Joshuwa 8:2 - EBƆRƐ BE KAWƆL

² Kananɛ men baŋ wora Jɛriko nɛ kumo be ewura na, loŋ gbagba nɛ mee sha men ka wora Ai nɛ kumo be ewura, ama menyeeŋ tiŋ n ta bumo ere be asɔ nɛ asɔbɔya ŋ ki menyeya naniere bre. Shin nɛ benapo na be beko e wora shiriya n ya ŋana kupuŋ to kade na be ekarso a jo nɛ b kɔ kade na to ebi kena.”

Joshuwa 8:2 Iomraidhean Croise

2 Kronikɛls 13:13

Jemanɛ ere so nɛ ewura Jeroboam shin nɛ mbe benapo ko ya pugi Judaebi na be benapo na be kaman to nɛ bumo nɛ b ka na malɛ wɔ bumo be anishito a jo nɛ b kɔ bumo kena.

2 Kronikɛls 20:22

B ka baŋ fara a boŋ nshɛ na, nɛ Enyɛnpe Ebɔrɛ shin nɛ keyeŋiyeŋi tɔr bedoŋ be benapo na so nɛ b wulto epul to.

Nshɛ 39:6

K bee choŋ manaŋ manaŋ nna fanɛ kiyoyul na. Awurfoŋ nɛ anyee ji ere kikɛ la fuloŋ nna. Anyee fin asɔ nna a deŋi abar so a yili nsaa maŋ nyi esa nɛ e beeŋ ba ji amo be kapetɛ kachako so.

Aŋasa 13:22

Basa lela bee yige kapetɛ nna a yili bumo be kaman to ebi, ama belubiworapo bre bee fin asɔ nna a yili basa nɛ baa wora asheŋ niŋiso.

Aŋasa 28:20

Ebɔrɛ beeŋ nɛfa bekama nɛ baa ji kashenteŋ, ama E beeŋ gberge bekama nɛ baa sha fanɛ b bɔla ekpa lubi so n dii dama manaŋ na kusoe.

Jɛremaya 17:11

Esa kama nɛ e bee puni a nya amansherbi du fanɛ kabuibi nɛ e bee pugi afule nɛ e maŋ to so nna. Jemanɛ nɛ e beeŋ daŋ n yili na nɛ e beeŋ paŋ amansherbi na, kumo be lalaloge nɛ e ki fanɛ ewulpo.

Jɛremaya 51:12

Men maŋ tuta na so a ŋini fanɛ kena na fara nɛ benapo na e fara a bure kadegboŋ na be egbalana na. Men shin nɛ benapo na be beko e ba ti bumo nɛ baa kɔ na so nseŋ shin nɛ beko e yili a de kadegboŋ na so nɛ beko malɛ e ya ŋana m pugi a jo!” Kusɔ nɛ Enyɛnpe Ebɔrɛ na kre kewora Babilɔn be efuli so be basa na nɛ e wora na.

Ditɛronɔmi 2:35

Ndoŋ nna nɛ an ta bumo be asɔbɔya nseŋ sensaŋ bumo be nde kikɛ to n ta bumo be asɔ lela kikɛ.

Ditɛronɔmi 20:14

Ama menyeeŋ tiŋ m pɛ bumo be beche nɛ mbia kenya nseŋ ta bumo be asɔbɔya nɛ asɔ lela nɛ menyee sha. Menyeeŋ tiŋ n ta men doŋana na be asɔ n wora kusɔ kama nɛ menyee sha, ŋkpal manɛ so, Enyɛnpe Ebɔrɛ na e ta amo n sa menyi.

Ditɛronɔmi 3:2

Nɛ Enyɛnpe Ebɔrɛ na kaŋɛ ma le: “Mosis, men sa maa ŋana mo. Meeŋ chɛ menyi to nɛ men kɔ m pɔɔ Ewura Ɔg nɛ mbe benapo so n suge bumo be kasawule. Men mur mo nɛ mbe basa kikɛ fanɛ kananɛ men wora Amɔriebi be ewura, Sihɔn, nɛ e daa ji kuwura ashi Hɛshbɔn na.”

