Joshuwa 5:9 - EBƆRƐ BE KAWƆL

⁹ Ndoŋ nna nɛ Enyɛnpe Ebɔrɛ kaŋɛ Joshuwa le: “Naniere bre n lara kenyaya be anishinyɔr nɛ k daa wɔ menyi so saŋɛ so nɛ men daa wɔ Ijipt be efuli so na.” Amoso nɛ baa tre kakpa nɛ b ku atutu na Gilgaal hale kabre na.

Joshuwa 5:9 Iomraidhean Croise

Jɛnesis 34:14

Le nɛ b daŋ kaŋɛ bumo: “Anyi maaŋ tiŋ n wora le be kesheŋ ere, anyi maaŋ tiŋ n ta an sipoche n sa esa nɛ e maŋ ku kututu. K beeŋ baa la anishinyɔr be kusɔ nna n sa anyi.

2 Samuɛl 19:15

Ewura na ka bɛta a ba nɛ e ba tu Juda be basa ko ashi Gilgaal nɛ baa ba Jɔɔdan be lɔr na to nɛ b ba keta mo n dii.

Nshɛ 119:39

Baa kuŋ ma ashi ŋaba nɛ mee ŋana to; ŋkpal manɛ so, fo mbraana walɛ nna.

Jɛremaya 9:25

Ade be kaman nɛ Enyɛnpe Ebɔrɛ na naŋ kaŋɛ le: “Jemanɛ ko bee ba nɛ ŋ gberge basa nɛ b shi Ijipt nɛ Juda nɛ Edɔm nɛ Ammɔn nɛ Mowab be efuliana so nɛ eyiriana nɛ e wɔ keshishɛrsawule so na kusoe. Basa nɛ b wɔ efuli pɔtɛana ere kikɛ so ku atutu nna, ama bumo alɛ maa bɛ kɔnɔkoŋwule be ŋkre nɛ k bee ŋini katutuku be kefito na. Bumo nɛ Israɛl be basa be ekama maa bɛ ma kɔnɔkoŋwule be ŋkre na so. Eyurto be kaplɛa so, b ku atutu, ama bumo alɛ be ŋgbene maŋ chɛrga.”

Ezikɛl 23:3

Bumo be kebia to kikɛ nɛ b ki esakaleche ashi Ijipt be efuli so. Ndoŋ nɛ benyɛn daŋ ta bumo ŋ ki beche.

Ezikɛl 23:8

Jemanɛ nɛ benyɛn jija mo nseŋ ta mo ŋ ki eche ashi Ijipt be efuli so mbe kebia to kikɛ hale nɛ mbre e maŋ naŋ yige mbe kesakalea na.

Hoziya 4:15

“Menyi Israɛl be basa maa ji kashenteŋ a sa ma, ama men sa maŋ shin nɛ Judaebi gba e luri loŋ be kulubi koŋwule ere to. Men sa maŋ naa yɔ Gilgaal ŋko Bɛtavɛn n ya kaa bunyaŋ agbir ŋko a nase nnɔ Enyɛnpe Ebɔrɛ na be ketre to.”

Levitikɔs 24:14

“Ta kanyɛn na n lar keeyi na to. Bekama nɛ b nu e kaa malga ŋ gbiti Ebɔrɛ na beeŋ ta bumo be enɔana n deŋi kanyɛn na be kumu so nseŋ ji shɛda fanɛ e wora n da so, kumo be kaman nɛ kade na kikɛ ebi e kpa mo ajembu m mɔ.

Eemɔs 5:5

Men sa maŋ kaŋ yɔ Bɛshiba n ya shuŋ kegbir kikɛ. Menyi alɛ e sa maŋ kaa fin ma a yɔ Bɛtɛl ŋkpal manɛ so k maaŋ naa la shɛŋ. Men sa maŋ kaŋ yɔ Gilgaal gba ŋkpal manɛ so bedoŋ beeŋ tintiŋ kumo be basa n yɔ kenyaya to efuli wɔfɔ.”

