Joshuwa 7:21 - EBƆRƐ BE KAWƆL

²¹ n daŋ wu Babilɔnebi be piŋi lela ko, nɛ gbiti nɛ kumo be egbɛ sa fanɛ kilo anyɔ, nɛ shuwa fanɛ kilo be bargato ka wɔ asɔ nɛ an suge na to nna nɛ amo be asheŋ par ma alegaiso nɛ n ta amo n ya puli ma wajɛbu to. Gbiti na e wɔ kaseto.”

Joshuwa 7:21 Iomraidhean Croise

Jɛnesis 10:10

Mbe efuli e daa la Babilɔn nɛ Erɛk nɛ Akad nɛ Kalne be nde nɛ a wɔ Babilɔn be efuli so na.

Jɛnesis 3:6

Kusɔkpaŋ na ka kaŋɛ loŋ na nɛ eche na wu fanɛ kedibi na be asɔrso walɛ kenishiso kashenteŋto nseŋ duli asɔ nɛ a beeŋ baa wɔ ebel, amo alɛ naŋ duli asɔ nɛ esa beeŋ ji nseŋ nya kanyiasheŋ. Nɛ amo be kayɛlga ba mo to nɛ e chuge kedibi na be asɔrso na n ji nseŋ ta n sa mo kul nɛ e daa wɔ mo kutɔ na nɛ mo alɛ gba ji.

Jɛnesis 34:27

Kede be kaman nɛ Jeekɔb be mbia nɛ b ka na malɛ luri n sensaŋ kade nɛ b daŋ jija bumo sipoche kumo to na be asɔ kikɛ.

Jɛnesis 6:2

Ndoŋ nna nɛ Ebɔrɛso be asɔtoso nyɛnsoana ko wu edimɛdi be bibichesobiana na nɛ bumo be kebita par bumo nɛ b ta bumo nɛ baa sha a kil.

2 Samuɛl 11:2

Kachako kaaseso Deevid ka di ŋ koso nseŋ dii mbe kuchoŋi so e nite a kulti nseŋ keni kaseto n wu kache lela kebita ko ka bee bɛr.

2 Bewura 7:8

Ebotipo ana na ka fo keeyi na to nɛ b ya luri ewajɛbu na be kuko to n ji ajibi nseŋ nuu asɔnuuso nɛ a wɔ kumo to na nseŋ muu shuwa nɛ gbiti nɛ asɔbuuso n ya ŋana nseŋ naŋ bɛta m ba luri wajɛbu ko gba to m muu asɔ nɛ a wɔ kumo to n ya ŋana.

Job be kawɔl 31:1

Ma, Job bɔ ntaŋ n nase kɔnɔ fanɛ m maa ba nɛ ŋ keni eche kayɛlga so kikɛ.

Nshɛ 119:37

Lara ma lakal ashi asheŋ fuloŋ so; nseŋ shin nɛ ma kebaawɔtɔ e baa du fanɛ kananɛ fo kamalga bee ŋini na.

Ɛksodɔs 20:17

Men sa maa yɛlga men baraana be nwu ŋko bumo be beche ŋko bumo be anya ŋko bumo be ana ŋko ekurma ŋko kusɔ kama nɛ k la men braana peya.”

Aŋasa 1:19

Kayu to nɛ beyu bee paŋ bumo be ŋkpa. Loŋ nɛ basa kama nɛ baa nyaŋɛ to a buu basa kikɛ bee loge to.

Aŋasa 23:31

Sa maŋ keni kananɛ nsa pere nsaa walɛ, ŋko a kpa edɛ glashi to, ŋko a wushi ebɔl to so.

Aŋasa 28:22

Esa kama nɛ e bɔlɔ miri so n dii dama beeŋ ki etirpo.

Aŋasa 4:23

Baa da fo nfɛra fɛso so, ŋkpal manɛ so amo e naa ŋini fo kebaawɔtɔ.

Aizaaya 28:15

Menyee ka kaŋɛ fanɛ menyi ere nɛ luwu wora kɔnɔ nna, nɛ menyi nɛ basa nɛ b wu n yɔ bubuni to be nnɔ wora kukoŋwule. Men yirda fanɛ jɛrbi kama nɛ k beeŋ ba maaŋ wora menyi shɛŋ ŋkpal efɛ nɛ kafule be kebaawɔtɔ nɛ men wɔtɔ na so.

