Joshuwa 5:6 - EBƆRƐ BE KAWƆL

⁶ Bumo be bekama nɛ b daŋ fo kena be kekɔ saŋɛ so nɛ Israɛlebi na daŋ lar Ijipt be kasawule so a na keshishɛrsawule na so nfɛ adena na bre kikɛ daŋ wu nna ŋkpal b ka maŋ wora Enyɛnpe Ebɔrɛ na kasonu so. Loŋ koŋwule na nɛ bumo nananyɛnana daŋ ta kusoe kpakpaso m paŋ kasawule lela nɛ Enyɛnpe Ebɔrɛ nase kɔnɔ fanɛ e beeŋ sa bumo na.

Joshuwa 5:6 Iomraidhean Croise

Nshɛ 107:4

Menyi be beko daŋ foe ashi keshishɛrsawule nɛ k maŋ kɔ shɛŋ na so nna, nsaa maŋ naŋ wu ekpa nɛ men bɛta m ba chena kadegboŋ na to.

Ɛksodɔs 3:17

Ma alɛ yili kumo fanɛ meeŋ lara menyi ashi tɔrɔ nɛ menyee ji ashi Ijipt be efuli so na to n yɔ Keenanebi nɛ Hitebi nɛ Amɔriebi nɛ Pɛrizebi nɛ Hivebi nɛ Jebusiebi be nsawuleana so. Loŋ be nsawule na e kɔ kanya alegaiso nsaa wora ajibi nɛnɛ.”

Ɛksodɔs 3:8

Ŋkpal loŋ so, nɛ ŋ gbelge m ba nɛ m ba mɔlga bumo ashi Ijiptebi na be enɔ to nseŋ lara bumo ashi Ijipt be kasawule so n yɛr bumo kasawule lela nɛ k shi so. Kasawule mo nɛ k kɔ kanya alegaiso nsaa wora ajibi nɛnɛ. Loŋ be kasawule na so nɛ Keenanebi nɛ Hitebi nɛ Amɔriebi nɛ Pɛrizebi nɛ Hivebi nɛ Jebusiebi tase so na.

Jɛremaya 2:2

n ya bɔ kubɔya ere n sa Jerusalɛm to be basa kikɛ. E yɛ: “N nyiŋi kananɛ men daa ji kashenteŋ a sa ma jemanɛ nɛ men daa du fanɛ mbifɔlbi na be asheŋ. Ma alɛ naŋ nyiŋi kananɛ men daa sha ma jemanɛ nɛ ma nɛ menyi daŋ ba abar so fanɛ basa nɛ b kraŋ luri kakil to sososo na gba be asheŋ. Menyi alɛ daŋ bɛ ma so n nite keshishɛrsawule fuloŋ so.

Ezikɛl 20:15

Amoso nɛ ma alɛ daŋ bɔ ntaŋ ŋ kaŋɛ bumo keshishɛrsawule na so fanɛ m maaŋ naŋ yɛr bumo kasawule lela nɛ k bee wora adɔjibi ga nɛ n daŋ sa bumo na so.

Ezikɛl 20:6

Loŋ be kachɛ na nɛ e nase kɔnɔ fanɛ e beeŋ lara bumo Ijipt be efuli so n yɔ kasawule nɛ k kɔ kanya alegaiso nsaa wora adɔjibi ga nseŋ naa la kasawule nɛ k walɛ a chɔ nsawule kikɛ nɛ mo gbagba fin n yili bumo na so.

Jowɛl 3:18

Loŋ be kachɛ na ndibi nɛ b kɔ amo be asɔrso a wora nsa na beeŋ wora keshi nɛ asɔbɔya e chase abee so. Juda be efuli so be mbombi malɛ maaŋ naŋ wɔlto kikɛ. Nchu beeŋ shi bɔrɛlambu na to n shile n ya kaa luri ndibi nɛ baa tre akasia nɛ a yil ketaŋɛ to na to.

Nɔmbɛs 14:23

Bumo be keya maaŋ cha kasawule nɛ n nase kɔnɔ fanɛ meeŋ sa bumo nananyɛnana na so kikɛ. Bekama nɛ b kini ma na be ekama be keya maaŋ cha ndoŋ.

Nɔmbɛs 26:63

Mosis nɛ Eliaza e daŋ karga basa na saŋɛ nɛ Israɛlebi na daa wɔ Mowab be kepla nɛ k mata Jɔɔdan be lɔr nɛ Jɛriko wɔ kumo be kaba ndoŋ na.

Ditɛronɔmi 1:3

Israɛl be basa na ka lar Ijipt be efuli so be kafɛ adenasopo na be kufɔl kudukakosopo na be kachɛ juŋkparso na nɛ Mosis kaŋɛ basa na kusɔ nɛ Enyɛnpe Ebɔrɛ na kaŋɛ mo fanɛ e kaŋɛ bumo na kikɛ.

Ditɛronɔmi 2:14

An ka lar kakpa nɛ baa tre Kadɛsh Bania na be nfɛ adesa nɛ aburwa nna na. Benyɛn kama nɛ b daa tiŋ a kɔ kena loŋ be jemanɛ na kikɛ wu, fanɛ kananɛ Enyɛnpe Ebɔrɛ na kaŋɛ fanɛ baaŋ wu na.

Ditɛronɔmi 2:7

Men baa nyiŋi kananɛ Enyɛnpe menyi be Ebɔrɛ na nɛfa menyi ashi asɔ kama nɛ men wora to. E keni menyi so jemanɛ nɛ men daa nite keshishɛrsawule palɛlɛ na so a kulti na. Menyi nɛ mo e daa la nfɛ adena ere kikɛ. Menyi alɛ daŋ nya kusɔ kama nɛ menyee sha.

Ditɛronɔmi 8:4

Kumo be kaman, menyi be asɔbuuso maŋ wu ŋko men nite nɛ menyi be aya tin tin nfɛ adena nɛ a choŋ ere kikɛ.

Hibruwebi 3:11

Amoso, n daŋ ta agbo nna m bɔ ŋ kaŋɛ fanɛ: ‘B maaŋ luri ma kewushi na to kikɛ.’ ”

Joshuwa 1:6

Leŋ fo kumu to nsaa kɔ kagbene, ŋkpal manɛ so, fo e naaŋ juŋkpar basa ere n ya sɔ kasawule nɛ n nase kɔnɔ fanɛ meeŋ ta n sa bumo nananyɛnana na.

Joshuwa 24:7

b shu ŋ ŋini ma fanɛ n chɛ bumo to. Nɛ n ta tentembiri n wɔtɔ bumo nɛ Ijiptebi na be kefɛato nseŋ shin nɛ teku na ba mur Ijiptebi na kikɛ. Menyi gbagba ere wu kusɔ nɛ n wora Ijiptebi na. Kumo be kaman nɛ men daŋ chena keshishɛrsawule so n chɛr ga.

Joshuwa 5:5

Pɔɛŋ nɛ b lar Ijipt na b daŋ ku bumo be benyɛn kikɛ atutu nna ama bekama nɛ b daŋ kurge keshishɛrsawule na to bre daa maŋ kuu.

Joshuwa 5:7

Amoso bumo be mbia nɛ b koso na nɛ Joshuwa daŋ ku atutu.