Joshuwa 5:1 - EBƆRƐ BE KAWƆL

¹ Amɔriebi be bewura nɛ b wɔ Jɔɔdan be epeŋitɔrkpa na nɛ Keenan be bewura nɛ b chena m mata teku nɛ baa tre Mɛditerenia na kikɛ ka nu kananɛ Enyɛnpe Ebɔrɛ shin nɛ Jɔɔdan be lɔr na ku to nɛ Israɛlebi na nite kumo to n dii na nɛ bumo ŋgbene fara a ku nɛ baa ŋana ketu Israɛlebi na ŋ kɔ.

Joshuwa 5:1 Iomraidhean Croise

Jɛnesis 12:6

B ka ya fo Keenan nɛ Eebram nite ŋ kulti kasawule na so hale n ya fo More be kedibigboŋ na ase, ashi Shɛkɛm. Kumo be saŋɛ malɛ nɛ Keenanebi kraa tase kasawule na so.

Jɛnesis 48:22

Ma alɛ bee sa fo kasawule nɛ k chɔ fo daana peya ŋkpal fo ka beeŋ ba ka chɔ bumo so so. Loŋ be kasawule na nɛ n daŋ ta ma tokobi nɛ keta ŋ kɔ n sɔ ashi Ammɔnebi kutɔ na.”

2 Samuɛl 21:2

Gibiɔnebi na daa maŋ la Israɛlebi, b daa la Amɔriebi be katuŋ fimbi ko nna nɛ Israɛlebi na daŋ nase kɔnɔ n sa bumo fanɛ baŋ baa kuŋ bumo. Ama Sɔɔl daŋ wora ania nɛ e mur bumo nna ŋkpal e ka daa sha fanɛ Israɛlebi nɛ Judaebi e sɔ bumo be efuli na kikɛ so.

1 Bewura 10:5

E ka wu ajibi nɛ b chige n yili ewura Sɔlɔmɔn be teebɔl so na, nɛ ebuana nɛ mbe benimuana wɔtɔ na, nɛ kananɛ ewura be laŋ na to be beshumpo be asheŋ bee bɛ abar so nɛnɛ na, nɛ epiŋi nɛ nyɛrbi nɛ baa chige ajibi bee buu na, nɛ k chinchiŋ mo alegaiso.

Ɛzra 9:1

Asheŋ ere kikɛ ka wora n loge be kaman, nɛ Israɛlebi be bejuŋkparpo na ba kaŋɛ ma fanɛ basa na nɛ bɔrɛmatapoana na nɛ Livaiebi na kra maŋ lara bumo be amu ashi basa nɛ b chena ŋ kulti bumo na be asheŋ woraso lubi to. B ta bumo be amu n wɔtɔ Keenanebi nɛ Hitebi nɛ Pɛrizebi nɛ Jebusiebi nɛ Ammɔnebi nɛ Mowabebi nɛ Ijiptebi nɛ Amɔriebi be mbushusheŋ nɛ b daa wora to nna.

Nshɛ 135:11

Loŋ be bewura na be beko e daa la: Amɔri be ewura nɛ baa tre Sihɔn na; nɛ Bashan be ewura nɛ baa tre Ɔg na nɛ Keenan be efuli so be bewuraana.

Ɛksodɔs 23:28

Meeŋ shin nɛ edundumbɔfo e juŋkpar n ya ju Hivebi nɛ Keenanebi nɛ Hitebi.

Aizaaya 41:5

Basa nɛ b wɔ nsawule nɛ a wɔ kufɔ kufɔ so na wu kusɔ nɛ n wora; nɛ kufu pɛ bumo nɛ baa chicha. Amoso b gama abar so nna m ba ma kutɔ.

Ezikɛl 16:3

nseŋ kaŋɛ bumo kusɔ nɛ ma, Enyɛnpetale Ebɔrɛ na bee kaŋɛ a laŋɛ Jerusalɛm be kaplɛa so na fanɛ Keenan be kasawule so nɛ b kurge fo nɛ fo tuto la Amɔri be esa nɛ fo nio malɛ la Hiti be esa.

Ezikɛl 21:7

B kaŋ bishi fo kusɔ nɛ k ba nɛ fee shu fo kaŋɛ bumo le: ‘Baru nɛ k bee ba na so nɛ mee shu.’ Kumo jemanɛ kaŋ fo ekama be kagbene beeŋ jija mo nɛ kufu e tɔr ekama so nɛ bumo be aba e pɔ bumo nɛ b baa chicha a maaŋ naŋ tiŋ n wora shɛŋ. Kachɛ na bee ba! K maaŋ naŋ chɛr nseŋ ba. Ma, Enyɛnpetale Ebɔrɛ na e kaŋɛ na.”

Danɛl 5:6

Nɛ kufu pɛ mo alegaiso nɛ mbe anishito ki foleebi nɛ mbe amuli kikɛ fara a chicha nɛ e niŋi to ŋ gben.