Maika 6:5

Ma basa, men baa nyiŋi kusɔ nɛ Mowab be ewura Balak daŋ kre kewora menyi nɛ kusɔ nɛ Biyɔɔ pibinyɛn Balaam daŋ kaŋɛ mo a laŋɛ menyi be kaplɛa so na. Men naŋ nyiŋi asheŋ nɛ e wora saŋɛ nɛ men lar Shitim a yɔ Gilgaal na nseŋ nyiŋi kananɛ ma, Enyɛnpe Ebɔrɛ na mɔlga menyi ale damta.”

Zefanaiya 2:8

Kumo be kaman nɛ Enyɛnpetale Ebɔrɛ na kaŋɛ le: “N nu Mowab nɛ Ammɔn be basa ka bee tege nsaa wora ma basa eyurto a ji njɔŋ fanɛ baaŋ sɔ bumo be kasawule.

Joshuwa 24:14

Kumo be kaman nɛ Joshuwa naŋ kaŋɛ: “Amoso, men baa ŋana Enyɛnpe Ebɔrɛ na nsaa shuŋ mo nɛnɛ kashenteŋto. Men ta men nananyɛnana be agbir nɛ b daa shuŋ saŋɛ nɛ b daa wɔ Yufreetes be lɔr be kaba ndoŋ nɛ Ijipt be kasawule so na kikɛ n lɛ nsaa shuŋ Enyɛnpe Ebɔrɛ na nawule.

Joshuwa 4:19

Kafɛ to be kufɔl sososo be kachɛ kudusopo nɛ basa na daŋ dii Jɔɔdan be lɔr na n ya wora bumo keeyi ashi kade nɛ baa tre Gilgaal nɛ k wɔ Jɛriko be epeŋilarkpa be kaba so na.

Joshuwa 5:8

B ka ku bumo kikɛ be atutu n loge na, nɛ Israɛlebi na kikɛ shir a wɔ bumo keeyi to hale n ya fo jemanɛ nɛ bumo atutu be achuu na wu.

1 Samuɛl 14:6

Nɛ Jonatan kaŋɛ kabrantiɛbia nɛ e bee sulɔ mbe akɔsɔ na le: “Ba nɛ an yɔ Filistiebi, nnyamase na, be keeyi to. Ashere Enyɛnpe Ebɔrɛ na beeŋ chɛ anyi to. Nɛ e baŋ shuli fanɛ e beeŋ chɛ anyi to nɛ an kɔ m pɔɔ so bre, shɛŋ shɛŋ maaŋ tiŋ ŋ kuŋ mo ekpa. K maŋ tir fanɛ an shibi ŋko anyi maŋ shibi.”

1 Samuɛl 17:26

Nɛ Deevid bishi benapo nɛ b yili n taga mo to na le: “Manɛ nɛ baaŋ sa esa kama nɛ e beeŋ mɔ Filisti be esa ere nseŋ lara Israɛl ashi le be anishinyɔr ere to? Kanyamase jiga ere malɛ e la wanɛ nɛ e bee keni Ebɔrɛ nɛ e wɔ ŋkpa to na be benapo jiga?”

1 Samuɛl 17:36

M mɔ ebuluŋ nɛ eshishiri kikɛ, amoso loŋ be ekpa koŋwule na so nɛ meeŋ bɔla so m mɔ Filisti be kanyamasenyɛn nɛ e bee keni Enyɛnpe Ebɔrɛ nɛ e wɔ ŋkpa to na be benapo jiga na.

1 Samuɛl 7:16

Kafɛ kikɛ e bee nite a chambɔ Bɛtɛl nɛ Gilgaal nɛ Mizpa be nde nna a ji Israɛlebi nɛ b wɔ ndoŋ be asheŋ n sa bumo.