Joshuwa 7:11 - EBƆRƐ BE KAWƆL

¹¹ Israɛlebi wora kulubi nna! B kini kebɛ mbra nɛ n yili n sa bumo na so, nseŋ ta asɔ nɛ ŋ kaŋɛ fanɛ b mur kikɛ na be ako. B yuri nseŋ ku efɛ nseŋ ta asɔ na n wea bumo gbagba be asɔ to.

Joshuwa 7:11 Iomraidhean Croise

2 Bewura 18:12

B daŋ kɔ m pɔɔ Samɛria so nna ŋkpal Israɛlebi na ka daŋ wora alubi ŋ gbiti Enyɛnpe bumo be Ebɔrɛ na so. B daŋ kplaŋ kɔnɔkoŋwule be ŋkre nɛ bumo nɛ Enyɛnpe Ebɔrɛ na daŋ wora na so nna nseŋ kini kebɛ mbra nɛ e bɔla mbe kayɛrbi Mosis so n sa bumo na kikɛ so. B daa maa sha kenu b ka malga mbra na be asheŋ gba a bishi nɛ b bɛ amo so.

2 Bewura 5:24

B ka fo kebee nɛ Elaisha daa wɔ na so nɛ Gehazi ta asɔ na n luri mbe ebu to nseŋ shin nɛ Neeman be nyɛrbi na bɛta.

Aizaaya 24:5

Edimɛdi jija durnya nna ŋkpal b ka kini kewora Ebɔrɛ be mbraana kasonu so. Bumo alɛ maŋ naa sa bumo nɛ Ebɔrɛ be kɔnɔkoŋwule be ŋkre nɛ k daga fanɛ k baa wɔtɔ mbaanaayɔ na bunyaŋ.

Jɛremaya 31:32

Kɔnɔkoŋwule be ŋkre popɔr na beeŋ baa du fanɛ kedra nɛ ma nɛ bumo nananyɛnana daŋ wora jemanɛ nɛ n daŋ juŋkpar bumo n lar Ijipt be kasawule so nsaa ŋini bumo ekpa ashi bumo be enite to na nna. N daa du fanɛ ekul nɛ e bee sha mbe eche ga na nna n sa bumo, ama b daa maŋ bɛ ma nɛ bumo be kɔnɔkoŋwule be ŋkre na so.

Hoziya 6:7

Ma basa kini kebɛ kɔnɔkoŋwule be ŋkre nɛ ma nɛ bumo nase n sa abar ashi kakpa nɛ baa tre Adam na so.

Levitikɔs 5:15

“Nɛ esa maŋ ka asɔ cheembi nɛ a daga e ka n sa Enyɛnpe Ebɔrɛ na ŋkpal e ka maŋ nyi so, e wora n da so nna na. Amodoŋwura beeŋ bar kpakpa nɛ k maŋ kɔ ndulgi kikɛ ŋko bɔrɛmatapo na beeŋ ku kukɔ n sa mo nɛ e ka nɛ b ta n tɔ kakpa na.

Habakuk 2:6

Basa nɛ b kɔ n tɔr na bee melgi belempo nɛ b pɔɔ bumo so na nna a kaŋɛ le: “Asɔ nɛ e maŋ la menyi peya nɛ menyee suge. Asheŋ maaŋ nyalɛ n sa menyi kikɛ! Menyi maaŋ tiŋ n tintiŋ menyi be akɔjipoana n sɔ akɔ nɛ b ji menyi n dii kedama!”

Zakareya 5:4

Enyɛnpetale Ebɔrɛ na yɛ e beeŋ shin nɛ kɔnɔsho ere e luri eyu nɛ ekama nɛ e bee bɔ ntaŋ a ku efɛ kikɛ be elaŋana to nseŋ shir elaŋ na so hale nɛ a ya mur cheche.”

Matiu 22:21

Nɛ basa na kaŋɛ: “Ewurgboŋ Siza peya.” Nɛ Yesu kaŋɛ bumo: “To, kumo ere, men baa ta asɔ nɛ a la Ewurgboŋ Siza peya a sa mo nsaa ta Ebɔrɛ malɛ peya a sa mo.”

Ashuŋ Shunso 5:9

Nɛ Pita bishi mo: “Manɛ e ba nɛ fo nɛ fo kul wora kɔnɔkoŋwule a sha kewora Enyɛnpe be Kiyoyu na ŋ keni? Basa nɛ b puli fo kul e wɔ kabuna to na, bumo alɛ beeŋ ta fo alɛ gba loŋ.”

Ditɛronɔmi 17:2

Nɛ men kaŋ nu fanɛ benyɛn ŋko beche ko ashi menyi be ndeana na be kekama to wora kulubi n da Enyɛnpe Ebɔrɛ na so n tɔr mbe kɔnɔkoŋwule be ŋkre na be ntaŋ

Hibruwebi 4:13

Kusɔ toso kikɛ maŋ wɔtɔ a ŋana Ebɔrɛ so. Kusɔ kikɛ nyam dii efuli nna n dese mbe anishito, mo alɛ nɛ anyi kikɛ beeŋ yili mbe anishito ŋ kaŋɛ mo ashuŋ nɛ an wora kikɛ nɛ kusɔ nɛ k ba nɛ an wora amo.

Joshuwa 23:16

Nɛ men baŋ maŋ bɛ kɔnɔ naseso be ŋkre nɛ Enyɛnpe Ebɔrɛ sa menyi na so nsaa wɔtɔ a shuŋ nsaa bunyaŋ agbir bre, kumo ere e beeŋ gberge menyi kusoe agbo so nɛ men paŋ kasawule lela nɛ e ta n sa menyi ere gba.”

Joshuwa 7:1

Israɛlebi daŋ kini kenu n sa kusɔ nɛ Enyɛnpe Ebɔrɛ daŋ kaŋɛ fanɛ b sa maŋ kaŋ ta kusɔ kama ashi Jɛriko n lar na nna. Kanyɛn ko nɛ b daa tre Eekan daŋ wora n da kusɔ nɛ Enyɛnpe kaŋɛ na so nna. Ŋkpal loŋ so nɛ Enyɛnpe Ebɔrɛ nya agbo ga n wɔtɔ Israɛlebi na. Eekan mo tuto e daa la Kaami nɛ mo nananyɛn malɛ la Zabdi nɛ mo alɛ mo tuto daa la Zɛra nɛ e shi Juda be kanaŋ to na.

Joshuwa 7:10

Nɛ Enyɛnpe Ebɔrɛ kaŋɛ Joshuwa le: “Koso! Manɛ nna nɛ fo dese kasawule loŋ?

Demujipoana 2:20

Ŋkpal loŋ so nɛ Enyɛnpe Ebɔrɛ na daŋ nya agbo n wɔtɔ Israɛlebi na nseŋ kaŋɛ le na: “Israɛlebi ere ka maŋ wora m bɔlɔ ma nɛ bumo nananyɛnana be kɔnɔkoŋwule be ŋkre na so, nsaa maŋ naa nu a sa ma na so,

1 Samuɛl 14:38

Ndoŋ nna nɛ Sɔɔl tre mbe benapo be benimu ŋ kaŋɛ bumo le: “Men shin nɛ an lege to n fin kulubi nɛ k wɔ anyi to kabre nɛ Ebɔrɛ kpal kumo so ŋ kini ketuge anyi ere.