Joshuwa 6:2 - EBƆRƐ BE KAWƆL

² Ndoŋ nna nɛ Enyɛnpe Ebɔrɛ kaŋɛ Joshuwa le: “N ta Jɛriko be efuli so nɛ kumo be bewura nɛ benapo lempoana na kikɛ a bɔɔ fo enɔ.

Joshuwa 6:2 Iomraidhean Croise

2 Samuɛl 5:19

Nɛ Deevid bishi Enyɛnpe Ebɔrɛ le: “K daga ŋ ka ya kɔ Filistiebi ere kena a? Meeŋ tiŋ m pɔɔ bumo so a?” Nɛ Enyɛnpe Ebɔrɛ shuli so ŋ kaŋɛ: “Mm, ya kɔ bumo! Meeŋ shin nɛ men kɔ m pɔɔ bumo so kashenteŋto!”

Nehemaya 9:24

Ade kikɛ be kaman nɛ bumo nanaana kɔ n suge Keenanebi be kasawule. Fo e daŋ chɛ bumo to nɛ b kɔ m pɔɔ bewuraana nɛ efuli pɔtɛana so. Fo e shin nɛ b tiŋ n wora bumo doŋana kusɔ kama nɛ baa sha kikɛ.

Danɛl 2:21

Fo e kɔ eleŋ a shin nɛ saŋɛ nɛ jemanɛ kikɛ bee chɛrga. Fo e naa buu nsaa gboŋi bewura. Fo koŋwule na e naa sa basa kanyiasheŋ nɛ asheŋ be kepinto.

Danɛl 2:44

Kuwurgboŋ nasopo na be bewura be jemanɛ so, Ebɔrɛ nɛ e wɔ esoso na beeŋ shin nɛ kuwurgboŋ nɛ k maaŋ tɔr kikɛ na e yili nsaa wɔtɔ mbaanaayɔ. Shɛŋ shɛŋ maaŋ tiŋ ŋ kɔ m pɔ kumo so, ama kumo ere beeŋ pɔɔ bewurgboŋ ana na kikɛ so m mur bumo cheche.

Danɛl 4:17

Kusɔ nɛ Ebɔrɛ be emalaika cheembi na kaŋɛ nna na, saŋɛ na so dimɛdi kikɛ beeŋ pin fanɛ Enyɛnpetale Ebɔrɛ na kɔ eleŋ dimɛdi be kuwurji so, nsaa kɔ ekpa nɛ e ta kumo n sa esa kama nɛ e bee sha, hale bebɔlpo gba.

Danɛl 4:35

Basa nɛ b wɔ durnya to maŋ la shɛŋ mo kutɔ. Emalaika nɛ b wɔ ebɔrɛso nɛ basa nɛ b wɔ kasawule so kikɛ wɔ mbe kaseto nna. Ekama maaŋ tiŋ m malga ŋ gbiti kusɔ nɛ e yili, ŋko m bishi kusɔ nɛ k ba nɛ e wora kusɔ ko.

Danɛl 5:18

Enyɛnpetale Ebɔrɛ na so nɛ fo tuto Nebukadneeza ki ewurgboŋ nseŋ nya bunyaŋ nɛ kemankuragboŋ.

Ditɛronɔmi 7:24

Mo alɛ beeŋ naŋ sa menyi yuku bumo be bewura so nɛ men mɔ bumo nɛ esa maaŋ naa nyiŋi bumo be asheŋ gba kuraa. Esa kama maaŋ tiŋ ŋ kuŋ menyi be kemur bumo akpa.

Joshuwa 12:9

Le be nde ere be bewura nɛ Israɛlebi na daŋ kɔ m pɔɔ so: Jɛriko be ewura nɛ Ai nɛ k mata Bɛtɛl na be ewura.

Joshuwa 2:24

Le nɛ b kaŋɛ Joshuwa: “Enyɛnpe Ebɔrɛ na ta bumo be kasawule na kikɛ m bɔɔ anyi enɔ. Kufu daŋ pɛ basa na ga nna ŋkpal anyi so.”

Joshuwa 2:9

“M baa nyi geeŋ fanɛ Enyɛnpe Ebɔrɛ na ta kasawule ere nna n sa menyi nɛ kumo be loŋ e shin nɛ kufu nɛ keyeŋiyeŋi e tɔr ekama nɛ e wɔ efuli ere so so.

Joshuwa 20:1

Ndoŋ nna nɛ Enyɛnpe Ebɔrɛ kaŋɛ Joshuwa

Joshuwa 6:1

Jɛrikoebi daŋ ti egbal nɛ b pɔr ŋ kulti kade na be mbunagboŋana na kikɛ nna ŋkpal Israɛlebi na so. Esa kama malɛ daa maŋ kɔ ekpa nɛ e lar ŋko n luri kade na to.

Joshuwa 6:3

Fo nɛ fo benapo na kikɛ e nite ŋ kulti Jɛriko be kade na kela koŋwule karechɛ kama m bɛ abar so loŋ be nchɛ ashe.

Joshuwa 8:1

Asheŋ ere be kaman nɛ Enyɛnpe Ebɔrɛ kaŋɛ Joshuwa le: “Keta fo benapo na kikɛ n yɔ Ai. Fo alɛ e sa maa lɔ kufu ŋko a pɔ aba. Meeŋ shin nɛ men kɔ m pɔɔ Ai be ewura na so, nɛ mbe basa nɛ mbe kade nɛ kasawule na kikɛ e ki menyeya.

Demujipoana 11:21

Ama Enyɛnpe, Israɛl be Ebɔrɛ na, shin nɛ Israɛlebi na pɔɔ ewura Sihɔn nɛ mbe benapo na kikɛ so. Kananɛ Israɛlebi sɔ Amɔriebi be kasawule kikɛ ashi efuli na so nna na.

Demujipoana 11:24

Menyi ere maaŋ sɔ kusɔ kama nɛ menyi be kegbir, Chemɔsh sa menyi a? To, kusɔ kama nɛ an Nyɛnpe, Israɛl be Ebɔrɛ na sa anyi, anyi alɛ gba beeŋ sɔ kumo.