Joshuwa 9:9 - EBƆRƐ BE KAWƆL

⁹ Nɛ b kaŋɛ le: “An shi efuli wɔfɔ nna nseŋ nu Enyɛnpe, menyi be Ebɔrɛ na be asheŋ. An nu kusɔ kama nɛ e wora n sa menyi ashi Ijipt be kasawule so,

Joshuwa 9:9 Iomraidhean Croise

1 Bewura 8:41

Befɔ nɛ b shi kufɔ na kaŋ nu eleŋ nɛ fo kɔ, nɛ asheŋgboŋ nɛ fee wora na, nseŋ ba bɔrɛlambu ere to m ba kule fo,

Nehemaya 9:5

Ndoŋ nna nɛ Joshuwa nɛ Kadmiɛl nɛ Bani nɛ Hashabnaya nɛ Sherebia nɛ Hodia nɛ Shebania nɛ Petahiya nɛ b shi Livai be yiri to na kaŋɛ basa le: “Men koso n yili nseŋ boŋ to m maŋkura Enyɛnpe menyi be Ebɔrɛ nɛ e wɔ ŋkpa to mbaanaayɔ na. Men maŋkura mbe mamachi be Ketre na, E shi ga nɛ kɔnɔ to be mmalga maaŋ tiŋ n ji mbe asheŋ.”

Nshɛ 148:13

Asɔ to so kikɛ e baa kpaŋ Enyɛnpe Ebɔrɛ na be ketre. Men baa kpaŋ mbe ketre na nawule. Ebɔrɛ be kemaŋkura shi ga a chɔ esoso nɛ kasawule so kikɛ peya.

Nshɛ 72:19

Anyeeŋ baa kpaŋ fo ketre nɛ k kɔ kemaŋkura na jemanɛ kikɛ. Shin nɛ fo kemaŋkuragboŋ na e dii efuli durnya ere be kaplɛkama. Amɛn! Amɛn!

Nshɛ 78:12

Bumo nanaana be anishito nɛ e daŋ wora emamachisheŋ na. Ijipt be efuli so be kebonfu nɛ baa tre Zowan na so nɛ e daŋ wora amo.

Nshɛ 83:18

Shin nɛ b pin fanɛ fo e la Enyɛnpetale Ebɔrɛ. Fo alɛ nawule e naa ji kuwura durnya kikɛ so.

Ɛksodɔs 15:14

Efuli pɔtɛana so ebi gba kaŋ nu kesheŋ ere, kufu beeŋ pɛ bumo nɛ Filistiebi gba e fara a chicha kufuso ga.

Ɛksodɔs 9:16

Ama ŋkpal ŋ ka bee sha fanɛ ŋ ŋini fo ma eleŋ so nɛ n shin nɛ fo kraa wɔtɔ na, saŋɛ na so durnya ere be esa kama beeŋ pin esa nɛ e la ma.

Aizaaya 55:5

To, menyeeŋ kela a tre efuli pɔtɛana nɛ menyi maŋ nyi bumo be basa gba fanɛ b ba ti menyi so, nɛ b shile m ba buu menyi! Ma, Enyɛnpe, Israɛl be Ebɔrɛ cheembi na e naaŋ shin nɛ ade kikɛ e wora m bɔlɔ so. Meeŋ shin nɛ men nya kemaŋkura nɛ bunyaŋ ashi basa kikɛ to.”

Aizaaya 66:19

nseŋ pin fanɛ ma e naa gberge bumo kusoe. Ama meeŋ yige bumo be beko nseŋ yɛr bumo efuli pɔtɛana fanɛ Speen nɛ Libiya nɛ Tubal nɛ Griis nɛ nsawule nɛ a wɔ kufɔ kufɔ nɛ b maŋ naŋ nu ma asheŋ ŋko n wu ma keshi nɛ eleŋgboŋ na so. Baaŋ ya bɔ ma kemaŋkura nɛ keshi be kubɔya n sa ndoŋebi.

Nɔmbɛs 14:15

Naniere nɛ fo baŋ mɔ basa ere, efuliana nɛ b nu fo ketre lela be asheŋ na beeŋ kaŋɛ le:

Nɔmbɛs 20:14

Nɛ Mosis yili Kadɛsh n shuŋi mbɔ fanɛ b ya kaŋɛ Edɔm be ewura le: “Fo kurgepoana Israɛlebi e la anyi. Fo gbagba nyi awurfoŋ nɛ anyee ji

Ashuŋ Shunso 8:7

B daŋ wu mbuibi lubiana ka boŋ to awɔrso n lar basa damta to nseŋ naŋ wu eyurwusowuraana nɛ ebobi damta gba ka nya alenfia.

Ditɛronɔmi 20:11

Nɛ b kaŋ shuli fanɛ b tuba nseŋ bugi bumo be mbunaana n sa menyi nɛ men luri kade na to, kumo ere kade na to be basa kikɛ beeŋ ki menyi be anya nsaa shuŋ menyi.

Ditɛronɔmi 20:15

Kananɛ menyeeŋ wora ndegboŋ nɛ a maŋ taga kasawule nɛ menyeeŋ chena so na to nna na.

Joshuwa 9:10

nɛ kusɔ nɛ e wora Amɔriebi be bewura anyɔ na ashi Jɔɔdan be lɔr na be epeŋilarkpa be kaba so na be asheŋ. Bewura na e la ewura Sihɔn nɛ e chena Hishbɔn n ji kuwura na nɛ ewura Ɔg nɛ e la Bashan be ewura nseŋ chena Ashterɔf na.

Joshuwa 9:16

B ka wora kɔnɔkoŋwule na be nchɛ asa nɛ Israɛlebi na pin fanɛ Gibiɔnebi na chena n taga bumo to nna.

Joshuwa 9:17

Kumo be kaman nɛ Israɛlebi na lar n ta nchɛ asa n ya fo basa na be nde to. Bumo be nde na e la: Gibiɔn nɛ Chefira nɛ Bɛɛrɔf nɛ Kiriaf Jearim.

Joshuwa 9:24

Nɛ Gibiɔnebi na malɛ kaŋɛ Joshuwa le: “Fo nyɛrbi nu kananɛ Enyɛnpe, menyi be Ebɔrɛ na kaŋɛ mbe kayɛrbi Mosis fanɛ e ta kasawule na kikɛ n sa menyi nɛ men mɔ basa kama nɛ b tase kumo so na kikɛ. Kumo be kufu e daŋ pɛ anyi so nɛ an fule menyi na.