Joshuwa 4:19 - EBƆRƐ BE KAWƆL

¹⁹ Kafɛ to be kufɔl sososo be kachɛ kudusopo nɛ basa na daŋ dii Jɔɔdan be lɔr na n ya wora bumo keeyi ashi kade nɛ baa tre Gilgaal nɛ k wɔ Jɛriko be epeŋilarkpa be kaba so na.

Joshuwa 4:19 Iomraidhean Croise

2 Bewura 2:1

Jemanɛ ka fo nɛ Enyɛnpe Ebɔrɛ na e bɔla kawuliwuli so n ta anebi Elaija n yɔ ebɔrɛso na, Elaija nɛ Elaisha daŋ lar Gilgaal be kade to nna a yɔ.

Eemɔs 4:4

Enyɛnpetale na yɛ: “Menyi Israɛlebi e yɔ Bɛtɛl n ya kaa wora alubi kanaŋkamaso nɛ menyee sha! Men yɔ Gilgaal gba n ya ka wora alubi ndoŋ a ta asɔbɔya a lara sarga kachipurso kikɛ nsaa lara sarga nɛ menyi be kudukudusopo nchɛ asa sa kikɛ.

Eemɔs 5:5

Men sa maŋ kaŋ yɔ Bɛshiba n ya shuŋ kegbir kikɛ. Menyi alɛ e sa maŋ kaa fin ma a yɔ Bɛtɛl ŋkpal manɛ so k maaŋ naa la shɛŋ. Men sa maŋ kaŋ yɔ Gilgaal gba ŋkpal manɛ so bedoŋ beeŋ tintiŋ kumo be basa n yɔ kenyaya to efuli wɔfɔ.”

Maika 6:5

Ma basa, men baa nyiŋi kusɔ nɛ Mowab be ewura Balak daŋ kre kewora menyi nɛ kusɔ nɛ Biyɔɔ pibinyɛn Balaam daŋ kaŋɛ mo a laŋɛ menyi be kaplɛa so na. Men naŋ nyiŋi asheŋ nɛ e wora saŋɛ nɛ men lar Shitim a yɔ Gilgaal na nseŋ nyiŋi kananɛ ma, Enyɛnpe Ebɔrɛ na mɔlga menyi ale damta.”

Ditɛronɔmi 1:3

Israɛl be basa na ka lar Ijipt be efuli so be kafɛ adenasopo na be kufɔl kudukakosopo na be kachɛ juŋkparso na nɛ Mosis kaŋɛ basa na kusɔ nɛ Enyɛnpe Ebɔrɛ na kaŋɛ mo fanɛ e kaŋɛ bumo na kikɛ.

Ditɛronɔmi 11:30

Abeegboŋ anyɔ ere wɔ Keenanebi nɛ b tase ketaŋɛ nɛ baa tre Jɔɔdan be Ketaŋɛ na to na be kaba nɛ k dese Jɔɔdan be lɔr na be epeŋitɔrkpa be kaba so na nna. Abeegboŋana ere mata ekpa nɛ k dese n taga to kakpa nɛ baa tre Moriya be ndibi cheembi nɛ a wɔ kade nɛ baa tre Gilgaal na be kaba ndoŋ nna.

Joshuwa 10:43

Ade kikɛ be kaman nɛ Joshuwa nɛ mbe benapo na kikɛ bɛta n yɔ bumo keeyi to ashi Gilgaal.

Joshuwa 10:6

Kubɔya nɛ Gibiɔnebi na daŋ shuŋi ŋ kaŋɛ Joshuwa ashi Gilgaal be keeyi to e daa la: “Men sa maŋ yige anyi n lɛ. Men ba mɔlga anyi manaŋ! Men ba naniere m ba chɛ anyi to, ŋkpal manɛ so, Amɔriebi be bewura nɛ b shi kebee so be efuli so na kikɛ chɛ abar nna a kɔ anyi kena.”

Joshuwa 15:7

K yili ketaŋɛ nɛ baa tre Ankɔ, nɛ baa tre kumo koŋwule na Tɔrɔ be ketaŋɛ na, n yɔ Dɛbia nseŋ naŋ kilgi n sɔ kelargato be esoso be kaba so a yɔ Gilgaal nɛ k wɔ Adummim be anishito ashi ketaŋɛ na be kelargato be kaseto be kaba so na. Ndoŋ nɛ k yili m bɛ Enshɛmɛsh be mbombi na so hale n ya paŋ m bɔl Enrogɛl,

Joshuwa 24:11

Men ka dii Jɔɔdan be lɔr na m ba Jɛriko, nɛ Jɛriko be basa na kɔ menyi kena. Loŋ gbagba nɛ Amɔriebi nɛ Pɛrizebi nɛ Keenanebi nɛ Hitebi nɛ Gɛgashebi nɛ Hivebi nɛ Jebusiebi daŋ kɔ menyi. Ama n shin nɛ men kɔ m pɔɔ bumo kikɛ so.

Joshuwa 4:18

Bɔrɛmatapoana nɛ b sulɔ Enyɛnpe Ebɔrɛ be ŋkre be deka na be aya ka baŋ cha lɔr na be kegroŋgu so nɛ k naŋ fara a shile nseŋ bɔlɔ n to chuful epul na to.

Joshuwa 5:10

Kafɛ na to be kufɔl sososo na be kachɛ kuduanasopo na be kaaseso nɛ Israɛlebi na ji kebansonchoŋ be kejigboŋ na ashi bumo be keeyi to ashi Gilgaal nɛ k mata Jɛriko na.

Joshuwa 5:9

Ndoŋ nna nɛ Enyɛnpe Ebɔrɛ kaŋɛ Joshuwa le: “Naniere bre n lara kenyaya be anishinyɔr nɛ k daa wɔ menyi so saŋɛ so nɛ men daa wɔ Ijipt be efuli so na.” Amoso nɛ baa tre kakpa nɛ b ku atutu na Gilgaal hale kabre na.

Joshuwa 9:6

Kumo be kaman nɛ b yɔ Israɛlebi na be keeyi to ashi Gilgaal n ya kaŋɛ Joshuwa le: “Kade wɔfɔ nɛ an shi, amoso anyee sha fanɛ anyi nɛ menyi e wora kɔnɔkoŋwule be ŋkre nna.”

1 Samuɛl 10:8

Juŋkpar ma a yɔ Gilgaal nɛ m ba tu fo ndoŋ n lara sarga chɔɔso nɛ kɔnɔkoŋwuleso be esarga. Ya jo ma ndoŋ bɔkwe nɛ m ba kaŋɛ fo kusɔ nɛ feeŋ wora.

1 Samuɛl 15:33

Ndoŋ nna nɛ Samuɛl kaŋɛ Agag le: “Fo e naa suge mbiwurbi bumo nioana kutɔ a mɔ nɛ baa paŋ mbia na. Fo nio gba beeŋ paŋ ebi naniere kikɛ.” Ndoŋ nna nɛ Samuɛl mɔ Agag nseŋ ŋele mo to fanɛ mblaŋkul bɔrɛsure na ase ashi Gilgaal.