Joshuwa 6:10 - EBƆRƐ BE KAWƆL

¹⁰ Joshuwa daŋ kaŋɛ basa na fanɛ b sa maŋ kaŋ cha awɔr kikɛ ŋko ŋ kaŋɛ kusɔ ko ama mo e baŋ sa bumo ekpa fanɛ b wora loŋ.

Joshuwa 6:10 Iomraidhean Croise

Aizaaya 28:16

To, kusɔ nɛ Enyɛnpetale Ebɔrɛ na bee kaŋɛ nde: “Mee tɔl gbaltɔlase nɛ k kɔ eleŋ a yil a maa gbuŋgbuŋ nna ashi Zayɔn to. Ma alɛ beeŋ ta kejembu nɛ bepɔrpo keni to n lara fanɛ kebonfu to be kejembu nɛ k kɔ eleŋ ga na nna n nase gbaltɔlase na, nɛ b sibɛ le n deŋi kumo so, ‘Yirda nɛ k yil to kpakpa kɔ kanyiti nna.’

Aizaaya 42:2

E maaŋ ponte awɔrso ŋko m malga awɔrso ashi agbembi so.

Matiu 12:19

Ama e maaŋ ji emɔrɔ ŋko m ponte to, esa malɛ maaŋ nu mbe ebɔl ka dii abɔrbi so.

Luuk 24:49

Meeŋ shin nɛ n Tuto be kɔnɔ naseso be kakɛ e ba menyi so. Amoso, men baa wɔ kade ere to hale nɛ eleŋ e ya shi esoso m ba buu menyi.”

Ashuŋ Shunso 1:7

Nɛ Yesu kaŋɛ bumo: “N Tuto nawule be enɔ to nɛ kusɔ kama nɛ kumo be jemanɛ wɔ. Amo be asheŋ maŋ la asɔ nɛ a daga men ka pin.

Joshuwa 6:11

Kede be kaman nɛ e shin nɛ basa na sulɔ Enyɛnpe Ebɔrɛ be ŋkre be deka na n nite ŋ kulti kade na kela koŋwule pɔɛŋ nseŋ bɛta n yɔ bumo be keeyi to n ya dese.