Joshuwa 7:25 - EBƆRƐ BE KAWƆL

²⁵ Nɛ Joshuwa kaŋɛ le: “Eekan, fo wɔtɔ anyi tɔrɔ to bre, ama Enyɛnpe Ebɔrɛ beeŋ gberge fo alɛ gba kusoe kabre!” Ndoŋ nna nɛ Israɛlebi na kpa Eekan nɛ mbe kanaŋ ajembu m mɔ nseŋ chɔ bumo nɛ bumo be asɔ kikɛ.

Joshuwa 7:25 Iomraidhean Croise

Jɛnesis 34:30

Le be asheŋ ere ka wora na be kaman nɛ Jeekɔb kaŋɛ Simiɔn nɛ Livai le: “Men bar ma tɔrɔ nna na. Naniere Keenanebi nɛ Pɛrizebi, nɛ b wɔ efuli ere so ere beeŋ kishi ma. Anyi alɛ be basa maŋ shi. Nɛ basa ere kikɛ wora kɔnɔkoŋwule, baaŋ mur ma nɛ ma laŋ to ebi ere kikɛ.”

Jɛnesis 38:24

Kumo be afɔl asa be kaman nɛ esa ko ba kaŋɛ Juda le: “Fo shache Taama ji kubojua n di kedampo.” Ndoŋ nna nɛ Juda kaŋɛ: “Men ta mo n lar ekarso n chɔɔ mo edɛ m mɔ.”

1 Kronikɛls 2:7

Kaami nɛ e shi Zɛra be kanaŋ to na pibinyɛn Eekan e daŋ ta asɔ nɛ a la Ebɔrɛ peya, nɛ aleblawu tɔr Israɛl be efuli kikɛ so ŋkpal loŋ so na.

Aŋasa 1:19

Kayu to nɛ beyu bee paŋ bumo be ŋkpa. Loŋ nɛ basa kama nɛ baa nyaŋɛ to a buu basa kikɛ bee loge to.

Aŋasa 15:27

Ekpa lubi so be kanya bee bar tɔrɔ kanaŋ to nna. Sa maa sɔ brɔbu nseŋ kuŋ fo kumu.

Levitikɔs 20:14

Nɛ enyɛn ta eche nɛ mo nio kikɛ a kil, k la nyɔmɔ be kesheŋ nna. A daga fanɛ b ka chɔɔ bumo basa asa na kikɛ m mɔ, saŋɛ na so le be nyɔmɔ be kesheŋ ere maaŋ naŋ wora menyi to kikɛ.

Levitikɔs 20:2

fanɛ e kaŋɛ Israɛlebi na le: “Israɛl be esa kama ŋko efɔ kama nɛ e wɔ Israɛl be efuli so nseŋ ta mbe kebia n lara sarga n sa kegbir Mɔlɛk, daga fanɛ kade na to ebi kikɛ ka kpa mo ajembu m mɔ.

Levitikɔs 21:9

Nɛ bɔrɛmatapo pibiche jija mbe kumu ŋkpal e ka ki sakaleche so, e ŋaba mo tuto nna na nɛ a daga fanɛ b chɔɔ mo m mɔ.

Levitikɔs 24:14

“Ta kanyɛn na n lar keeyi na to. Bekama nɛ b nu e kaa malga ŋ gbiti Ebɔrɛ na beeŋ ta bumo be enɔana n deŋi kanyɛn na be kumu so nseŋ ji shɛda fanɛ e wora n da so, kumo be kaman nɛ kade na kikɛ ebi e kpa mo ajembu m mɔ.

Galeeshaebi 5:12

Alako basa nɛ baa tɔrɔ menyi ere daa beeŋ baŋ ku bumo be atutu kikɛ gba nna n lɛ kuraa.

Ditɛronɔmi 13:10

Shin nɛ b kpa bumo ajembu m mɔ! Ŋkpal manɛ so, baa sha kelara fo ashi Enyɛnpe fo Ebɔrɛ nɛ e lara fo kenyaya to ashi Ijipt be efuli so na be kushuŋ to nna na.

Ditɛronɔmi 13:11

Kumo be kaman, Israɛl be basa kikɛ beeŋ nu kusɔ nɛ k wora na be asheŋ, nɛ kufu e pɛ bumo nɛ ekama maaŋ naŋ wora loŋ be kesheŋ lubi na kikɛ.

Ditɛronɔmi 17:5

men keta loŋ be basa n lar kade na to n ya kpa bumo ajembu m mɔ.

Ditɛronɔmi 21:21

Saŋɛ na so nɛ kade na be benyɛn e kpa kebia na ajembu m mɔ, nɛ kumo be loŋ e lara le be kulubi ere ashi menyi to nɛ kufu e pɛ Israɛl be esa kama nɛ e nu kumo be asheŋ.

2 Tɛsalɔnikaebi 1:6

Ŋkpal manɛ so, Ebɔrɛ bee wora asɔ nɛ amo be ekpa so nna. Basa nɛ baa tɔrɔ menyi ere, e beeŋ shin nɛ tɔrɔ e ba bumo so.

Hibruwebi 12:15

Men baa de so nɛ ekama e sa maŋ kaŋ lar Ebɔrɛ be kuwɔr be kakɛ na to nseŋ naa de so nɛ kekishi be nfɛra kama e sa maŋ luri menyi to n wul basa damta to n jija bumo be kebaawɔtɔ.

Joshuwa 6:18

Men sa maŋ kaŋ ta asɔ nɛ a daga fanɛ men mur na be kekama, ŋkpal manɛ so, nɛ men baŋ wora loŋ, Enyɛnpe Ebɔrɛ na beeŋ shin nɛ menyi nɛ Israɛlebi nɛ b wɔ keeyi to na kikɛ e mur.

Joshuwa 7:15

Esa kama nɛ b kaŋ wu asɔ nɛ a maŋ daga na mo kutɔ, baaŋ chɔɔ mo nɛ mbe kanaŋ nɛ mbe asɔ nɛ e kɔ kikɛ, ŋkpal e ka shin nɛ le be anishinyɔr lubi ere ba Israɛl so nseŋ naŋ wora n da Enyɛnpe Ebɔrɛ be ŋkre na so so!”

1 Samuɛl 14:29

Nɛ Jonatan kaŋɛ le: “Nuso be asheŋ nɛ n tuto bar m ba sa anyi be basa le! Ma ere ka baŋ ji mushoŋ na gbrɛbi nɛ n naaŋ nya eleŋ!