Joshuwa 7:7 - EBƆRƐ BE KAWƆL

⁷ Ndoŋ nna nɛ Joshuwa kaŋɛ le: “Enyɛnpetale Ebɔrɛ, manɛ e ba nɛ fo ta anyi n dii Jɔɔdan be lɔr ere nɛ Amɔriebi e baa mur anyi? Manɛ nna bre, nɛ fo maŋ shin nɛ an wɔ lɔr na be kaba ndoŋ?

Joshuwa 7:7 Iomraidhean Croise

2 Bewura 3:10

Nɛ ewura Joram ponte ŋ kaŋɛ le: “Nuso be kenishipere be asheŋ e tu anyi ere! Enyɛnpe Ebɔrɛ na bar anyi nfe nna nɛ Mowab be ewura na e ba kɔ m pɔɔ anyi so a?”

Nshɛ 116:11

Jemanɛ nɛ kufu daa kɔ ma gba, m maŋ ta ma yirda n deŋi esa kikɛ so.

Ɛksodɔs 16:3

a kaŋɛ le: “Enyɛnpe Ebɔrɛ daŋ shin nɛ an wu ashi ljipt be kasawule so gba, k daa bɔ, ŋkpal manɛ so, an ka daa wɔ ndoŋ, an daa nya eblaŋ nɛ ajibi kanaŋkamaso nɛ anyee sha a ji. Ama kumo nɛ men bar anyi keshishɛrsawule ere so m ba ka shin nɛ men ta akoŋ m mɔ anyi kikɛ na.”

Ɛksodɔs 17:3

Ama ŋkpal achukoŋ ka daa kɔ basa na ga so b baa bile asheŋ nna nsaa malga a gbiti Mosis a bishi mo: “Manɛ nna bre nɛ fo lara anyi ashi Ijipt m ba kaa shin nɛ fo ta achukoŋ m mɔ anyi nɛ an be mbia nɛ asɔbɔya kikɛ ere?”

Nɔmbɛs 14:16

‘Fo, Enyɛnpe Ebɔrɛ mɔ fo basa ashi keshishɛrsawule na so nna ŋkpal fo ka maŋ tiŋ ŋ keta bumo n luri kasawule nɛ fo bɔ ntaŋ n nase kɔnɔ fanɛ feeŋ sa bumo na to so.’

Nɔmbɛs 14:3

Manɛ nna nɛ Enyɛnpe Ebɔrɛ keta anyi a ba Keenan nɛ b mɔ anyi nseŋ pɛ anyi be beche nɛ mbia ŋ ki anya? An daa wɔ Ijipt be kasawule so gba, k daa ba bɔ.”

Matiu 17:17

Nɛ Yesu bishi bebɛsopo na: “O menyi mbreebi, nuso be basa lubi e la menyi nɛ men maŋ kɔ yirda ere bre? Nuso be kechɛr nɛ menyee sha fanɛ n chɛr menyi kutɔ? Nɛ nuso be kanyiti nɛ menyee sha fanɛ n naŋ ta ŋ keta menyi? Men bar kebia na ma kutɔ nfe.”

Matiu 17:20

Nɛ Yesu kaŋɛ bumo: “Men be yirda ka maŋ shi so nɛ men maŋ tiŋ na. Ma e kaŋɛ menyi kashenteŋto na fanɛ nɛ men be yirda baa du fimbi fanɛ kakilia be kebi gba, menyeeŋ tiŋ ŋ kaŋɛ kebee ere le: ‘Pulgi fo kumu nfe n yɔ ndoŋ ere!’ Nɛ k pulgi. Shɛŋ shɛŋ maaŋ baa du menyi so kpakpa.

Hibruwebi 12:5

Men teŋ keleŋto be mmalga nɛ Ebɔrɛ bee malga a sa menyi fanɛ mbe mbia na so a? E yɛ: “M pibi, sa maŋ ta kananɛ Enyɛnpe niŋi fo ekpa na fanɛ kusɔ fɔmbi nsaa maa pɔ aba ŋkpal e ka gberge fo kusoe so.

Joshuwa 7:6

Nɛ Joshuwa nɛ Israɛlebi be benimu na kikɛ kpɛa bumo be asɔbuuso to kagbenejijaso nseŋ tɔr kasawule ashi Enyɛnpe Ebɔrɛ be ŋkre be deka na ase n dese ndoŋ hale n ya fo kaaseso. B daŋ muu shishɛr gba nna n wurge bumo be amu so a ŋini fanɛ bumo be ŋgbene jija bumo ga.

Joshuwa 7:8

Enyɛnpe Ebɔrɛ! Naniere Israɛlebi ka kilgi a shile bumo doŋana ere, manɛ nɛ n naa kɔ nɛ ŋ kaŋɛ fo?

1 Samuɛl 4:3

Israɛl be benapo nɛ b ka na ka bɛta n yɔ bumo be keeyi to na, nɛ bumo be benimu na kaŋɛ le: “Manɛ nna nɛ Enyɛnpe Ebɔrɛ shin nɛ Filistiebi ere kɔ m pɔɔ anyi so kabre loŋ? Men shin nɛ an ya ta Enyɛnpe Ebɔrɛ be ŋkre be deka nɛ k wɔ Shilo na m ba, saŋɛ na so Ebɔrɛ beeŋ bɛ anyi so n ya mɔlga anyi ashi anyi doŋana kutɔ.”