Joshuwa 6:4 - EBƆRƐ BE KAWƆL

⁴ Men ta ŋkre be deka na nseŋ shin nɛ bɔrɛmatapoana na be basa ashunu e ta kpakpa be alambɛ be mbel juŋkpar kumo saŋɛ nɛ menyee kulti kade na. Kachɛ shunusopo na nɛ men kikɛ e nite ŋ kulti kade na ale ashunu nɛ bɔrɛmatapoana na malɛ e baa foŋ bumo be mbel na.

Joshuwa 6:4 Iomraidhean Croise

Jɛnesis 2:3

Amoso Ebɔrɛ daŋ nɛfa kachɛ shunusopo na nna n yili fanɛ kachɛ cheembi, ŋkpal manɛ so, kumo be kachɛ na nɛ e wushi ashi mbe durnya be keto be ashuŋ to.

1 Bewura 18:43

Kumo be kaman nɛ e kaŋɛ mbe kayɛrbi le: “Lar n ya keni Teku be kaba so.” Mbe kayɛrbi na ka ya keni, nɛ e bɛta m ba kaŋɛ anebi Elaija fanɛ mo ere maŋ wu shɛŋ. Ela ashunu kikɛ nɛ Elaija daŋ kaŋɛ mo fanɛ e ya keni.

2 Bewura 5:10

Ndoŋ nna nɛ Elaisha kaŋɛ mbe kayɛrbi fanɛ e lar kowu n ya kaŋɛ mo nɛ e yɔ Jɔɔdan be lɔr to n ya ber ale shunu nɛ keboti na kikɛ a yɔ.

2 Bewura 5:14

B ka kaŋɛ loŋ na nɛ Neeman yɔ Jɔɔdan be lɔr na to n ya muni kumo to ale shunu nɛ mbe keboti na kikɛ yɔ fanɛ kananɛ anebi Elaisha kaŋɛ na gbagba chap. Nɛ mbe kayurwule nyalɛ so a du fanɛ kebibi be kayurwule.

2 Kronikɛls 13:12

Ebɔrɛ gbagba e la anyi be ejuŋkparpo nɛ mbe bɔrɛmatapoana malɛ wora shiriya nɛ b foŋ bumo be mbel n tre anyi nɛ anyi nɛ menyi e kɔ kena. Israɛlebi, men sa maŋ kaŋ kɔ an nananyɛnana be Ebɔrɛ na kena ŋkpal manɛ so menyi maaŋ pɔɔ so kikɛ!”

2 Kronikɛls 20:17

Mannɛ menyi e naŋ kɔ kena ere. Menyi ere e bela ase a yil. Menyeeŋ wu kananɛ Enyɛnpe Ebɔrɛ na beeŋ kɔ m pɔɔ so n sa menyi. Juda nɛ Jerusalɛmebi, men sa maa lɔ kufu. Men lar n yɔ kena na to, Enyɛnpe Ebɔrɛ beeŋ ba wɔ menyi kutɔ!”

2 Kronikɛls 20:19

Livaiebi nɛ b shi Kohaf nɛ Koora be kabuna na be beko daŋ koso n yili nna a cha awɔr a maŋkura Enyɛnpe nɛ e la Israɛl be Ebɔrɛ na.

2 Kronikɛls 20:21

Ewura na ka malga basa na kutɔ n loge, nɛ e shin nɛ beshɛbompo ko ta epiŋi nɛ baa buu nchɛgboŋ achɛ na m buu n juŋkpar benapo na nsaa a boŋ nshɛ a kaŋɛ le, “Kemaŋkura e baa la Enyɛnpe Ebɔrɛ na peya! Mbe kasha wɔtɔ nna hale mbaanaayɔ!”

Job be kawɔl 42:8

Amoso mee sha fanɛ men ta egbolu ashunu nɛ ekpakpa ashunu n ya sa Job nɛ e ta amo n yili men be katelamu to n lara sarga chɔɔso nɛ k beeŋ par ma. Kumo be kaman nɛ ma kayɛrbi Job e kule Ebɔrɛ n sa menyi nɛ n sɔ mbe kekule na nsaa maaŋ naŋ wora menyi kusɔ nɛ k daga menyi ŋkpal menyi be kawuli so. Menyi maŋ malga kusɔ nɛ k daga a laŋɛ ma kaplɛa so fanɛ kananɛ ma kayɛrbi Job bre wora na.”

Aizaaya 27:13

Kachɛ na kaŋ fo, kabel beeŋ shu awɔrso n tre Israɛlebi nɛ b pɛ n yɔ kenyaya to ashi Asiriya nɛ Ijipt be efuliana so na. Baaŋ bɛta m ba kaa shuŋ Enyɛnpe Ebɔrɛ na mbe kebee cheembi na so ashi Jerusalɛm to.

Levitikɔs 14:16

nseŋ ta mbe enɔjiso be keshilbi n nyɔ ŋku na to ŋ ŋmenyaŋ ale ashunu ashi Enyɛnpe Ebɔrɛ na be anishito.

Levitikɔs 4:6

n ya ta mbe keshilbi n nyɔ ŋklaŋ to ŋ ŋmenyaŋ patisa nɛ k bee kuŋ kɔnɔkoŋwule be ŋkre be deka na ase ale ashunu ashi Enyɛnpe Ebɔrɛ na be anishito.

Zakareya 4:2

nseŋ bishi ma le: “Manɛ nɛ fo wu?” Nɛ ŋ kaŋɛ: “N wu shuwa be kefitilatɔl nɛ ŋku wɔ kurwa to a bɛ kumo be esoso nɛ efitila ashunu wɔ kumo so. Efitila na be kekama kɔ kumo be kechɛbi be kaboŋ nna.