Eemɔs 2:9

Ama ŋkpal bumo so, nɛ m mur Amɔriebi nɛ b daa wɔ nteŋ fanɛ ndibi tenteŋ nɛ baa tre Sida na, nsaa kɔ eleŋ malɛ fanɛ ndibi gboŋgboŋi lempo na. N daŋ mur bumo be ayabi nɛ achin kikɛ nna cheche.

Nɔmbɛs 13:29

Amalɛkebi e chena kasawule na be kelargato be kaseto be kaba so, nɛ Hitebi nɛ Jebusiebi nɛ Amɔriebi malɛ chena kebee be efuli na be kaba so; nɛ Keenanebi malɛ chena m mata Teku nɛ baa tre Mɛditerenia na nɛ Jɔɔdan be lɔr na be ekarso.”

Joshuwa 17:12

Ama Manase be yiri to ebi daŋ maŋ tiŋ ŋ ju basa nɛ b wɔ nde na to amoso Keenanebi na daŋ maŋ lar ndoŋ.

Joshuwa 17:18

Abee so be kasawule na be kaba so beeŋ baa la menyeya. K la kupo nna bre ama men ya lɔŋɛ ndoŋ n chena. Kashenteŋ nna fanɛ Keenanebi na kɔ anyembi be egbaŋɛturko nsaa kɔ eleŋ, ama menyeeŋ tiŋ n ju bumo kasawule na so.”

Joshuwa 24:15

Ama nɛ kushuŋ Enyɛnpe Ebɔrɛ na maa par menyi bre, kumo ere men lara esa nɛ menyeeŋ baa shuŋ kabre. Nɛ menyeeŋ baa shuŋ agbir nɛ men nananyɛnana daŋ shuŋ Yufreetes be lɔr na be kaba ndoŋ ŋko Amɔriebi nɛ men wɔ bumo be kasawule so ere be agbir nɛ menyeeŋ baa shuŋ, men baa shuŋ! Ma ere nɛ ma laŋ to ebi bre beeŋ shuŋ Enyɛnpe Ebɔrɛ na.”

Joshuwa 3:16

epul to nɛ lɔr na ku to nɛ nchu nɛ a shil a ba na bɛta kaman n ya fo kade nɛ baa tre Adam nɛ k wɔ Zaretan be efuli so na. Ndoŋ nna nɛ lɔr na be nchu nɛ a shil a yɔ na malɛ shile n ya luri Teku nɛ baa tre Araba na to, (kumo e la Nfɔl be Teku na). Kumo be kaman nɛ basa na dii lɔr na n yɔ kumo be kaba nɛ Jɛriko wɔ na.

Joshuwa 3:17

Bɔrɛmatapoana nɛ b sulɔ ŋkre be deka na daŋ yili kakpa wɔlso nna ashi Jɔɔdan be lɔr na be nferinto hale nɛ Israɛlebi na kikɛ nite kasawule wɔlso so n dii lɔr na n yɔ kumo be kaba ndoŋ.

Kelaraŋŋini 18:10

Ebesa mo nɛ e beeŋ ji na be asheŋ beeŋ pɛ bumo kufu nɛ b yili kufɔ nseŋ kaŋɛ: “O fo, kadegboŋ ere, asheŋ nya fo, asheŋ nya fo. O Babilɔn, eleŋ be kadegboŋ, awa koŋwule nawule to nɛ fo ta n nya fo kasogberge na.”

Demujipoana 1:1

Joshuwa ka wu be kaman, nɛ Israɛlebi na kule Ebɔrɛ m bishi mo le: “Anyi be mbuna ere be kumo e naaŋ juŋkpar n ya kɔ Keenanebi na?”

Demujipoana 11:23

Kananɛ Enyɛnpe, Israɛl be Ebɔrɛ na pɔɔ Amɔriebi so n sɔ kasawule na n sa bumo ere, nuso be ekpa nɛ fo alɛ kɔ nɛ fo tiŋ n sɔ kumo ashi bumo kutɔ?

Demujipoana 3:3

Basa pɔtɛ nɛ Enyɛnpe Ebɔrɛ na daŋ shin nɛ b ka kasawule na so na e daa la Filistiebi be ndegboŋ anu nɛ Keenanebi kikɛ nɛ Sidɔnebi nɛ Hivebi nɛ b daa wɔ Lebanɔn be abee nɛ yili kebee nɛ baa tre Baal Hɛɛmɔn na n ya fo kakpa nɛ baa tre Hamat be kɔnɔ to na so na.

Demujipoana 4:2

Amoso nɛ Enyɛnpe Ebɔrɛ na shin nɛ Jabin nɛ e la Keenan be ewura nseŋ daŋ chena kade nɛ baa tre Hazɔɔ a ji kuwura na pɔɔ bumo so. Kanyɛn nɛ baa tre Sisɛra na e daa la mbe benapo be enimu. Kade nɛ baa tre Haroshɛt Haggoyim na nɛ e daa wɔ.

1 Samuɛl 25:37

Kare ka chɛ nɛ mbe kaboo na lar mo to na, nɛ Abigɛl kaŋɛ mo kusɔ kama nɛ k wora. Ndoŋ nna nɛ Nabaal kreŋ n dese fanɛ kejembu na.