Joshuwa 3:4 - EBƆRƐ BE KAWƆL

⁴ Loŋ nɛ menyeeŋ pin ekpa na m bɔla so nɛnɛ, ŋkpal manɛ so, menyi maŋ naŋ bɔla ekpa ere ŋ ku so kikɛ. Ama men sa maa nite a taga Enyɛnpe Ebɔrɛ be ŋkre be deka na to. Men barga kumo fanɛ ayadra ŋgboŋ asa.”

Joshuwa 3:4 Iomraidhean Croise

Jɛnesis 31:2

Kumo be kaman nɛ Jeekɔb wu fanɛ Leeban be asheŋ woraso maŋ naa du fanɛ kananɛ k daa du na.

1 Kronikɛls 11:2

Dra na kikɛ, hale saŋɛ so nɛ Sɔɔl daa la anyi be ewura na gba, fo e juŋkpar Israɛlebi na n yɔ kena to. Enyɛnpe Ebɔrɛ na e daŋ yili kumo fanɛ, fo e naŋ ba ki anyi be ejuŋkparpo nɛ ewura a keni anyi so fanɛ kananɛ mbolpɔkpapo bee keni mbe mbolpɔ so na.”

Nshɛ 25:12

Fee ŋini basa nɛ baa ŋana fo bunyaŋ so na ekpa nɛ fo lara n sa bumo fanɛ b bɔla so na nna.

Nshɛ 89:7

Fo nɛ ekama bee ŋana ga ashi ebɔrɛso ndoŋ. Fo asheŋ malɛ bee keta kufu nsaa kɔ bunyaŋ ga a chɔ bekama nɛ b wɔ ebɔrɛso.

Ɛksodɔs 19:12

Chaŋ egbaŋ ŋ kulti kebee na nɛ basa na e yili ŋ kulti egbaŋ na nɛ fo kaŋɛ bumo le: ‘Men baa da so fanɛ men maaŋ temba egbaŋ ere n dii kebee ere so. Men sa maŋ kaŋ beta kumo gba. Esa kama nɛ e baŋ chɛ keya kebee na so, baaŋ mɔ mo.

Ɛksodɔs 3:5

Nɛ Ebɔrɛ kaŋɛ mo: “Sa maŋ kaŋ naŋ firgi m ba n ti so. Lara fo asɛbta na, ŋkpal manɛ so, kasawule cheembi so nɛ fo yil na.

Ɛksodɔs 4:10

Ndoŋ nna nɛ Mosis kaŋɛ le: “O, Enyɛnpe Ebɔrɛ, jande, sa maŋ shuŋi ma! Ŋkpal manɛ so m maŋ nyi kamalga to. Nɛ mannɛ fo ka bee malga ma fo kenya kutɔ nfe ere so, ma nɛ esa kikɛ maŋ naŋ malga le kikɛ. N la esa nɛ m maa tiŋ kamalga nna.”

Aizaaya 30:33

Dra dra na kikɛ nɛ Enyɛnpe Ebɔrɛ na bela kakpa nɛ edɛgboŋ beeŋ chɔ Asiriya be ewurgboŋ m mɔ na ase n yili. Ndoŋ la kakpa chiŋgeliŋ nsaa wɔ mpar nna nɛ ndibi biti abar so kumo to. Enyɛnpe Ebɔrɛ na e naaŋ fute edɛ be adondulombi n wɔtɔ ndibi na to nɛ a suseso.

Aizaaya 48:17

Kusɔ nɛ Enyɛnpe, Israɛl be Ebɔrɛ cheembi, nɛ e mɔlga menyi na kaŋɛ nde: “Ma e la Enyɛnpe menyi be Ebɔrɛ, nɛ mee sha keŋini menyi asheŋ ŋkpal menyi be nɛnɛ so, nseŋ juŋkpar menyi ekpa nɛ menyeeŋ baa bɔla so a wora asheŋ.

Joshuwa 3:3

“Men baŋ wu bɔrɛmatapoana nɛ b shi Livai be kanaŋ to na ka sulɔ Enyɛnpe Ebɔrɛ be ŋkre be deka na, men lar men be keeyi to m bɛ kumo so.

Joshuwa 3:5

Kede be kaman nɛ Joshuwa kaŋɛ basa na le: “Men lara kulubi kikɛ ashi men be ŋgbene to nsaa du cheembi saŋkama ŋkpal manɛ so Enyɛnpe Ebɔrɛ na beeŋ ba menyi kutɔ echefo m ba wora emamachisheŋ.”