Joshuwa 24:2 - EBƆRƐ BE KAWƆL

² m ba kaŋɛ bumo kikɛ le: “Enyɛnpe Israɛl be Ebɔrɛ na yɛ: ‘Dra dra na men nananyɛnana daa wɔ lɔr nɛ baa tre Yufreetes na be kaba ndoŋ nna, a shuŋ agbir. Bumo be eko e daa la Tɛɛra nɛ e la Eebraham nɛ Nahɔɔ bumo tuto na.

Joshuwa 24:2 Iomraidhean Croise

Jɛnesis 11:22

Zeruk malɛ ka ji nfɛ adesa nɛ mo nɛ mbe eche kurge Nahɔɔ.

Jɛnesis 11:24

Nahɔɔ malɛ ka ji nfɛ adunyɔ nɛ akpanu nɛ mo nɛ mbe eche kurge Tɛra.

Jɛnesis 11:26

Ndoŋ nna nɛ Tɛra malɛ ji nfɛ adushunu nɛ mo alɛ nɛ mbe eche kurge Eebram nɛ Nahɔɔ nɛ Haran.

Jɛnesis 11:27

Tɛra be kanaŋ to ebi nde. Tɛra be mbia e daa la Eebram nɛ Nahɔɔ nɛ Haran. Haran e daŋ koso ŋ kurge Lɔt.

Jɛnesis 31:19

Pɔɛŋ nɛ b lar na Leeban ka yɔ nɛ e ya kuya mbe mbolpɔ be afuibi nɛ Reechel ya yuri mo tuto Leeban be laŋ to be agbir.

Jɛnesis 31:30

N nyi fo ka shile ŋkpal kenaŋ bɛta n yɔ fo tuto pe be asheŋ ka pere fo kenishi ga so so, ama manɛ e ba nɛ fo naa yuri ma agbir malɛ a shile?”

Jɛnesis 31:32

Ama anyi to be ekama kutɔ nɛ fo wu fo agbir na, amodoŋwura maŋ daga e ka ji efute. Keni ma asɔ ere kikɛ to ashi an kurgepoana ere kikɛ be anishito ŋ keni fo asɔ ko wɔ amo to a. Nɛ fo kaŋ wu fo kusɔ kama amo to fo ta fo kusɔ.” Jeekɔb daa maŋ nyi fanɛ Reechel e yuri mo tuto be agbir na.

Jɛnesis 31:53

Eebraham nɛ Nahɔɔ nɛ bumo tuto be Ebɔrɛ na e gberge ekama nɛ e maŋ bɛ kɔnɔ naseso ere so kusoe.” Ndoŋ nɛ Jeekɔb yili Ebɔrɛ nɛ mo tuto Aizek daa bunyaŋ na be ketre so m bɔ ntaŋ fanɛ e beeŋ bɛ bumo be kɔnɔ naseso na so.

Jɛnesis 35:4

Jeekɔb ka malga loŋ n loge nɛ b ta bumo be agbirana na kikɛ nɛ bumo be akondeana kikɛ n sa mo nɛ e ta amo m puli Shɛkɛm be kedibigboŋ na ase.

1 Kronikɛls 1:27

nɛ Eebram nɛ e ki Eebraham na.

Aizaaya 51:2

Ma, Ebɔrɛ e lara Eebraham nɛ mbe eche Sɛɛra, nɛ men baa la bumo be kaman to ebi. Jemanɛ nɛ n daŋ tre Eebraham na, nɛ e daa maŋ kɔ ebi, kumo be kaman nɛ n nɛfa mo nseŋ sa mo kaman to ebi damta.

Ezikɛl 16:3

nseŋ kaŋɛ bumo kusɔ nɛ ma, Enyɛnpetale Ebɔrɛ na bee kaŋɛ a laŋɛ Jerusalɛm be kaplɛa so na fanɛ Keenan be kasawule so nɛ b kurge fo nɛ fo tuto la Amɔri be esa nɛ fo nio malɛ la Hiti be esa.

Luuk 3:34

Juda malɛ mo tuto e daa la Jeekɔb nɛ mo alɛ mo tuto daa la Aizek nɛ Aizek malɛ mo tuto daa la Eebraham nɛ mo alɛ mo tuto daa la Tɛɛra, Nahɔɔ pibi.

Ditɛronɔmi 26:5

Kumo be kaman nɛ esa nɛ e bar kakɛ na e kaŋɛ le ashi Enyɛnpe Ebɔrɛ na be anishito, “N nananyɛn daa la esa nɛ e shi Aremiya be efuli so nna. Mo alɛ daa maa kɔ mo kumu so be kowu nseŋ daŋ ta mbe kanaŋ n yɔ Ijipt be efuli so n ya chena ndoŋ. B ka daŋ yɔ ndoŋ nɛ b daa maŋ shi, ama b daŋ m ba ki efuligboŋ nɛ k kɔ eleŋ ga.

Joshuwa 24:15

Ama nɛ kushuŋ Enyɛnpe Ebɔrɛ na maa par menyi bre, kumo ere men lara esa nɛ menyeeŋ baa shuŋ kabre. Nɛ menyeeŋ baa shuŋ agbir nɛ men nananyɛnana daŋ shuŋ Yufreetes be lɔr na be kaba ndoŋ ŋko Amɔriebi nɛ men wɔ bumo be kasawule so ere be agbir nɛ menyeeŋ baa shuŋ, men baa shuŋ! Ma ere nɛ ma laŋ to ebi bre beeŋ shuŋ Enyɛnpe Ebɔrɛ na.”