Joshuwa 5:13 - EBƆRƐ BE KAWƆL

¹³ Joshuwa ka bee taga to Jɛriko na, epul to nɛ e wu kanyɛn ko ka yili mbe anishito a kɔ tokobi to. Ndoŋ nna nɛ e ya bishi mo le: “Fo alɛ gba la anyi to be eko nna ŋko anyi doŋ e la fo?”

Joshuwa 5:13 Iomraidhean Croise

Jɛnesis 18:1

Kachako nɛ Enyɛnpe na naŋ lar Eebraham so ashi Mamre be ndibigboŋ na ase. Loŋ be kachɛ na K daa la kapaso nna nɛ kaboŋ bel edɛ nɛ Eebraham tase mbe wajɛbu be kabuna to.

Jɛnesis 18:2

Eebraham daa baŋ maŋ kumu so nna nɛ e keni nseŋ wu benyɛn asa ko kaa yil. E ka wu bumo, epul na to nɛ e shile n lar kowu n ya shɛr bumo to ŋ jɔŋɛ bumo ase

Jɛnesis 28:16

Jeekɔb ka tiŋi mbe edi na to nɛ e fɛ mbe kumu to le: “Kajaa, Enyɛnpe Ebɔrɛ na wɔ kaboŋ ere nna nɛ n daa maŋ nyi!”

Jɛnesis 33:1

Kede be kaman nɛ Jeekɔb maŋ kumu so n wu Isɔɔ nɛ mbe basa alfa ana ka bee ba nɛ e kpal loŋ so m barga mbe mbia na to n sa Lia nɛ Reechel nɛ bumo be mbita anyɔ na.

Jɛnesis 33:5

Kumo be kaman nɛ Isɔɔ ki ŋ keni n wu beche na nɛ bumo be mbia na nseŋ bishi Jeekɔb le: “Fo nɛ basa mo malɛ nna?” Nɛ Jeekɔb kaŋɛ: “Mbia nɛ Ebɔrɛ wu ma kuwɔr n sa ma, fo kenya nna.”

1 Kronikɛls 12:22

Saŋkama benapo popɔr daa ti Deevid be benapo na so nna ŋkpal loŋ so nɛ mbe benapo na wora kishi ga.

1 Kronikɛls 21:27

Ndoŋ nna nɛ Enyɛnpe Ebɔrɛ kaŋɛ malaika na fanɛ e ta mbe tokobi na n wɔtɔ kumo be efar to, nɛ e wora loŋ.

1 Kronikɛls 21:30

ama ewura Deevid bre daa maŋ tiŋ n yɔ ndoŋ n ya bunyaŋ Ebɔrɛ ŋkpal e ka daa ŋana Enyɛnpe Ebɔrɛ be malaika na be tokobi na so.

Ɛksodɔs 23:23

Nɛ ma malaika na e juŋkpar menyi n yɔ Amɔriebi nɛ Hitebi nɛ Pɛrizebi nɛ Keenanebi nɛ Hivebi nɛ Jebusiebi be nsawule so nɛ m mur bumo kikɛ.

Danɛl 10:5

Ŋ ka maŋ kumu so, nɛ n wu esa ko ka buu ago be epiŋi fuful nseŋ chɛ shuwa malɛ be kreso kashɛr to.

Danɛl 8:3

Ndoŋ, nɛ n wu kpakpa ko ka kɔ alambɛ tenteŋ anyɔ, nɛ kuko wɔ nteŋ nsaa la kepopɔr a chɔ kuko.

Zakareya 1:8

Ashi edare na to n daŋ wu esa ko ka dii gbaŋɛ peper nna m ba yili ndibi ko be afito ashi ketaŋɛ ko to, nɛ egbaŋɛ peper kpaw nɛ bepeper kunɔkunɔ nɛ befuful ko malɛ yil mbe kaman.

Nɔmbɛs 22:23

Balaam be kurma na ka wu malaika ka keta tokobi a yil ekpa na to, nɛ k gbɛ n luri adɔ to. Nɛ Balaam bri kumo nɛ k bɛta m ba ekpa to.

Nɔmbɛs 22:31

Nɛ Enyɛnpe Ebɔrɛ bugi Balaam be anishi nɛ e wu malaika na ka keta tokobi a yil ekpa na to. Ndoŋ nna nɛ Balaam kurgi kumu n yuu kasawule.

Ashuŋ Shunso 1:10

Bumo be anishi kraa yuu awɔlpa na so nna nɛ benyɛn anyɔ ko nɛ b daa la emalaika buu epiŋi fuful m ba yili bumo kutɔ epul na to

Joshuwa 6:2

Ndoŋ nna nɛ Enyɛnpe Ebɔrɛ kaŋɛ Joshuwa le: “N ta Jɛriko be efuli so nɛ kumo be bewura nɛ benapo lempoana na kikɛ a bɔɔ fo enɔ.

Kelaraŋŋini 1:13

Shuwa be kefitilatɔl ashunu na malɛ to n wu esa ko fanɛ dimɛdi pibinyɛnso ka buu piŋi nɛ k gbelge n ya fo mbe ayadra so nɛ shuwa be kreso paŋgelambi ko ŋ kre mbe nteto.

Demujipoana 13:11

Ndoŋ nna nɛ Manoa koso m bɛ mbe eche so. E ka ba tu kanyɛn na nɛ e bishi mo: “Fo e daŋ malga ma eche kutɔ na a?” Nɛ kanyɛn na shuli so: “Mm, ma nna!”

Demujipoana 13:22

Kumo be kaman nɛ Manoa kaŋɛ mbe eche: “Anyee shin nɛ an wu nna na, ŋkpal manɛ so, an wu Ebɔrɛ kenishiso!”