Joshuwa 7:26 - EBƆRƐ BE KAWƆL

²⁶ B daŋ bela ajembu gboŋgboŋi damta nna n deŋi Eekan so kululu. Nɛ Enyɛnpe Ebɔrɛ be agbo nyaŋnyaŋso na wushi. Amoso nɛ b kra tre kaboŋ na Akɔɔ be ketaŋɛ to hale kabre na.

Joshuwa 7:26 Iomraidhean Croise

2 Samuɛl 18:17

Kumo be kaman nɛ b ta Absalɔm b kebuni n ya lɛ kupo na to be kejamaŋ chiŋgeliŋ ko to nseŋ muu ajembu gboŋgboŋi damta n deŋi mo so kululu. Loŋ be jemanɛ na so nɛ Absalɔm be bebɛsopo na kikɛ pɛ ekpa n shile n yɔ bumo peana.

2 Samuɛl 21:14

Sɔɔl mo tuto Kish be nchaŋ to ashi Zɛla nɛ k wɔ Bɛnjamin be kasawule so na nɛ b daŋ puli Sɔɔl nɛ Jonatan be awibi fanɛ kananɛ ewura Deevid kaŋɛ bumo fanɛ b wora na. Ade kikɛ be kaman nɛ Ebɔrɛ nu bumo be kabɔrɛkule nseŋ nɛfa bumo be kasawule nɛ akoŋ nɛ k daŋ tɔr na loge.

2 Kronikɛls 29:10

Naniere bre ma nɛ Enyɛnpe nɛ e la Israɛl be Ebɔrɛ na beeŋ tiŋi ŋkre dra na to. Ashere nɛ n wora loŋ, mbe agbo maaŋ naa wɔ anyi so.

Ɛzra 10:14

Men shin nɛ anyi be bejuŋkparpo a shir Jerusalɛm ŋ keni demu na to n sa anyi. Kumo be kaman, nɛ an yili kachɛ nɛ bekama nɛ b kɔ befɔche a kil na nɛ bejuŋkparpo na nɛ demujipoana na kikɛ e shɛr Jerusalɛm to nfe. Loŋ e naŋ shin nɛ Ebɔrɛ be agbo e wushi nseŋ lar anyi so ŋkpal demu ere so.”

Nshɛ 85:4

O Ebɔrɛ nɛ fo la anyi be emɔlgapo, naŋ bɛta anyi m ba fo kutɔ, nsaa maŋ nya agbo n wɔtɔ anyi!

Ɛksodɔs 32:12

Nuso nɛ Ijiptebi na beeŋ kaŋɛ a yɔ fo kaplɛa so? B maaŋ kaŋɛ fanɛ fo lara bumo nna ashi Ijipt be kasawule so nna m ba abee to nɛ fo ba mur a? Amoso shin nɛ fo kagbene e dese nɛ fo chɛrga fo nfɛra nsaa maŋ shin nɛ le be tɔrɔ ere e ba fo basa so.

Aizaaya 40:2

Meeŋ leŋ Jerusalɛm be basa to. Kaŋɛ bumo fanɛ b ji awurfoŋ n chɛr ga. Naniere b nya bumo be alubi be ketampaŋ. N tiŋ ŋ gberge bumo kusoe ga ŋkpal bumo be alubi so.”

Aizaaya 65:10

Kumo be kaman nɛ b baa shuŋ ma, Enyɛnpe Ebɔrɛ na ashi ndoŋ nsaa kpa bumo be mbolpɔ nɛ ana a yɔ Sharɔn be keplasawule nɛ k wɔ kasawule na be epeŋitɔrkpa be kaba so nɛ b ya ji afitiri lela nɛ Akɔ be Ketaŋɛ nɛ kumo alɛ wɔ epeŋilarkpa be kaba so na so.

Nfabel 3:53

Kumo be kaman nɛ b ta ma n wɔtɔ ketirbu to, nseŋ bela ajembu a kpa ma ketirbu na to a fin kemɔ ma.

Hoziya 2:15

Meeŋ naŋ bɛta menyi be asɔrso nɛ baa tre greep na be adɔbi na n sa menyi nseŋ shin nɛ ketaŋɛ nɛ baa tre ‘Akɔɔ’ nɛ kumo be kifito la tɔrɔ na e ki Tama be kaboŋ. Ndoŋ nɛ menyee nu n sa ma fanɛ kananɛ men daŋ nu n sa ma saŋɛ nɛ men la mbifɔlbi nɛ n lara menyi ashi Ijipt be kasawule so na.