Joshuwa 10:1

Adonizɛdɛk nɛ e daa la Jerusalɛm be ewura na daŋ nu fanɛ Joshuwa pɔɔ Ai so m mur kumo kikɛ nseŋ mɔ bumo be ewura fanɛ kananɛ e daŋ wora Jɛriko nɛ kumo be ewura na, nseŋ naŋ nu gba fanɛ Gibiɔnebi na yɔ Israɛlebi kutɔ nɛ bumo nɛ bumo ya wora kagbenewushi be kɔnɔkoŋwule be ŋkre, hale nɛ b chena Israɛlebi na to.

Joshuwa 10:28

Kumo be kachɛ na nɛ Joshuwa kɔ m pɔɔ Makɛda be kade na nɛ kumo be ewura so. E daŋ mɔ kade na to be basa kikɛ nna. Esa kama daa maŋ ji efute kumo be kachɛ na. Kananɛ e daŋ wora Jɛriko be ewura na, loŋ koŋwule na nɛ e wora Makɛda be ewura na gba.

Joshuwa 11:14

Israɛlebi na daŋ ta basa na be asɔ lela nɛ bumo be asɔbɔya kikɛ nna. Ama b daŋ mɔ basa kama nɛ b daa wɔ nde na to bre kikɛ. Esa koŋwule gba daa maŋ ji efute.

Joshuwa 6:21

nseŋ ta bumo etokobi m mɔ benyɛn nɛ beche nɛ mbia nɛ benimu nɛ kusɔ kama nɛ k wɔ kade na to kikɛ. B daŋ mɔ ana nɛ mbolpɔ nɛ ekurma nɛ amo kikɛ ki sarga n sa Ebɔrɛ.

Joshuwa 8:12

Joshuwa daŋ lara basa ŋgboŋ anu nna n shin nɛ b ya ŋana kade na b epeŋitɔrkpa be kaba so ashi Bɛtɛl nɛ Ai be kefɛato.

Joshuwa 8:14

Ai be Ewura ka wu Joshuwa be basa na, nɛ mo nɛ kade na to be benyɛn kikɛ nya manaŋ ŋ koso kachipurdidi m bɔla Jɔɔdan be ketaŋɛ na be kaba so nɛ b ya kɔ Israɛlebi na ashi kaboŋ nɛ bumo nɛ bumo daŋ kɔ na. E daa maŋ nyi fanɛ Israɛlebi na be beko ŋana kade na be ekarso nɛ b kɔ mo.

Joshuwa 8:19

Joshuwa ka baŋ maŋ mbe enɔ so, epul na to nɛ benapo nɛ b daa puu kade na be kaba ko na lar manaŋ n luri kade na to ŋ kɔ m pɔɔ kumo so, nseŋ wɔtɔ kumo kikɛ edɛ.

Joshuwa 8:24

Israɛlebi na daŋ mɔ Ai be basa kama nɛ b daŋ ju m buu bumo so n yɔ keshishɛrsawule na so na kikɛ nseŋ bɛta n yɔ Ai be kade na to n ya mɔ bekama nɛ b ka ndoŋ malɛ.

Joshuwa 8:3

Nɛ Joshuwa nɛ mbe benapo kikɛ bela ase, nɛ e lara bumo to be bumo nɛ b kɔ kenyɛn ga na be ŋgboŋ adesa, nɛ b tu mo n yɔ Ai kumo be kanyɛso kikɛ.

Joshuwa 8:7

Saŋɛ na so b kaŋ ju anyi m barga kade na n yɔ kufɔ nɛ menyi alɛ e lar kupuŋ na to ŋ kɔ m pɔɔ kade na so. Men Nyɛnpe Ebɔrɛ na beeŋ ta kumo m bɔɔ menyi enɔ.

Joshuwa 8:8

Men kaŋ pɔɔ kade na so n loge, men wɔtɔ kumo kikɛ edɛ fanɛ kananɛ Enyɛnpe Ebɔrɛ kaŋɛ menyi na gbagba. Ma kubɔya nɛ ŋ kɔ a sa menyi nna na.”

Joshuwa 8:9

Kede be kaman nɛ Joshuwa shin nɛ benapo na be beko lar n ya ŋana Ai be epeŋitɔrkpa be kaba so ashi kumo nɛ Bɛtɛl be kefɛato. Nɛ mo ere nɛ benapo nɛ b ka na dese keeyi na to ŋklade.

Joshuwa 9:3

Ama Gibiɔnebi na ka nu kusɔ nɛ Joshuwa wora Jɛriko nɛ Ai na,