Aizaaya 29:15

Asheŋ maaŋ nyalɛ n sa bekama nɛ baa ta bumo be ŋkre a ŋana Enyɛnpe Ebɔrɛ na so na! Baa wora asheŋ ŋgbalanto nna a fɛ fanɛ esa kikɛ maaŋ wu bumo ŋko m pin kusɔ nɛ baa wora na.

Habakuk 2:9

Asheŋ maaŋ nyalɛ n sa menyi ŋkpal men ka ta eleŋsheŋ n suge asɔ n shin nɛ menyi be nnaŋ to ebi dii dama nɛ tɔrɔ kikɛ maa ba menyi be elaŋ to ebi so so!

Luuk 12:15

Kamalga ere be kaman nɛ e kaŋɛ basa na kikɛ: “Men baa da so nsaa gelge kejimuni be yiri kikɛ, ŋkpal manɛ so, esa baa kɔ asɔ kanaŋkamaso gba, mbe ŋkpa bre maŋ la mo peya.”

Luuk 12:2

Kusɔ kama nɛ k buu so beeŋ ba dii efuli nɛ kumo be wulo kikɛ e ba bugi so.

Ɛfesesebi 5:3

Ŋkpal men ka la Ebɔrɛ be basa so, a maŋ daga beche nɛ benyɛn be kedi abar kesakalea so be mmalga ka wɔ menyi to. Kumo alɛ maŋ naŋ daga eyurpisheŋ be yiri kikɛ ŋko kejimuni be asheŋ ka wɔ menyi to, ŋkpal manɛ so, loŋ be asɔ na maŋ daga a ka wɔ Ebɔrɛ be basa cheembi to.

Ɛfesesebi 5:5

Men baa nyi kesheŋ ere geeŋ fanɛ esa kama nɛ e kɔ kesakalea be kebaawɔtɔ ŋko eyurpisheŋ ŋko esa kama nɛ e kɔ kejimuni maaŋ luri Kristo nɛ Ebɔrɛ be kuwura na to. Kejimuni du fanɛ kagbirshuŋ nna.

Ditɛronɔmi 7:25

Nɛ men kaŋ pɔɔ efuli kama so, men chɔɔ bumo be agbirana. Men sa maŋ kaa yɛlga shuwa ŋko gbiti nɛ a beeŋ baa deŋ agbirana na so na. Menyi alɛ e sa maŋ ta amo ŋ ki menyeya. Nɛ men wora loŋ, k beeŋ tiŋ a la luwu n sa menyi, ŋkpal manɛ so, Enyɛnpe Ebɔrɛ na kishi kagbirshuŋ nna.

Kɔlɔsiebi 3:5

Amoso, men yige men be kebaawɔtɔ dra nɛ kumo be asheŋ lubi na, men yige kacheji kpalakpala nɛ kubojuaji nɛ asheŋ jiga nɛ kayɛlga fuloŋ, men sa maa yɛlga alubi, men yige kejimuni. Kejimuni du fanɛ kagbirshuŋ nna.

Hibruwebi 13:5

Men lara menyi be ŋgbeneana ashi kemansherbisha to nseŋ shin nɛ asɔ nɛ men kɔ na e baa kukwe menyi, ŋkpal manɛ so, Ebɔrɛ kaŋɛ fanɛ: “M maaŋ yige menyi kikɛ, ma alɛ maaŋ kplaŋ menyi so kikɛ.”

Jeems 1:15

Kulubi malɛ baŋ ba wora keshi, kumo be lalaloge e la luwu.

Joshuwa 7:20

Nɛ Eekan kaŋɛ: “Kashenteŋ nna. N wora kulubi n da Enyɛnpe Israɛl be Ebɔrɛ na so. Kusɔ nɛ ma alɛ wora e la fanɛ,

Joshuwa 7:22

Ndoŋ nna nɛ Joshuwa shuŋi mbɔ nɛ b shile n ya keni nɛ kashenteŋ nɛ e ta asɔ na m puli mbe wajɛbu na to nɛ gbiti na wɔ amo be kaseto.

2 Pita 2:15

B yige ekpa niŋiso na nseŋ foe m bɔla Biyɔɔ pibi Balaam nɛ e daŋ sha kebɔlɔ alubi so n dii dama na be ekpa.