Joshuwa 9:11 - EBƆRƐ BE KAWƆL

¹¹ Anyi be bejuŋkparpoana nɛ basa nɛ b wɔ anyi be kasawule so na kikɛ kaŋɛ anyi fanɛ an fin anyi be enite to be ajibi m ba menyi kutɔ m ba ta anyi be amu ŋ ki men be nyɛrbi. B yɛ: ‘Men shin nɛ anyi nɛ menyi e wora kɔnɔkoŋwule.’

Joshuwa 9:11 Iomraidhean Croise

Jɛnesis 43:12

Kumo be kaman, men ta amansherbi ko n naŋ ti amo nɛ men daŋ wu men be ebɔtɛ to na so n yɔ, ŋkpal manɛ so, shere b wora nna n foe.

2 Bewura 10:5

Ndoŋ nna nɛ krachi nɛ e bee keni ewura be laŋ to ebi so na nɛ enimu nɛ mo alɛ bee keni kade na so na nɛ benimuana na nɛ bumo kurgepoana na, ta le be kubɔya ere n ya sa Jehu. B yɛ: “An la fo nyɛrbi nna, anyi alɛ wora shiriya nɛ an wora kusɔ kama nɛ fo kaŋɛ anyi. Anyi maaŋ buu ekama kuwura, amoso wora kusɔ kama nɛ fee fɛ fanɛ k walɛ.”

Ɛsta 8:17

Efuli kama nɛ kade kama to nɛ ewura na be mbra na yɔ, Juwebi nɛ b wɔ ndoŋ be ŋgbene bee fuli bumo nna ga nɛ baa ji eyur nsaa wora kejigboŋ. Ŋkpal loŋ so basa damta daŋ ta bumo be amu nna ŋ ki Juwebi ŋkpal b ka bee ŋana Juwebi na so so.

Luuk 9:3

Le nɛ e daŋ kaŋɛ bumo: “Men sa maŋ ta shɛŋ n ti men be amu so n yɔ, fanɛ akpabi ŋko ekɔlgu ŋko ajibi ŋko amansherbi ŋko nle anyɔ n ti men be amu so n yɔ.

Joshuwa 1:11

“Men nite keeyi na to ŋ kaŋɛ men be basa kikɛ fanɛ b bela ase n ta bumo be ajibi nɛ nchu, ŋkpal manɛ so nchɛ asa be kefɛato menyeeŋ dii Jɔɔdan be lɔr na n ya sɔ kasawule nɛ Enyɛnpe menyi be Ebɔrɛ na kɔ a sa menyi na so.”

Joshuwa 9:10

nɛ kusɔ nɛ e wora Amɔriebi be bewura anyɔ na ashi Jɔɔdan be lɔr na be epeŋilarkpa be kaba so na be asheŋ. Bewura na e la ewura Sihɔn nɛ e chena Hishbɔn n ji kuwura na nɛ ewura Ɔg nɛ e la Bashan be ewura nseŋ chena Ashterɔf na.

Joshuwa 9:12

Men keni anyi be bodobodo. An ka lar epe a ba menyi kutɔ na nɛ a kra walɛ nna ama naniere amo e wɔlso nseŋ puu na.

Joshuwa 9:8

Ndoŋ nna nɛ b kaŋɛ Joshuwa le: “An la fo nyɛrbi nna.” Nɛ Joshuwa malɛ bishi bumo: “Basa mo e la menyi? Nnɛ nɛ men shi?”