Joshuwa 24:10 - EBƆRƐ BE KAWƆL

¹⁰ Ama ma alɛ maŋ nu n sa Balaam nseŋ shin nɛ e kilgi n nɛfa menyi nɛ m mɔlga menyi ashi Balak be enɔ to.

Joshuwa 24:10 Iomraidhean Croise

Aizaaya 54:17

Ama kekɔsɔ kama maaŋ tiŋ n wora fo shɛŋ. Fo alɛ beeŋ nya kusɔ ko ŋ kaŋɛ bekama nɛ baaŋ ku fo kɔnɔ. Meeŋ kɔ n sa ma anya nseŋ shin nɛ b kɔ m pɔɔ so.” Enyɛnpe Ebɔrɛ e kaŋɛ na.

Maika 6:5

Ma basa, men baa nyiŋi kusɔ nɛ Mowab be ewura Balak daŋ kre kewora menyi nɛ kusɔ nɛ Biyɔɔ pibinyɛn Balaam daŋ kaŋɛ mo a laŋɛ menyi be kaplɛa so na. Men naŋ nyiŋi asheŋ nɛ e wora saŋɛ nɛ men lar Shitim a yɔ Gilgaal na nseŋ nyiŋi kananɛ ma, Enyɛnpe Ebɔrɛ na mɔlga menyi ale damta.”

Nɔmbɛs 22:35

Nɛ malaika na kaŋɛ: “Fo nɛ Ewura Balak be benimuana ere e baa yɔ, ama ya malga kusɔ nɛ meeŋ kaŋɛ fo na nawule.” Ndoŋ nna nɛ Balaam tu bumo n yɔ.

Ditɛronɔmi 23:5

Ama Enyɛnpe menyi be Ebɔrɛ na daŋ maŋ nu n sa Balaam. Kusɔ nɛ e daŋ wora e la fanɛ e kilgi shoduu na nna ŋ ki nɛfa ŋkpal e ka bee sha menyi so.

Joshuwa 24:11

Men ka dii Jɔɔdan be lɔr na m ba Jɛriko, nɛ Jɛriko be basa na kɔ menyi kena. Loŋ gbagba nɛ Amɔriebi nɛ Pɛrizebi nɛ Keenanebi nɛ Hitebi nɛ Gɛgashebi nɛ Hivebi nɛ Jebusiebi daŋ kɔ menyi. Ama n shin nɛ men kɔ m pɔɔ bumo kikɛ so.