Joshuwa 8:34 - EBƆRƐ BE KAWƆL

³⁴ Ndoŋ nna nɛ Joshuwa kraŋ mbra na kikɛ awɔrso. E daŋ kraŋ kumo be enɛfa nɛ kɔnɔsho kikɛ be asheŋ fanɛ kananɛ b sibɛ n nase mbra be kawɔl na to na gbagba chap nna ŋ ŋini bumo.

Joshuwa 8:34 Iomraidhean Croise

Nehemaya 13:1

Kachɛ nɛ b kraŋ Mosis be mbra na awɔrso n sa ekama na nɛ kelar efuli fanɛ Ammɔnebi nɛ Mowabebi maŋ daga fanɛ b ti Ebɔrɛ be basa so.

Nehemaya 9:3

Awa asa nɛ b yil a nu b ka bee kraŋ Enyɛnpe bumo be Ebɔrɛ na be mbra be kawɔl na. Kumo be kaman nɛ b naŋ ta awa asa malɛ ŋ kule Ebɔrɛ ŋ kaŋɛ bumo be alubi nseŋ bunyaŋ Enyɛnpe Ebɔrɛ na.

Ditɛronɔmi 27:14

Kumo be kaman nɛ Livai be yiri to be basa na e baa ponte awɔrso a kaŋɛ eshoduu na kukoko to le:

Ditɛronɔmi 28:28

Enyɛnpe Ebɔrɛ na beeŋ shin nɛ eboŋ e tɔr menyi so nseŋ naŋ shin nɛ men tan. E beeŋ shin nɛ men be nfɛra e wea to nɛ men maaŋ naa fɛ nfɛra niŋi so.

Joshuwa 1:8

Sa maŋ yige kebaamalga mbra be kawɔl ere be asheŋ. Baa koya kumo kapa nɛ kanyɛ kikɛ. Fo alɛ nsaa de so a bɛ kusɔ nɛ mbra na bee ŋini na kikɛ so. Saŋɛ na so feeŋ nya nɛfa nɛ fo asheŋ malɛ e baa nyalɛ a sa fo.