Joshuwa 6:5 - EBƆRƐ BE KAWƆL

⁵ Men baŋ nu bɔrɛmatapoana na ka foŋ bumo be mbel na n chɛr nɛ menyi alɛ e fara a cha awɔr. Aloŋ, kade na be egbal na beeŋ tɔr, nɛ menyi be benapo kikɛ e luri kumo to.”

Joshuwa 6:5 Iomraidhean Croise

Ɛksodɔs 19:19

Saŋɛ nɛ kabel na kraŋ baa ponte to awɔrso na nɛ Mosis malga Ebɔrɛ kutɔ nɛ Ebɔrɛ bɔla bɔrɛ be keponte na to m malga Mosis kutɔ.

Aizaaya 25:12

E beeŋ shin nɛ Mowabebi na be kumɔlga be kakpa lempoana be egbal jeŋgreŋana e bure n tɔr ŋ ki fanɛ eshishɛr.

Aizaaya 30:25

Kachɛ nɛ menyeeŋ kɔ n suge men doŋana be ebu lempoana nseŋ mɔ bumo be basa na, nɛ mbombi beeŋ shile abee nɛ apreŋ kikɛ so ŋ gbelge to.

Jɛremaya 50:15

Men kɔ bumo kaba kama so. Naniere Babilɔn shuli kapɔshi. Edoŋ na bure kumo be egbalana nɛ ebu jeŋgreŋana na n lɛ nɛ mee wora bumo kusɔ nɛ b ta n wora ndegboŋana ko na a bishi bumo kɔnɔ.

Hibruwebi 11:30

Yirda so nɛ Jɛriko be kade to be egbalana daŋ tɔr saŋɛ nɛ Israɛlebi daŋ nite ŋ kulti kumo nchɛnshunu na be kaman na.

Joshuwa 6:16

B ka bee kulti kela shunusopo na, nɛ bɔrɛmatapoana na foŋ bumo mbel na n chɛr nɛ Joshuwa ponte ŋ kaŋɛ basa na le: “Men cha awɔr, ŋkpal manɛ so Enyɛnpe Ebɔrɛ na ta kade ere nna m bɔɔ menyi enɔ.

Joshuwa 6:20

Ndoŋ nna nɛ bɔrɛmatapoana na foŋ bumo be mbel na nɛ basa nu nseŋ cha awɔr nɛ egbal na kikɛ tɔr. Epul na to nɛ benapo na luri kade na to n sɔ kumo to kikɛ,

Joshuwa 6:4

Men ta ŋkre be deka na nseŋ shin nɛ bɔrɛmatapoana na be basa ashunu e ta kpakpa be alambɛ be mbel juŋkpar kumo saŋɛ nɛ menyee kulti kade na. Kachɛ shunusopo na nɛ men kikɛ e nite ŋ kulti kade na ale ashunu nɛ bɔrɛmatapoana na malɛ e baa foŋ bumo be mbel na.

Joshuwa 6:6

Nɛ Nun pibi Joshuwa tre bɔrɛmatapoana na ŋ kaŋɛ bumo le: “Men ta Enyɛnpe Ebɔrɛ be ŋkre be deka na nɛ menyi to be beshunu malɛ e ta bumo be mbel n juŋkpar kumo.”

Demujipoana 20:37

Israɛl be basa nɛ b daŋ ŋana m pugi na daŋ nya manaŋ n shile n luri Gibiya be kade na to nna m pesaŋ to a mɔ basa na kikɛ.

1 Samuɛl 17:20

Kumo be ŋklade kachipurdidi nɛ Deevid koso nseŋ shin nɛ esa ko bee keni mbe mbolpɔ so nɛ e ta ajibi na n yɔ fanɛ kananɛ Jɛsi ŋini mo na gbagba chap. Saŋɛ so nɛ Israɛl be benapo na baŋ lar a boŋ kena to be nshɛ a yɔ kakpa nɛ baaŋ ya yili ŋ kɔ kena na, nɛ Deevid fo ndoŋ.

1 Samuɛl 17:52

Ndoŋ nna nɛ Israɛl nɛ Juda be benapo cha awɔr ga nseŋ shile n ju m buu Filistiebi na so hale n ya fo Filisti be nde nɛ baa tre Gaaf nɛ Ekrɔn be mbunagboŋ na. Nɛ Filistiebi wu n dese Shaaraim be ekpa na to hale n ya fo Gaaf nɛ Ekrɔn.

1 Samuɛl 4:5

B ka bar ŋkre be deka na, nɛ Israɛlebi na be ŋgbene fuli bumo nɛ b cha awɔr ga hale nɛ kasawule bee gbuŋgbuŋ.