Joshuwa 23:9 - EBƆRƐ BE KAWƆL

⁹ Enyɛnpe Ebɔrɛ na ju basagboŋ lempoana saŋɛ nɛ menyee ba na nna, nɛ bumo be ekama maŋ naŋ tiŋ n tu menyi ŋ kɔ.

Joshuwa 23:9 Iomraidhean Croise

1 Bewura 21:26

Alubi nɛ a maŋ walɛ kekeni nɛ e daŋ wora, ŋkpal e ka daa shuŋ agbir fanɛ kananɛ Amɔriebi nɛ Enyɛnpe Ebɔrɛ daŋ ju dra dra kasawule na so pɔɛŋ nɛ Israɛlebi na ba sɔ kumo na daa shuŋ na so.

2 Kronikɛls 20:7

Fo e la anyi be Ebɔrɛ. Fo basa Israɛlebi na ka koso m ba kasawule ere so na, fo e ju basa nɛ b daa wɔ nfe na nseŋ ta kasawule na n sa fo teri Eebraham be kaman to ebi nɛ k baa la bumo peya mbaanaayɔ.

Ɛksodɔs 23:23

Nɛ ma malaika na e juŋkpar menyi n yɔ Amɔriebi nɛ Hitebi nɛ Pɛrizebi nɛ Keenanebi nɛ Hivebi nɛ Jebusiebi be nsawule so nɛ m mur bumo kikɛ.

Ɛksodɔs 23:30

Amoso, gbrɛgbrɛ nɛ meeŋ baa ju bumo loŋ n ya fo saŋɛ nɛ menyeeŋ wora keshi nseŋ tiŋ n suge kasawule na kikɛ na.

Ashuŋ Shunso 7:45

Kumo be kaman, an nanaana nɛ bumo tutoana daŋ ta wajɛbu na n sa na, daŋ keta kumo, saŋɛ nɛ bumo nɛ Joshuwa daa la na nna n yɔ efuliana nɛ Ebɔrɛ daŋ ju amo to be basa n lɛ nɛ an nanaana sɔ bumo be nsawule na kikɛ so. Ndoŋ nɛ wajɛbu na daŋ ba kaa shir a wɔ hale n ya fo Ewura Deevid be jemanɛ.

Ditɛronɔmi 11:23

Aloŋ nɛ Enyɛnpe Ebɔrɛ na beeŋ chɛ menyi to nɛ men sɔ kasawule na. Efuliana nɛ a wɔ ndoŋ na be basa shibi nsaa kɔ eleŋ a chɔ menyi, ama e beeŋ tintiŋ bumo n lar kasawule na so jemanɛ nɛ menyeeŋ baa kɔ bumo na.

Ditɛronɔmi 7:24

Mo alɛ beeŋ naŋ sa menyi yuku bumo be bewura so nɛ men mɔ bumo nɛ esa maaŋ naa nyiŋi bumo be asheŋ gba kuraa. Esa kama maaŋ tiŋ ŋ kuŋ menyi be kemur bumo akpa.

Joshuwa 1:5

Esa kama malɛ maaŋ tiŋ m pɔɔ fo so fo kebaawɔtɔ to kikɛ. Kananɛ n daa wɔ Mosis be kaman na, loŋ nɛ meeŋ baa wɔ fo alɛ gba be kaman. M maaŋ yige fo ŋko ŋ kplaŋ fo so kikɛ.

Joshuwa 15:14

Ndoŋ nna nɛ Kalɛb ju Anak be kaman to ebi na ashi Hibrɔn be kade to. Bumo e daa la Shishai nɛ Ahiman nɛ Talmai be mbuna na.

Joshuwa 23:5

Enyɛnpe menyi be Ebɔrɛ na gbagba beeŋ shin nɛ b bɛta n shile nɛ e ju bumo saŋɛ nɛ menyee ba na. Menyeeŋ sɔ bumo be kasawule na ŋ ki menyi be kapetɛ fanɛ kananɛ Enyɛnpe Ebɔrɛ na nase kɔnɔ n sa menyi na.

Joshuwa 23:8

Ama men ba ji kashenteŋ a sa Enyɛnpe Ebɔrɛ na fanɛ kananɛ men chɛr a wora na.

Joshuwa 24:18

An ka bee ba kasawule ere so na nɛ Enyɛnpe Ebɔrɛ na ju Amɔriebi nɛ b wɔ kumo so na kikɛ. Amoso anyi alɛ gba beeŋ shuŋ Enyɛnpe na. Mo e la an be Ebɔrɛ.”