Zakareya 4:6

Kumo be kaman nɛ malaika na kaŋɛ fanɛ n ta Enyɛnpetale Ebɔrɛ na be kubɔya ere n sa Zerubabel. E yɛ: “Feeŋ pɔɔ fo doŋana so ama mannɛ kena to be eleŋ ŋko kuwibi to be eleŋ nɛ feeŋ ta ŋ kɔ m pɔɔ bumo so. Ma Kiyoyu na be eleŋ so nɛ feeŋ ta m pɔɔ so.”

Nɔmbɛs 23:1

Kumo be kaman nɛ Balaam kaŋɛ Ewura Balak le: “Shin nɛ b pɔr ebɔrɛsure ashunu nfe n sa ma nseŋ bar ma egbolu ashunu nɛ ekpakpa ashunu.”

Joshuwa 6:13

Le nɛ b daŋ bɛ abar so n nite ŋ kulti kade na. Benapo ko e daŋ juŋkpar, n ta bɔrɛmatapoana beshunu nɛ baa foŋ mbel na m bɛ so, n ta bɔrɛmatapoana nɛ b sulɔ Enyɛnpe Ebɔrɛ be ŋkre be deka na m bɛ so nseŋ naŋ ta benapo ko m bɛ so lalaloge.

Joshuwa 6:3

Fo nɛ fo benapo na kikɛ e nite ŋ kulti Jɛriko be kade na kela koŋwule karechɛ kama m bɛ abar so loŋ be nchɛ ashe.

Joshuwa 6:5

Men baŋ nu bɔrɛmatapoana na ka foŋ bumo be mbel na n chɛr nɛ menyi alɛ e fara a cha awɔr. Aloŋ, kade na be egbal na beeŋ tɔr, nɛ menyi be benapo kikɛ e luri kumo to.”

Kelaraŋŋini 1:20

Achɛkpabi ashunu nɛ fo wu ma enɔjiso to na nɛ shuwa be kefitilatɔl ashunu na be wulo na be afito nde: Achɛkpabi ashunu na e la asɔri ashunu na be emalaika nɛ kefitilatɔl ashunu na malɛ la asɔri ashunu na.”

Kelaraŋŋini 1:4

Kawɔl ere shi ma Jɔn kutɔ nna a yɔ asɔri ashunu mo nɛ a wɔ Eeshia be kasawule so na kutɔ. Kuwɔr be kakɛ nɛ kagbenewushi e shi esa nɛ e daa wɔtɔ nseŋ kraa wɔtɔ ŋkeŋ naa ba na nɛ ayoyu ashunu mo nɛ a wɔ mbe kuwurputi be anishito na kutɔ a la menyeya.

Kelaraŋŋini 10:3

nseŋ wora awɔr ko fanɛ buluŋ ka munto na. E ka wora awɔr na nɛ bɔrɛ be egbri ashunu na sɔ n shuli so.

Kelaraŋŋini 15:1

Ndoŋ nna nɛ n naŋ wu alemaŋkar be kesheŋ ko awɔlpa so. K daa la mamachi be kesheŋ gboŋ ko nna. Emalaika ashunu nɛ etɔrɔ ashunu mo nɛ a daa la lalaloge be etɔrɔ na e daa la, ŋkpal manɛ so, amo be kaman nɛ Ebɔrɛ be agbo bee wushi.

Kelaraŋŋini 15:7

Ndoŋ nna nɛ asɔbɔya keniso ana na be eko ta shuwa be ntishaŋ ashunu mo nɛ Ebɔrɛ mo nɛ e wɔ ŋkpa to mbaanaayɔ na be agbo daŋ bɔlɔ m bɔlɔ amo na n sa emalaika ashunu na.

Kelaraŋŋini 16:1

Ndoŋ nna nɛ n nu ebɔl ko ka shi ebɔrɛso be bɔrɛlambu na to m ba malga awɔrso a kaŋɛ a kaŋɛ emalaika ashunu na le: “Men ya chulgi Ebɔrɛ be agbo nɛ k bɔlɔ ntishaŋ ashunu na to n wurge kasawule so.”

Kelaraŋŋini 5:1

Ndoŋ nna nɛ n wu kawɔl sibɛso ka wɔ esa nɛ e daŋ chena kuwurputi na so be enɔjiso so. Kasibɛ e daŋ bɔlɔ kumo be anishito nɛ kamanto kikɛ nɛ b ta tɔɔnɛ be kebersobi ashunu m pɛ kumo.

Kelaraŋŋini 5:6

Ndoŋ nna nɛ n wu Kpakpafɔlbi ka yil kuwurputi na akpa be nferinto nɛ asɔbɔya keniso ana na nɛ bejuŋkparpo na kulti kumo. Kpakpafɔlbi na daa du fanɛ b ka mɔ mo nna. E daa kɔ alambɛ ashunu nɛ anishi ashunu nɛ a la Ebɔrɛ be ayoyu ashunu nɛ e shuŋi amo m ba kasawule ere so na nna.

Kelaraŋŋini 8:2

Nɛ n wu emalaika ashunu mo nɛ b yil Ebɔrɛ be anishito na nɛ b ta mbel ashunu m bɔɔ bumo enɔ.

Kelaraŋŋini 8:6

Ndoŋ nna nɛ emalaika ashunu mo nɛ b daa kɔ mbel ashunu na to na wora shiriya nɛ b foŋ mbel na.