Joshuwa 8:8 - EBƆRƐ BE KAWƆL

⁸ Men kaŋ pɔɔ kade na so n loge, men wɔtɔ kumo kikɛ edɛ fanɛ kananɛ Enyɛnpe Ebɔrɛ kaŋɛ menyi na gbagba. Ma kubɔya nɛ ŋ kɔ a sa menyi nna na.”

Joshuwa 8:8 Iomraidhean Croise

2 Samuɛl 13:28

B ka bee ji na nɛ Absalɔm kaŋɛ mbe nyɛrbi le: “Men shin nɛ men be lakal e ba wɔ Amnɔn so a keni saŋɛ so nɛ e beeŋ boo, a wora chilchil be asheŋ na. Loŋ be saŋɛ na nɛ men mɔ mo. Men sa maaŋ kaa lɔ kufu, ŋkpal manɛ so, meeŋ sɔ kumo be turju kikɛ n deŋi ma kumu so!”

Ditɛronɔmi 20:16

Ama menyi kaŋ kɔ n sɔ ndegboŋ nɛ a wɔ kasawule nɛ Enyɛnpe menyi be Ebɔrɛ na ta a sa menyi ere so bre, men mɔ basa na nɛ bumo be asɔbɔya kikɛ.

Joshuwa 1:16

Ndoŋ nna nɛ b shuli so ŋ kaŋɛ Joshuwa le: “Asɔ kama nɛ fo kaŋɛ anyi, anyeeŋ wora. Nɛ fo naŋ shuŋi anyi kaboŋ kama gba nna, anyeeŋ yɔ.

Joshuwa 1:9

Nyiŋi fanɛ n teŋ kaŋɛ fo fanɛ fo baa leŋ fo kumu to nsaa kɔ kagbene. Sa maŋ shin nɛ kufu e pɛ fo nɛ fo pɔ aba, ŋkpal manɛ so, kaplɛkama nɛ fo wɔ, ma, Enyɛnpe fo Ebɔrɛ na wɔ fo kaman.”

Joshuwa 6:24

Kumo be kaman nɛ b wɔtɔ kade na nɛ kusɔ kama nɛ k wɔ kumo to kikɛ edɛ nɛ kumo kikɛ chɔɔ m mur. Shuwa nɛ gbiti nɛ kusɔ kama nɛ b ta katishaŋ peper nɛ abɛlso n wora na nawule nɛ b daŋ ta n wɔtɔ Enyɛnpe Ebɔrɛ be kpanjawu to.

Joshuwa 8:13

Le nɛ b daŋ barga benapo na to n chena. Benapo na be beko daŋ wora bumo be keeyi to nna ashi kade na be kelargato be esoso be kaba so nɛ bumo nɛ b ka na malɛ ya ŋana Ai be epeŋitɔrkpa be kaba so. Ama Joshuwa bre daŋ dese ketaŋɛ na to nna ŋklade.

Joshuwa 8:2

Kananɛ men baŋ wora Jɛriko nɛ kumo be ewura na, loŋ gbagba nɛ mee sha men ka wora Ai nɛ kumo be ewura, ama menyeeŋ tiŋ n ta bumo ere be asɔ nɛ asɔbɔya ŋ ki menyeya naniere bre. Shin nɛ benapo na be beko e wora shiriya n ya ŋana kupuŋ to kade na be ekarso a jo nɛ b kɔ kade na to ebi kena.”

Joshuwa 8:22

Ndoŋ nna nɛ Israɛlebi nɛ b wɔ kade na to na gba ba chɛ bumo braana na to a kɔ. Israɛlebi na daŋ kulti Ai be benyɛn na kikɛ nna n wɔtɔ n mɔ bumo kikɛ. Bumo be ekama daa maŋ nya kakpa n shile, ekama malɛ daa maŋ pete.

Joshuwa 8:28

Amoso Joshuwa e daŋ chɔ Ai be kade na kikɛ m mur n shin nɛ k ki alambure hale kabre.

Joshuwa 8:7

Saŋɛ na so b kaŋ ju anyi m barga kade na n yɔ kufɔ nɛ menyi alɛ e lar kupuŋ na to ŋ kɔ m pɔɔ kade na so. Men Nyɛnpe Ebɔrɛ na beeŋ ta kumo m bɔɔ menyi enɔ.

Joshuwa 8:9

Kede be kaman nɛ Joshuwa shin nɛ benapo na be beko lar n ya ŋana Ai be epeŋitɔrkpa be kaba so ashi kumo nɛ Bɛtɛl be kefɛato. Nɛ mo ere nɛ benapo nɛ b ka na dese keeyi na to ŋklade.

Demujipoana 4:6

Kachako nɛ e shuŋi n tre kanyɛn nɛ baa tre Barak nɛ e la Abinoam pibinyɛn nseŋ shi kadegboŋ nɛ baa tre Kedɛsh nɛ k wɔ Naftali be yiri to be kasawule so na, ŋ kaŋɛ mo le: Enyɛnpe, Israɛl be Ebɔrɛ na yɛ: “Keni Naftali nɛ Zɛbyulɔn be eyiri to n lara benyɛn ŋgboŋ kudu n juŋkpar bumo n yɔ kebee nɛ baa tre Tabɔɔ na so.