Joshuwa 8:4 - EBƆRƐ BE KAWƆL

⁴ Ndoŋ nna nɛ Joshuwa kaŋɛ benapo na le: “Men kaŋ kusoe n nu nɛnɛ. Men be beko e ya pugi kade na be ekarso, nseŋ wora shiriya a jo, ama men sa maŋ barga kumo ga.

Joshuwa 8:4 Iomraidhean Croise

2 Bewura 7:12

Ndoŋ nna nɛ ewura na koso kanyɛso na ŋ kaŋɛ mbe laŋ to be beshumpo be benimu na le: “Men shin nɛ ŋ kaŋɛ menyi kusɔ nɛ Siriya be benapo na bee kre. Ŋkpal b ka nyi akoŋ ka tɔr nfe so nɛ b lar bumo be keeyi to n ya ŋana kupuŋ to na, saŋɛ na so an kaŋ lar nɛ an ya fin ajibi, baaŋ kɔ m pɔɔ anyi so n sɔ anyi be kade.”

2 Kronikɛls 13:13

Jemanɛ ere so nɛ ewura Jeroboam shin nɛ mbe benapo ko ya pugi Judaebi na be benapo na be kaman to nɛ bumo nɛ b ka na malɛ wɔ bumo be anishito a jo nɛ b kɔ bumo kena.

Kaŋinichiŋgeliŋ 7:19

Kusɔ nɛ esa nɛ e kɔ kanyiasheŋ beeŋ tiŋ n wora, bejuŋkparpo kudu maaŋ tiŋ n wora kumo n sa bumo be kade.

Kaŋinichiŋgeliŋ 9:16

Amoso nɛ ma ere kaŋɛ fanɛ kanyiasheŋ bɔ eleŋ na. Ama esa kikɛ maa fɛ fanɛ etirpo nyi asheŋ ŋko a ta mbe kamalga a shuŋ.

Ashuŋ Shunso 23:21

Ama kplaŋ bumo so, ŋkpal manɛ so, basa ko chɔ basa adena ŋ ŋana a jo mo. Amo be basa na kikɛ bɔ ntaŋ nna fanɛ b maŋ mɔ Pɔɔl, b maaŋ ji ajibi, bumo alɛ maaŋ nuu shɛŋ. B bela ase nɛ b wora loŋ nsaa jo nɛ b nu kusɔ nɛ feeŋ kaŋɛ.”

Joshuwa 8:16

Nɛ Ai be benyɛn kikɛ koso n ju a buu bumo so. B daŋ ju m bɛ Joshuwa so hale nɛ bumo nɛ mo kikɛ ya barga kade na n yɔ kufɔ cheche.

Joshuwa 8:3

Nɛ Joshuwa nɛ mbe benapo kikɛ bela ase, nɛ e lara bumo to be bumo nɛ b kɔ kenyɛn ga na be ŋgboŋ adesa, nɛ b tu mo n yɔ Ai kumo be kanyɛso kikɛ.

Demujipoana 20:29

Ndoŋ nna nɛ Israɛl be benapo na be beko ya ŋana m pugi ŋ kulti Gibiya n wɔtɔ.

Demujipoana 20:33

Kumo be kaman nɛ Israɛlebi be benapo nɛ b bɛta a shile na ya gama abar so ashi Baal Tama, nɛ bumo nɛ b ŋana m pugi Gibiya be epeŋitɔrkpa na malɛ lar a ba.

Demujipoana 20:36

Ndoŋ nɛ Bɛnjaminebi na pin fanɛ b kɔ n tɔr kashenteŋto. Israɛl be benapo nɛ b shi ga nseŋ daŋ bɛta a shile jemanɛ nɛ Bɛnjaminebi na daa bɛ bumo so na daa wora loŋ nna ŋkpal b ka nyi bumo braana ka ŋana m pugi ŋ kulti Gibiya be kade na be asheŋ so.

Demujipoana 9:25

Nɛ Shɛkɛmebi na kpal loŋ so n shin nɛ basa ya ŋana abee so a jo bekama nɛ baaŋ bɔla ndoŋ n choŋ nɛ b suge bumo be asɔ. Ndoŋ nna nɛ b ya kute kumo be loŋ n sa Abimelɛk.

Demujipoana 9:32

Amoso fo nɛ fo benapo e jo nɛ kanyɛ e biri nɛ men ba ŋana m pugi kade na be ekarso.

1 Samuɛl 15:2

E beeŋ gberge Amalɛk be basa kusoe ŋkpal bumo nananyɛnana ka daŋ ŋana ekpa to ŋ kɔ Israɛlebi kena saŋɛ nɛ b daŋ lar Ijipt be efuli so a ba na so.

1 Samuɛl 15:5

Nɛ Sɔɔl nɛ mbe benapo na ya ŋana ketaŋɛ ko nɛ k taga kade nɛ baa tre Amalɛk na to a jo nɛ b kɔ Amalɛkebi na kena.