kananɛ baa shu ebi koŋwule be keeli na, nseŋ wora kuwɔr be asheŋ fanɛ esa nɛ e paŋ mbe wurkoŋnyɛn na.

Nɔmbɛs 18:17

Ama a maŋ daga men ka tɔ ana nɛ mbolpɔ nɛ mboe bre be ewurkoŋ. Amo ere daga keta n lara sarga n sa ma ŋkpal manɛ so a la meya nna. Men mɔ amo n chulgi amo be ŋklaŋ n wurge bɔrɛsure na so nseŋ chɔɔ amo be nfɔ saŋɛ na so amo be edishi beeŋ dii m ba ŋ kutɔ ŋkpal manɛ so amo be efɛa bee wora ma ebel nna.

Ashuŋ Shunso 3:15

Amoso, men mɔ esa nɛ e bee sa basa Ebɔrɛ be ŋkpa. Ama Ebɔrɛ shin nɛ e tiŋi luwu na to nɛ anyi gbagba ji kumo be loŋ be shɛda.

Ashuŋ Shunso 3:26

Amoso nɛ Ebɔrɛ lara mbe kenya Yesu n shin nɛ e ba menyi kutɔ pɔɛŋ m ba nɛfa menyi a shin nɛ menyi kikɛ bee lar menyi be alubi to na.”

2 Kɔrintebi 5:21

Anyi so nɛ Ebɔrɛ shin nɛ mo ere, esa nɛ e maŋ nyi kulubi na ki kulubi, saŋɛ na so mo so nɛ anyeeŋ ki Ebɔrɛ be anishito be belelapo.