Joshuwa 3:16 - EBƆRƐ BE KAWƆL

¹⁶ epul to nɛ lɔr na ku to nɛ nchu nɛ a shil a ba na bɛta kaman n ya fo kade nɛ baa tre Adam nɛ k wɔ Zaretan be efuli so na. Ndoŋ nna nɛ lɔr na be nchu nɛ a shil a yɔ na malɛ shile n ya luri Teku nɛ baa tre Araba na to, (kumo e la Nfɔl be Teku na). Kumo be kaman nɛ basa na dii lɔr na n yɔ kumo be kaba nɛ Jɛriko wɔ na.

Joshuwa 3:16 Iomraidhean Croise

Jɛnesis 14:3

Bewura anu nɛ b ti bumo be atre kaman to ere daŋ wora kɔnɔkoŋwule nna m ba abar so ashi Sidim be ketaŋɛ to. [Ndoŋ nɛ baa tre nfɔl be teku na.]

1 Bewura 4:12

Ahilud pibinyɛn Baana e daa keni kebonfu nɛ Tanaak nɛ Majido be nde wɔ na so. Mo koŋwule na e daŋ naa keni kebonfu nɛ k wɔ Bɛf Shan nɛ k mata Zeratan nɛ k wɔ Jezreel be kelargato be kaseto be kaba so, nɛ yili Bɛf Shan a yɔ Abel Mɛhola n ya fo Jokmiam be kaba so na kikɛ so.

1 Bewura 7:46

Ewura na daŋ shin nna nɛ b ŋalga danyaŋ na nseŋ chulgi amo n wɔtɔ mpuliya nɛ b pɔr n yili lɔr nɛ baa tre Jɔɔdan na be keplasawule nɛ k wɔ Sukɔf nɛ Zereda be nferinto na to.

Nshɛ 114:3

K daŋ wora fanɛ Teku Peper na ka wu Ebɔrɛ nna nseŋ ku to, nɛ Jɔɔdan be Lɔr na malɛ wu mo nseŋ shir n yili.

Nshɛ 114:5

Bishi teku na kusɔ nɛ k ba nɛ k sa ekpa, ŋko Jɔɔdan be Lɔr na manɛ nna nɛ k maŋ naŋ tiŋ nɛ k shile?

Nshɛ 29:10

Enyɛnpe Ebɔrɛ na e naa ji kuwura nchuaana nɛ a wɔ nchiŋ gba so. E bee ji kuwura nna mbaanaayɔ.

Nshɛ 33:7

Mo e gbargbar teku be nchu kikɛ n wɔtɔ kakpa koŋwule. Mo koŋwule na e koli nchu na n wɔtɔ kakpa chiŋgeliŋ to fanɛ ebu na.

Nshɛ 66:6

Mo e shin nɛ teku wɔlto ŋ ki kasawule, nɛ an nananyɛnana nite kumo to n dii, nɛ an ji eyur ŋkpal kusɔ nɛ e wora na so.

Nshɛ 74:15

Fo e daŋ shin nɛ kasawule pante n lar nchu ŋ ki fanɛ kebuye nɛ mbombi. Nseŋ shin nɛ elɔr nɛ a daa shile bre wɔlto na.

Nshɛ 77:19

Fo daŋ nase ekpa teku be nchugboŋ na to nna, nɛ k wora fanɛ fo ka bɔla kumo to n choŋ; ama esa maŋ wu fo aya ka dese.

Nshɛ 78:13

E daŋ shin nɛ teku na ku to nna, nseŋ shin nɛ nchu na ki fanɛ egbal a yil, nɛ e juŋkpar bumo m bɔla kumo to n choŋ.

Ɛksodɔs 14:21

Le be asheŋ ere kikɛ ka wora n choŋ nɛ Mosis teŋi mbe kekpabi na n shoŋi teku na so. Ndoŋ nna nɛ Enyɛnpe Ebɔrɛ shin nɛ kebɔrɛfito be afu lempo ko chala kanyɛ na kikɛ n shin nɛ teku na ku to anyɔ.

Ɛksodɔs 14:22

Nɛ Israɛl be basa na bɔla kumo be nferinto n nite kasawule wɔlso na so n choŋ, nɛ nchuana na ki fanɛ egbalana ashi bumo be jisa so nɛ bumo be bena so kikɛ.

Ɛksodɔs 14:29

Ama Israɛlebi na bre daŋ nite kasawule wɔlso so nna m bɔla teku nɛ k ki fanɛ egbalana a wɔ bumo be jisa so nɛ bena so n dii pɔɛŋ nɛ nchu na ji Ijipt be benapo na.

Ɛksodɔs 15:8

Fo kamuna to be efutegboŋ nawule e shin nɛ nchu nɛ a daŋ ber abar so na kikɛ barga to n niŋi to n yili fanɛ egbal na, nɛ teku na be kechimbi to ki kasawule wɔlso.

Aizaaya 50:2

Ŋ ka ba nɛ m ba mɔlga ma basa na, b maŋ shuli m bɛ ma so. Ŋ ka tre bumo gba, b maŋ shuli so. M maŋ kɔ eleŋ nɛ m mɔlga bumo nna a? Ma kɔnɔ to be kamalga beeŋ tiŋ n shin nɛ teku nɛ elɔr kikɛ e wɔlto ŋ ki keshishɛrsawule nɛ ekɔrɔtɔ nɛ e wɔ amo to kikɛ e wu ŋkpal nchu ka maŋ naa wɔtɔ so.

