Joshuwa 9:8 - EBƆRƐ BE KAWƆL

⁸ Ndoŋ nna nɛ b kaŋɛ Joshuwa le: “An la fo nyɛrbi nna.” Nɛ Joshuwa malɛ bishi bumo: “Basa mo e la menyi? Nnɛ nɛ men shi?”

Joshuwa 9:8 Iomraidhean Croise

2 Bewura 10:5

Ndoŋ nna nɛ krachi nɛ e bee keni ewura be laŋ to ebi so na nɛ enimu nɛ mo alɛ bee keni kade na so na nɛ benimuana na nɛ bumo kurgepoana na, ta le be kubɔya ere n ya sa Jehu. B yɛ: “An la fo nyɛrbi nna, anyi alɛ wora shiriya nɛ an wora kusɔ kama nɛ fo kaŋɛ anyi. Anyi maaŋ buu ekama kuwura, amoso wora kusɔ kama nɛ fee fɛ fanɛ k walɛ.”

Ditɛronɔmi 20:11

Nɛ b kaŋ shuli fanɛ b tuba nseŋ bugi bumo be mbunaana n sa menyi nɛ men luri kade na to, kumo ere kade na to be basa kikɛ beeŋ ki menyi be anya nsaa shuŋ menyi.

Joshuwa 10:6

Kubɔya nɛ Gibiɔnebi na daŋ shuŋi ŋ kaŋɛ Joshuwa ashi Gilgaal be keeyi to e daa la: “Men sa maŋ yige anyi n lɛ. Men ba mɔlga anyi manaŋ! Men ba naniere m ba chɛ anyi to, ŋkpal manɛ so, Amɔriebi be bewura nɛ b shi kebee so be efuli so na kikɛ chɛ abar nna a kɔ anyi kena.”

Joshuwa 9:11

Anyi be bejuŋkparpoana nɛ basa nɛ b wɔ anyi be kasawule so na kikɛ kaŋɛ anyi fanɛ an fin anyi be enite to be ajibi m ba menyi kutɔ m ba ta anyi be amu ŋ ki men be nyɛrbi. B yɛ: ‘Men shin nɛ anyi nɛ menyi e wora kɔnɔkoŋwule.’

Joshuwa 9:23

Ŋkpal men ka wora le so, Ebɔrɛ be kɔnɔsho pɛ menyi. Menyi be basa beeŋ ki anya a kuya ndibi nsaa saŋ nchu a yɔ an be Ebɔrɛ be lambu to saŋkama.”

Joshuwa 9:25

Naniere bre an wɔ menyi be enɔ to nna na, amoso menyeeŋ tiŋ n wora anyi kusɔ kama nɛ menyee fɛ fanɛ k walɛ n sa menyi.”

Joshuwa 9:27

Ama e daŋ ta Gibiɔnebi na ŋ ki anya nna nɛ baa kuya ndibi nsaa saŋ nchu a sa Israɛlebi na nɛ Enyɛnpe be bɔrɛsure na ekpa be beshumpo. Loŋ be kushuŋ nɛ b kraa wɔtɔ a shuŋ hale kabre ashi kaplɛkama nɛ Enyɛnpe Ebɔrɛ ŋini fanɛ b baa shuŋ mo na.