Joshuwa 7:12 - EBƆRƐ BE KAWƆL

¹² Amoso nɛ Israɛlebi na maŋ tiŋ n yili n tu bumo doŋana na. B shile nna ŋkpal bumo gbagba ka ki basa nɛ baaŋ mur so. M maaŋ naa wɔ menyi kutɔ, ama men baŋ mur asɔ nɛ men ta ŋ ŋana na kikɛ nna!

Joshuwa 7:12 Iomraidhean Croise

Nshɛ 44:10

Fo shin nɛ an bɛta n shile an doŋana be anishito nɛ b ba muu anyi be asɔ.

Nshɛ 60:10

Enyɛnpe Ebɔrɛ, fo kini anyi kashenteŋto nsaa maaŋ naŋ juŋkpar anyi be benapo nna a?

Aŋasa 28:1

Basa lubi bee shile nna nsaa gbɛ a keni fanɛ esa ko ka bee ju bumo na, ama basa nɛ baa wora asheŋ niŋiso bre bee nite kenyɛnso nna fanɛ buluŋ na.

Aizaaya 59:2

Menyi be alubi e barga menyi nɛ men be Ebɔrɛ be kefɛato. Amoso nɛ e maa nu menyi be kabɔrɛkule na.

Jɛremaya 23:33

Ade be kaman nɛ Enyɛnpe Ebɔrɛ na kaŋɛ ma le: “Jɛremaya, nɛ ma basa to be eko ŋko anebi ko ŋko bɔrɛmatapo ko kaŋ bishi fo fanɛ nuso be kubɔya nɛ Enyɛnpe Ebɔrɛ na kɔ a sa anyi, fo kaŋɛ amodoŋwura le: ‘Menyi be asheŋ bee nu agbo nseŋ lar Enyɛnpe Ebɔrɛ na ebɔl nɛ e bee shin nɛ e kini menyi n lɛ nna.’

Jɛremaya 6:8

Jerusalɛm to be basa, men shin nɛ etɔrɔ ere e baa la kasokpele n sa menyi. Nɛ mannɛ aloŋ, meeŋ kplaŋ menyi so nseŋ shin nɛ menyi be kadegboŋ na e ki fanɛ keshishɛrsawule nɛ ekama maŋ wɔ kumo so.”

Hoziya 9:12

Hale nɛ b kurge mbia gba, meeŋ shin nɛ mbia na kikɛ e wu. Nɛ m baŋ maŋ wora loŋ malɛ, meeŋ shin nɛ tɔrɔ damta e tu to bumo.”

Habakuk 1:13

Ama fo maaŋ tiŋ a keni nɛ kulubi e baa wora a yɔ. Fo anishi du cheembi ga nɛ a baa wu asheŋ lubi. Ama fo wora shruum a keni basa lubi nɛ b maŋ kɔ yirda ere nɛ baa mur basa nɛ b niŋi a chɔ bumo.

Nɔmbɛs 14:39

Mosis ka kaŋɛ Israɛlebi na kusɔ nɛ Enyɛnpe Ebɔrɛ kaŋɛ na nɛ b shu kagbenejijaso ga.

Nɔmbɛs 14:42

Enyɛnpe Ebɔrɛ na maŋ naa wɔ menyi kutɔ, amoso men sa maŋ yɔ nɛ men doŋana e ya pɔɔ menyi so.

Nɔmbɛs 14:43

Menyi nɛ Amalɛkebi nɛ Keenanebi na baŋ ya ka kɔ, Enyɛnpe Ebɔrɛ na beeŋ lar menyi kaman nɛ b pɔɔ menyi so m mɔ menyi ŋkpal men ka maŋ wora mo kasonu so.”

Nɔmbɛs 14:45

Ndoŋ nna nɛ Amalɛkebi nɛ Keenanebi nɛ b wɔ kebee so be efuli na so na kɔ m pɔɔ bumo so nseŋ ju bumo hale n ya fo kade nɛ baa tre Hɔɔma na.

Ditɛronɔmi 7:26

Men sa maŋ kaŋ bar agbirana ere be kekama menyi peana. Nɛ men wora loŋ, kɔnɔsho nɛ k wɔ basa na so na beeŋ ba menyi alɛ gba so. A daga fanɛ men kishi amo be asheŋ nsaa gelge amo kenishipere so, ŋkpal manɛ so, Enyɛnpe Ebɔrɛ na shoduu amo nna.”

Joshuwa 6:18

Men sa maŋ kaŋ ta asɔ nɛ a daga fanɛ men mur na be kekama, ŋkpal manɛ so, nɛ men baŋ wora loŋ, Enyɛnpe Ebɔrɛ na beeŋ shin nɛ menyi nɛ Israɛlebi nɛ b wɔ keeyi to na kikɛ e mur.

Demujipoana 16:20

Kumo be kaman nɛ Delaila tre: “Samsɔn, Filistiebi na e naa ba fo so na!” Nɛ e yeŋi n tiŋi edi to nseŋ yaŋ fɛ mbe kumu to le: “Meeŋ yaŋ kpa n niŋi to n suge ma kumu.” Ama e daa maŋ nyi fanɛ Enyɛnpe Ebɔrɛ na lar mbe kaman.

Demujipoana 2:14

Enyɛnpe Ebɔrɛ na daŋ nya agbo nna n wɔtɔ bumo n shin nɛ beyu ba kɔ bumo n suge bumo be asɔ kikɛ n shile. Kumo be kaman, nɛ Enyɛnpe Ebɔrɛ na naŋ shin nɛ bedoŋ ba kulti bumo n wɔtɔ ŋ kɔ m pɔɔ bumo so. Israɛlebi na daa maŋ naŋ tiŋ ŋ kuŋ bumo be amu ashi bumo doŋana kutɔ.

Demujipoana 2:4

Enyɛnpe Ebɔrɛ na be Malaika na be kamalga na be kaman, nɛ Israɛl be basa na kikɛ fara a shu awɔrso

1 Samuɛl 14:38

Ndoŋ nna nɛ Sɔɔl tre mbe benapo be benimu ŋ kaŋɛ bumo le: “Men shin nɛ an lege to n fin kulubi nɛ k wɔ anyi to kabre nɛ Ebɔrɛ kpal kumo so ŋ kini ketuge anyi ere.