Hoziya 2:17

Ma alɛ beeŋ lara kegbir nɛ baa tre Baal na be ketre ashi men be nnɔ to nɛ men maaŋ naŋ shu n tre kumo kikɛ.

Jowɛl 2:13

Men shin nɛ men be kagbenejija na e di efuli ŋ ŋini fanɛ kashenteŋto men be ŋgbene maŋ dese menyi. Men be asɔbuuso be kekpɛa to ere bre maŋ la shɛŋ. Men bɛta m ba Enyɛnpe, men be Ebɔrɛ na kutɔ. E la enyitipo nna, nsaa bɛ mbe nnɔ naseso so. Saŋkikɛ e wora shiriya nna nɛ e ta men be alubi m paŋ menyi nsaa maaŋ gberge menyi kusoe

Jowɛl 2:18

Enyɛnpe Ebɔrɛ be kasawule be asheŋ tir mo ga nna, nɛ e wu mbe basa kuwɔr nseŋ nu bumo be kabɔrɛkule

Jona 1:15

Kumo be kaman nɛ b lara Jona n lɛ teku na to, nɛ k wora shruum epul na to.

Zakareya 6:8

Kumo be kaman nɛ malaika na boŋ to ŋ kaŋɛ ma “Egbaŋɛ nɛ a yɔ Babilɔn be efuli so nɛ k wɔ kelargato be esoso be kaba so na e shin nɛ Enyɛnpe Ebɔrɛ na be agbo wushi.”

Nɔmbɛs 25:8

m bɛ Israɛl be kanyɛn na nɛ eche na so n yɔ mbe wajɛbu to n ya da mo nɛ eche na kikɛ m mata abar. Ndoŋ nna nɛ Enyɛnpe Ebɔrɛ shin nɛ aleblawu nɛ k bee tɔrɔ Israɛlebi na kikɛ kuu.

Ditɛronɔmi 13:17

Menyi alɛ e sa maŋ kaŋ ta kusɔ kama kade na to. Aloŋ e naaŋ shin nɛ Enyɛnpe Ebɔrɛ na be agbogboŋ e wushi nɛ e wu menyi kuwɔr. Kumo be kaman nɛ e shin nɛ men wora keshi n ti so fanɛ kananɛ e nase kumo be kɔnɔ n sa men nananyɛnana na.

Ditɛronɔmi 13:18

Amoso nɛ a daga fanɛ men baa wora kusɔ nɛ Enyɛnpe menyi be Ebɔrɛ na kaŋɛ fanɛ k walɛ na. Mee ta mbraana ere nna a sa menyi kabre nɛ men baa wora amo kasonu.”

Joshuwa 10:27

Epeŋi ka bee tɔr nɛ Joshuwa ponte ŋ kaŋɛ fanɛ b shiga bubuni na ndibi na so n ta bumo n ya lɛ kebeelaŋ nɛ b daŋ ŋana to na to, nseŋ gbelti ajembu gboŋgboŋi n ti kumo so. Loŋ be ajembu na kra wɔtɔ hale kabre.

Joshuwa 7:24

Nɛ Joshuwa nɛ Israɛlebi na kikɛ pɛ Eekan nseŋ ta gbiti na nɛ piŋi na nɛ shuwa na, nɛ Eekan be mbia kikɛ nɛ mbe ekurma nɛ mbolpɔ nɛ mbe ana nɛ mbe wajɛbu nɛ kusɔ kama nɛ e kɔ kikɛ n yɔ ketaŋɛ nɛ baa tre Akɔɔ na to. Akɔɔ be kifito e la ‘Tɔrɔ’

Joshuwa 8:29

E daŋ chɛ Ai be ewura na efɔl nna n shiga kedibi so nseŋ yige mbe kebuni n ya fo kaaseso. Epeŋi ka tɔr nɛ Joshuwa kaŋɛ fanɛ b ya shiga kebuni na kedibi na so n ya lɛ kade na be kabunagboŋ na ase. Kumo be kaman nɛ b bela ajembu gboŋgboŋi damta n deŋi ewura na be kebuni na so. Loŋ be kakpa na kra dese hale kabre.