Ezikɛl 47:8

Ndoŋ nna nɛ e kaŋɛ ma le: “Nchu ere bɔla kasawule ere so nna n sɔ epeŋilarkpa be kaba so ŋ gbelge to m bɔla Jɔɔdan be ketaŋɛ to a yɔ Teku Wuso na to nna na. Kumo be nchu na baŋ luri Teku Wuso na to, Teku Wuso na be nchu nɛ a kɔ nfɔl na beeŋ kilgi nchu nɛ e walɛ kenuu.

Nahum 1:4

Mo e naa ponte teku nɛ elɔr so nɛ amo be nchu bee feeto nɛ a bee wɔlto. Mo koŋwule na e naa ponte nɛ Bashan be afitiri bumbuŋ bee bolo, nɛ Kamɛl be kebeegboŋ so be ndibi bee pere kpaw nɛ Lebanɔn be ndibi be atoto lela kikɛ bee terge.

Habakuk 3:8

O Enyɛnpe Ebɔrɛ, elɔrana e daŋ shin nɛ fo nya agbo a? Teku e daŋ shin nɛ fo kagbene kaa alegaiso a? Abɔrɛwɔlpa nɛ a bee bar bɔrɛfugboŋ na so nɛ fo chena fanɛ gbaŋɛturko na m bar kekɔmpɔɔso m ba sa fo basa.

Nɔmbɛs 34:3

Kumo be kelargato be kaseto be kaba so beeŋ yili Zin be keshishɛrsawule na nɛ Edɔm be kasawule be kelargato be esoso be epeŋitɔrkpa be kaba so. Kumo be ekar beeŋ fara Nfɔl be Teku na be kelargato be kaseto be kaba so be epeŋilarkpa be kaba so,

Ditɛronɔmi 1:1

Mosis be mmalga nɛ e daŋ malga n sa Israɛl be basa jemanɛ nɛ b daa wɔ keshishɛrsawule so ashi lɔr nɛ baa tre Jɔɔdan na be epeŋilarkpa be kaba so na e wɔ kawɔl ere to na. B daa wɔ Jɔɔdan be ketaŋɛ nɛ k mata kade nɛ baa tre Suuf nɛ k dese kade nɛ baa tre Paran na nɛ nde nɛ baa tre Tofɛl nɛ Laban nɛ Hazerɔf nɛ Dizahab na be kefɛato nna.

Ditɛronɔmi 3:17

Bumo be kasawule na be epeŋitɔrkpa be kaba so dese loŋ n ya fo Jɔɔdan be lɔr na, nseŋ yili Galili be kepagboŋ na ase ashi kelargato be esoso be kaba so ŋ gbelge to n ya fo Teku Wuso na ashi kelargato be kaseto be kaba so hale n ya fo kebeegboŋ nɛ baa tre Pisga na ashi epeŋilarkpa be kaba so.

Joshuwa 12:3

Mo koŋwule be kasawule e daa la Jɔɔdan be ketaŋɛ nɛ k yili Galili be Teku na ashi kelargato be kaseto n ya fo Bɛf Jeshimɔf ashi Nfɔl be Teku na be epeŋilarkpa, n ta n ya fo kebeegboŋ nɛ baa tre Pisga na be kifito.

Joshuwa 15:2

Nfɔl be Teku na be kelargato be kaseto be kaba so be ekar e daa la kakpa nɛ Juda be yiri to ebi be kasawule be kelargato be kaseto be kaba so be ekar fara,

Joshuwa 16:7

nseŋ yili Janua n yɔ Atarɔf nɛ Naara n ta n ya fo Jɛriko ŋ keta loŋ n ya fo Jɔɔdan be lɔr na.

Joshuwa 3:13

Saŋɛ na so bɔrɛmatapoana nɛ b sulɔ Enyɛnpe Ebɔrɛ nɛ e to durnya kikɛ na be ŋkre be deka na, be aya kaŋ baŋ yuu nchu na to, Jɔɔdan be lɔr na beeŋ ku to nɛ nchu nɛ a shil a ba e laŋɛ ŋ gbargbar n yili kaboŋ koŋwule fanɛ kebee na.”

Joshuwa 4:22

men kaŋɛ bumo kananɛ Jɔɔdan be lɔr daŋ ku to nɛ Israɛlebi nite kumo to n dii na.

Joshuwa 5:1

Amɔriebi be bewura nɛ b wɔ Jɔɔdan be epeŋitɔrkpa na nɛ Keenan be bewura nɛ b chena m mata teku nɛ baa tre Mɛditerenia na kikɛ ka nu kananɛ Enyɛnpe Ebɔrɛ shin nɛ Jɔɔdan be lɔr na ku to nɛ Israɛlebi na nite kumo to n dii na nɛ bumo ŋgbene fara a ku nɛ baa ŋana ketu Israɛlebi na ŋ kɔ.

Demujipoana 7:22

Gidiɔn nɛ mbe benapo alfa asa na ka foŋ bumo be mbel na nɛ Enyɛnpe Ebɔrɛ na shin nɛ keyeŋiyeŋi tɔr bumo doŋana na so nɛ b pee etokobi a kɔ abar, nseŋ fara a shile a yɔ Bɛf Shitta nɛ k wɔ Zarera be kaba so na. B daŋ shile hale n ya fo Abel Mɛhola nɛ k taga Tabat to na.