Joshuwa 3:3 - EBƆRƐ BE KAWƆL

³ “Men baŋ wu bɔrɛmatapoana nɛ b shi Livai be kanaŋ to na ka sulɔ Enyɛnpe Ebɔrɛ be ŋkre be deka na, men lar men be keeyi to m bɛ kumo so.

Joshuwa 3:3 Iomraidhean Croise

2 Samuɛl 6:13

Basa nɛ b sulɔ deka na ka teŋi ateŋgreŋ ashe, nɛ e shin nɛ b yili; ndoŋ nna nɛ e lara gbolu nɛ kena fɔlbi duliduli ko n lara sarga n sa Ebɔrɛ.

2 Samuɛl 6:3

B daŋ lara kumo Abinadab be laŋ nɛ k yil kebee so na to nna nseŋ ta kumo n deŋi turko popɔr ko so a yɔ. Abinadab be mbinyɛnsobi Uzza nɛ Ahio e daa kɔ kumo a yɔ.

1 Bewura 8:3

Bejuŋkparpoana na kikɛ ka shɛr abar so, nɛ bɔrɛmatapoana na maŋ ŋkre be deka na so,

Jɛremaya 33:18

nɛ Livai be yiri to ebi malɛ e baa la bɔrɛmatapoana a shuŋ ma nsaa lara esarga chɔɔso nɛ ayu be esarga nɛ esarga be yiri yiri kikɛ a sa ma.”

Nɔmbɛs 10:33

Basa na ka lar kebeegboŋ cheembi nɛ baa tre Sainai na ase, nchɛ asa nɛ b wɔ enite to. Livaiebi na e daa sulɔ ŋkre be deka na a juŋkpar a fin kaboŋ nɛ k daga b wora bumo be keeyi to.

Nɔmbɛs 4:15

Saŋɛ baŋ fo fanɛ b kaa keeyi to, Kohafebi na e daga fanɛ b sulɔ asɔ cheembi na nɛ wajɛbu na be asɔ kikɛ. Ama Ɛɛrɔn nɛ mbe mbinyɛnsobi e daga fanɛ b ta asɔ m buu asɔ cheembi na so nɛnɛ pɔɛŋ nɛ b ta amo n sulɔ, saŋɛ na so b maaŋ beta amo nseŋ wu. Amoso saŋkama nɛ b kaa keeyi to, wajɛbu na nɛ kumo to be asɔ kikɛ be kesulɔ be kushuŋ la Kohaf be kabuna ebi peya nna.

Matiu 16:24

Kede be kaman nɛ Yesu kaŋɛ mbe bebɛsopo na: “Ekama nɛ e bee sha kebɛ ma so, a daga e ka teŋ mbe kumu so nseŋ sulɔ mbe kedibi largato m bɛ ma so.

Matiu 8:19

Ndoŋ nna nɛ mbraŋinipo ko ba mo kutɔ m ba kaŋɛ mo: “Eŋinipo, kaplɛkama nɛ fee yɔ, meeŋ bɛ fo so n yɔ.”

Ditɛronɔmi 31:25

E ka sibɛ amo n loge nɛ e ya kaŋɛ bɔrɛmatapoana nɛ baa sulɔ Enyɛnpe Ebɔrɛ be kɔnɔkoŋwule be ŋkre be deka na le:

Ditɛronɔmi 31:9

Mosis daŋ sibɛ Ebɔrɛ be mbra na nna n wɔtɔ kawɔl to nseŋ ta kumo n sa Israɛl be bejuŋkparpoana na nɛ bɔrɛmatapoana nɛ b shi Livai be yiri to nsaa keni Enyɛnpe Ebɔrɛ na be kɔnɔkoŋwule be ŋkre be deka so na.

Joshuwa 3:4

Loŋ nɛ menyeeŋ pin ekpa na m bɔla so nɛnɛ, ŋkpal manɛ so, menyi maŋ naŋ bɔla ekpa ere ŋ ku so kikɛ. Ama men sa maa nite a taga Enyɛnpe Ebɔrɛ be ŋkre be deka na to. Men barga kumo fanɛ ayadra ŋgboŋ asa.”

Joshuwa 3:6

Le nɛ Joshuwa daŋ kaŋɛ bɔrɛmatapoana na malɛ: “Men ta Enyɛnpe Ebɔrɛ be ŋkre be deka na n juŋkpar basa na a yɔ.” Nɛ b ta kumo n juŋkpar bumo.

Joshuwa 3:8

Kaŋɛ bɔrɛmatapoana nɛ b sulɔ ŋkre be deka na fanɛ b baŋ fo Jɔɔdan be lɔr na be ekarso, b yuu nchu na to n yɔ anishito n ya yili.”

Joshuwa 4:10

Bɔrɛmatapoana na sulɔ ŋkre be deka na nna a yil Jɔɔdan be lɔr na be nferinto hale nɛ basa na wora kusɔ kama nɛ Enyɛnpe Ebɔrɛ na kaŋɛ Joshuwa fanɛ b wora na. Loŋ nɛ Mosis gba daŋ kaŋɛ Joshuwa fanɛ e wora na. Basa na daŋ wora manaŋ nna n dii Jɔɔdan be lɔr na be kaba ndoŋ.

Joshuwa 6:6

Nɛ Nun pibi Joshuwa tre bɔrɛmatapoana na ŋ kaŋɛ bumo le: “Men ta Enyɛnpe Ebɔrɛ be ŋkre be deka na nɛ menyi to be beshunu malɛ e ta bumo be mbel n juŋkpar kumo.”

Kelaraŋŋini 14:4

Bumo e la basa nɛ b maŋ di beche n jija bumo be amu na, b daa maŋ nyi beche. Kaplɛkama nɛ Kpakpafɔlbi na bee yɔ, b bɛ mo so nna. B daŋ sɔ bumo ashi edimɛdi to nna n yige n shin nɛ b du fanɛ asɔrso juŋkparso mo nɛ baaŋ ta n lara sarga n sa Ebɔrɛ nɛ Kpakpafɔlbi na.

1 Samuɛl 6:15

Ndoŋ nɛ Livaiebiana na daŋ lara Enyɛnpe Ebɔrɛ be ŋkre be deka na nɛ deka nɛ achuubɔbɔ nɛ eshiboe be asɔ nɛ b ta shuwa n lɔŋɛ na ashi turko na so n deŋi kejembu gboŋgboŋi na so. Kumo be kaman nɛ Bɛf Shimɛsh be basa ba lara esarga chɔɔso nɛ esarga ko ana gba n ti so n sa Enyɛnpe Ebɔrɛ.