Joshuwa 3:7 - EBƆRƐ BE KAWƆL

⁷ Nɛ Enyɛnpe Ebɔrɛ na kaŋɛ Joshuwa le: “Kabre meeŋ maŋ fo so ashi Israɛlebi kikɛ be anishito, n shin nɛ b pin fanɛ kananɛ ma nɛ Mosis daa la na, loŋ nɛ ma nɛ fo alɛ gba beeŋ baa la.

Joshuwa 3:7 Iomraidhean Croise

1 Kronikɛls 29:25

Enyɛnpe Ebɔrɛ daŋ maŋ Sɔlɔmɔn so nna nseŋ shin nɛ mbe kuwurji daa kɔ kemaŋkura a chɔ Israɛl be ewura kama peya; nɛ kumo be loŋ daŋ chinchiŋ efuli na so ebi kikɛ ga.

2 Kronikɛls 1:1

Sɔlɔmɔn nɛ e la ewura Deevid pibinyɛn na daŋ ji Israɛl be efuli na so eleŋ ga ŋkpal Enyɛnpe nɛ e la mbe Ebɔrɛ na ka daŋ nɛfa mo nseŋ sa mo eleŋ ga so.

Job be kawɔl 7:17

Enyɛnpe Ebɔrɛ, manɛ nna nɛ dimɛdi be asheŋ tir fo ga nɛ fo lakal baa wɔ mbe asheŋ woraso so ere?

Nshɛ 18:35

Mo e naa kuŋ ma nsaa mɔlga ma. Mbe enɔ lempo na e naa pɛ ma to. Mbe kechɛto so nɛ e ki esagboŋ.

Baru lela nɛ Jɔn kute na 17:1

Yesu ka malga asheŋ ere n loge nɛ e maŋ kumu so ŋ keni ebɔrɛso nseŋ kule Ebɔrɛ ŋ kaŋɛ: “Etuto, saŋɛ na fo. Maŋkura ma, fo Pibinyɛn na nɛ ma, fo Pibinyɛn na malɛ e maŋkura fo.

Filipaiebi 1:20

Kusɔ nɛ m baa sha ga nsaa tama e la fanɛ m maaŋ pɔ aba ashi ma kushuŋ to, ama saŋkama, fɔnfɔŋ naniere meeŋ baa kɔ kenyɛn nɛnɛ, saŋɛ na so nɛ n wu nna ŋko n wɔ ŋkpa to nna meeŋ ta ma eyur ere kikɛ m bar Yesu Kristo bunyaŋ.

Joshuwa 1:17

Kananɛ an baŋ nu n sa Mosis na, loŋ nɛ anyeeŋ nu n sa fo alɛ gba. Enyɛnpe Ebɔrɛ na e ba wɔ fo kaman fanɛ kananɛ e daa wɔ Mosis be kaman na.

Joshuwa 1:5

Esa kama malɛ maaŋ tiŋ m pɔɔ fo so fo kebaawɔtɔ to kikɛ. Kananɛ n daa wɔ Mosis be kaman na, loŋ nɛ meeŋ baa wɔ fo alɛ gba be kaman. M maaŋ yige fo ŋko ŋ kplaŋ fo so kikɛ.

Joshuwa 1:9

Nyiŋi fanɛ n teŋ kaŋɛ fo fanɛ fo baa leŋ fo kumu to nsaa kɔ kagbene. Sa maŋ shin nɛ kufu e pɛ fo nɛ fo pɔ aba, ŋkpal manɛ so, kaplɛkama nɛ fo wɔ, ma, Enyɛnpe fo Ebɔrɛ na wɔ fo kaman.”

Joshuwa 3:6

Le nɛ Joshuwa daŋ kaŋɛ bɔrɛmatapoana na malɛ: “Men ta Enyɛnpe Ebɔrɛ be ŋkre be deka na n juŋkpar basa na a yɔ.” Nɛ b ta kumo n juŋkpar bumo.

Joshuwa 3:8

Kaŋɛ bɔrɛmatapoana nɛ b sulɔ ŋkre be deka na fanɛ b baŋ fo Jɔɔdan be lɔr na be ekarso, b yuu nchu na to n yɔ anishito n ya yili.”

Joshuwa 4:14

Loŋ be kamɔnchɛ nɛ Enyɛnpe Ebɔrɛ maŋ Joshuwa so ashi Israɛlebi na kikɛ be anishito. Amoso yili loŋ be kachɛ na nɛ b fara a sa mo bunyaŋ fanɛ kananɛ b daa sa Mosis gba na.