Joshuwa 24:12 - EBƆRƐ BE KAWƆL

¹² Mannɛ menyi be etokobi nɛ ata nɛ men daŋ ta m pɔɔ bumo so. Kufu nɛ n daŋ ta n wɔtɔ bumo to fanɛ kananɛ n daŋ wora Amɔriebi be bewura anyɔ nɛ b wɔ Jɔɔdan be lɔr na be epeŋilarkpa na.

Joshuwa 24:12 Iomraidhean Croise

Nshɛ 135:11

Loŋ be bewura na be beko e daa la: Amɔri be ewura nɛ baa tre Sihɔn na; nɛ Bashan be ewura nɛ baa tre Ɔg na nɛ Keenan be efuli so be bewuraana.

Nshɛ 80:10

Nɛ kumo be kayul e daŋ m buu abeeana na so nɛ kumo be ayabi malɛ e daŋ m buu sida be ndibigboŋ so.

Nshɛ 80:9

Fo e lɔŋɛ kasawule na so, nɛ kefeelebi na e tiŋ n daŋ; nɛ kumo be nliŋi e nya n luri kasawule to nɛnɛ. Saŋɛ na so k beeŋ purge m buu kasawule na kikɛ so.

Ɛksodɔs 23:28

Meeŋ shin nɛ edundumbɔfo e juŋkpar n ya ju Hivebi nɛ Keenanebi nɛ Hitebi.

Ɛksodɔs 23:31

Meeŋ shin nɛ men be ekar e yili teku peper na n ya fo Filistiebi be teku na nseŋ naŋ yili keshishɛrsawule na so n ya fo Yufreetes be lɔr na to. Meeŋ ta nsawule na so ebi m bɔɔ menyi enɔ nɛ men ju bumo ashi to.

Nɔmbɛs 21:31

Israɛlebi na ka sɔ Amɔriebi be kasawule n chena so na,

Nɔmbɛs 21:32

nɛ Mosis shuŋi benyɛn ko fanɛ b ya keni kananɛ baaŋ wora ŋ kɔ kade nɛ baa tre Jeeza na kena. Kumo be kaman nɛ Israɛlebi na ya kɔ kade na kena n sɔ kumo nɛ ndewurbi nɛ a kulti kumo na, nseŋ ju Amɔriebi nɛ b wɔ ndoŋ na.

Ditɛronɔmi 31:4

Enyɛnpe Ebɔrɛ na gbagba e naaŋ mur basa na, fanɛ kananɛ e pɔɔ Amɔriebi be bewura, Sihɔn nɛ Ɔg so nseŋ mur bumo be efuli na.

Ditɛronɔmi 4:47

nɛ Ewura Ɔg so nna n suge bumo be nsawule. Amɔriebi be bewura anyɔ ere e daa ji kuwura nsawule nɛ a dese Jɔɔdan be lɔr na be epeŋilarkpa be kaba so na nna.

Ditɛronɔmi 7:20

E beeŋ shin nɛ keyeŋiyeŋi e tɔr bumo so nɛ e mur bumo nɛ baaŋ nya n shile n ya ŋana na gba.

Joshuwa 2:10

Ŋkpal manɛ so, an nu kananɛ Enyɛnpe Ebɔrɛ na shin nɛ teku peper na wɔlto saŋɛ nɛ men lar ljipt be efuli so a ba na, nɛ kananɛ men kɔ Sihɔn nɛ Ɔg nɛ b daa ji kuwura Amɔriebi be kasawule nɛ k wɔ Jɔɔdan be epeŋilarkpa na kena m mur bumo nɛ bumo be asɔ kikɛ na be asheŋ.