Joshuwa 8:12 - EBƆRƐ BE KAWƆL

¹² Joshuwa daŋ lara basa ŋgboŋ anu nna n shin nɛ b ya ŋana kade na b epeŋitɔrkpa be kaba so ashi Bɛtɛl nɛ Ai be kefɛato.

Joshuwa 8:12 Iomraidhean Croise

Jɛnesis 12:8

Kumo be kaman nɛ e yɔ abee nɛ a wɔ Bɛtɛl be epeŋipetekpa be kaba so na n ya yuu mbe ewajɛbu Bɛtɛl nɛ Ai be kefɛato. Ndoŋ nɛ Eebram naŋ yuu bɔrɛsure m bunyaŋ Enyɛnpe na pɔɛŋ

Jɛnesis 28:19

Kumo be kaman nɛ e nase kakpa na ketre Bɛtɛl. Kade nɛ k daa wɔ ndoŋ na nɛ b daa tre Luz pɔɛŋ nɛ e nase kumo Bɛtɛl na.

Joshuwa 8:11

Benapo nɛ b wɔ mo kutɔ na kikɛ daŋ chala nna m bɔla kade na be kabunagboŋ na be kaba so n ya wora bumo be keeyi to ashi kade na be kelargato be esoso be kaba so nɛ ketaŋɛ wɔ bumo nɛ Ai be kefɛato.

Joshuwa 8:13

Le nɛ b daŋ barga benapo na to n chena. Benapo na be beko daŋ wora bumo be keeyi to nna ashi kade na be kelargato be esoso be kaba so nɛ bumo nɛ b ka na malɛ ya ŋana Ai be epeŋitɔrkpa be kaba so. Ama Joshuwa bre daŋ dese ketaŋɛ na to nna ŋklade.

Demujipoana 1:22

Ŋkpal Enyɛnpe Ebɔrɛ na ka daa chɛ bumo to so, Efrayimebi nɛ Manaseebi nɛ b shi Josɛf be kanaŋ to na daŋ kre nna nɛ b ya kɔ basa nɛ b daa wɔ kade nɛ baa tre Bɛtɛl nɛ kumo koŋwule na la Luz na kena.

1 Samuɛl 15:5

Nɛ Sɔɔl nɛ mbe benapo na ya ŋana ketaŋɛ ko nɛ k taga kade nɛ baa tre Amalɛk na to a jo nɛ b kɔ Amalɛkebi na kena.