Joshuwa 4:12 - EBƆRƐ BE KAWƆL

¹² Ruben nɛ Gad be kaman to ebi be benyɛn nɛ Manase malɛ be kaman to ebi be benyɛn be bargato nɛ b daŋ bela ase nɛ b ya kɔ kena na e daŋ juŋkpar n dii lɔr na fanɛ kananɛ Mosis daŋ kaŋɛ bumo na.

Joshuwa 4:12 Iomraidhean Croise

Ɛksodɔs 13:18

Amoso Ebɔrɛ daŋ juŋkpar bumo nna ŋ gelge m bɔla teku peper na be kaba so ashi keshishɛrsawule ko so. Israɛlebi na daŋ wora kena be shiriya nna pɔɛŋ nseŋ lar Ijipt.

Nɔmbɛs 32:17

nseŋ wora shiriya n juŋkpar an braana Israɛlebi n ya kɔ kena n shin nɛ b ya chena kasawule nɛ k beeŋ ba la bumoya na so. Saŋɛ na so, basa nɛ b wɔ kasawule ere so ere maaŋ nya ekpa n tɔrɔ anyi be beche nɛ mbia.

Ditɛronɔmi 3:18

Loŋ be jemanɛ na gbagba nɛ n ta mbraana ere n sa Ruben nɛ Gad be eyiri nɛ Manase be yiri be bargato nɛ b wɔ epeŋilarkpa be kaba so na: “Enyɛnpe anyi be Ebɔrɛ na e sa menyi kasawule nɛ k dese Jɔɔdan be epeŋilarkpa be kaba so ere. Men bela menyi be benapo ase nɛ b tu Israɛl be eyiri nɛ a ka na n dii Jɔɔdan be lɔrgboŋ na n ya chɛ bumo to ŋ kɔ n sɔ kasawule na n chena so.

Ditɛronɔmi 33:21

Bumo ere ta kasawule na be alela akpa nna n sa bumo be amu; ejuŋkparpo be kachige nɛ b ta n sa bumo. B daŋ wora Enyɛnpe Ebɔrɛ na be mbraana kasonu jemanɛ nɛ Israɛl be bejuŋkparpoana daŋ gama abar so na.”

Joshuwa 1:14

Menyi be beche nɛ mbia nɛ asɔbɔya e ba wɔ nfe nɛ bumo nɛ b la benapo nseŋ bela ase nɛ bumo be akɔsɔ kikɛ na e juŋkpar bumo niopibiana n ya chɛ bumo to ŋ kɔ

Joshuwa 4:11

Basa na kikɛ ka dii lɔr na n loge na nɛ Bɔrɛmatapoana na malɛ ta Enyɛnpe Ebɔrɛ be ŋkre be deka na n dii a ba kakpa nɛ b wɔ na nɛ b yil a keni bumo.

Joshuwa 4:13

Basa ŋgboŋ adena e daŋ bela ase n dii lɔr na n yɔ kepla nɛ Jɛriko tase so na nɛ b ya kɔ kena ashi Enyɛnpe Ebɔrɛ na be anishito.