Joshuwa 6:6 - EBƆRƐ BE KAWƆL

⁶ Nɛ Nun pibi Joshuwa tre bɔrɛmatapoana na ŋ kaŋɛ bumo le: “Men ta Enyɛnpe Ebɔrɛ be ŋkre be deka na nɛ menyi to be beshunu malɛ e ta bumo be mbel n juŋkpar kumo.”

Joshuwa 6:6 Iomraidhean Croise

Ɛksodɔs 25:14

Kumo be kaman nɛ b ta ndibi nɛ b shɛl na n yishi n wɔtɔ mpinibi nɛ a wɔ deka na be akel to na to a pɛ amo a maŋ kumo so.

Ashuŋ Shunso 9:1

Saŋɛ ere so kikɛ nɛ Sɔɔl wɔtɔ a kɔ a fin kemur Enyɛnpe be bebɛsopoana na.

Joshuwa 24:11

Men ka dii Jɔɔdan be lɔr na m ba Jɛriko, nɛ Jɛriko be basa na kɔ menyi kena. Loŋ gbagba nɛ Amɔriebi nɛ Pɛrizebi nɛ Keenanebi nɛ Hitebi nɛ Gɛgashebi nɛ Hivebi nɛ Jebusiebi daŋ kɔ menyi. Ama n shin nɛ men kɔ m pɔɔ bumo kikɛ so.

Joshuwa 3:3

“Men baŋ wu bɔrɛmatapoana nɛ b shi Livai be kanaŋ to na ka sulɔ Enyɛnpe Ebɔrɛ be ŋkre be deka na, men lar men be keeyi to m bɛ kumo so.

Joshuwa 3:6

Le nɛ Joshuwa daŋ kaŋɛ bɔrɛmatapoana na malɛ: “Men ta Enyɛnpe Ebɔrɛ be ŋkre be deka na n juŋkpar basa na a yɔ.” Nɛ b ta kumo n juŋkpar bumo.

Joshuwa 6:13

Le nɛ b daŋ bɛ abar so n nite ŋ kulti kade na. Benapo ko e daŋ juŋkpar, n ta bɔrɛmatapoana beshunu nɛ baa foŋ mbel na m bɛ so, n ta bɔrɛmatapoana nɛ b sulɔ Enyɛnpe Ebɔrɛ be ŋkre be deka na m bɛ so nseŋ naŋ ta benapo ko m bɛ so lalaloge.

Joshuwa 6:5

Men baŋ nu bɔrɛmatapoana na ka foŋ bumo be mbel na n chɛr nɛ menyi alɛ e fara a cha awɔr. Aloŋ, kade na be egbal na beeŋ tɔr, nɛ menyi be benapo kikɛ e luri kumo to.”

Joshuwa 6:7

Kumo be kaman nɛ e ponte ŋ kaŋɛ basa na malɛ fanɛ b fara a nite a kulti kade na be egbal na nseŋ shin nɛ benapo ko juŋkpar bɔrɛmatapoana nɛ b kɔ mbel to nɛ bumo nɛ b sulɔ Enyɛnpe Ebɔrɛ be ŋkre be deka na.

Joshuwa 6:8

Joshuwa ka malga n sa basa na n loge nɛ benapo ko juŋkpar nɛ bɔrɛmatapoana nɛ baa foŋ mbel na bɛ so n ta bumo nɛ b sulɔ Enyɛnpe Ebɔrɛ be ŋkre be deka na malɛ bɛ so nɛ benapo ko malɛ naŋ bɛ bumo nɛ b sulɔ ŋkre be deka na so. Le be jemanɛ ere so kikɛ malɛ nɛ baa foŋ mbel na.

1 Samuɛl 4:3

Israɛl be benapo nɛ b ka na ka bɛta n yɔ bumo be keeyi to na, nɛ bumo be benimu na kaŋɛ le: “Manɛ nna nɛ Enyɛnpe Ebɔrɛ shin nɛ Filistiebi ere kɔ m pɔɔ anyi so kabre loŋ? Men shin nɛ an ya ta Enyɛnpe Ebɔrɛ be ŋkre be deka nɛ k wɔ Shilo na m ba, saŋɛ na so Ebɔrɛ beeŋ bɛ anyi so n ya mɔlga anyi ashi anyi doŋana kutɔ.”