Joshuwa 23:7 - EBƆRƐ BE KAWƆL

⁷ Men sa maa ji a tir kasawule na so be basa nɛ b ka a wɔ menyi to na. Men sa maa nase nnɔ bumo be agbir to ŋko a bɔ amo. Men sa maa shuŋ agbir na ŋko a bunyaŋ amo.

Joshuwa 23:7 Iomraidhean Croise

2 Bewura 17:12

B daŋ kini kenu n sa Enyɛnpe Ebɔrɛ nna nsaa shuŋ agbir.

2 Bewura 5:18

Ama mee kule Enyɛnpe Ebɔrɛ nna nɛ e ta ma alubi m paŋ ma saŋkama nɛ n shuŋi n nyɛnpe Siriya be ewura na n yɔ kegbirlambu to n ya bunyaŋ kegbir nɛ baa tre Rimmɔn na.

2 Kronikɛls 7:19

Ama nɛ fanɛ fo ŋko Israɛl be basa ko kini kebɛ ma mbra so nsaa shuŋ efuli pɔtɛana so be agbir,

Nshɛ 16:4

Ama bekama nɛ b shil a bɛ agbirana so na bre be etɔrɔ beeŋ wora keshi ga. M maaŋ tu bumo n lara bumo be agbir na be esarga. Ma alɛ maaŋ bunyaŋ amo.

Ɛksodɔs 20:5

nsaa jɔŋɛ amo ase ŋko a shuŋ amo, ŋkpal manɛ so, ma e la Enyɛnpe Ebɔrɛ men be Ebɔrɛ na. Ma alɛ maa sha kechamana. Ma e naa kpal betuto nɛ benio be alubi so e gberge bumo be mbia kusoe hale n ya fo bumo be kenanafofo nɛ kenana gbiramuli na.

Ɛksodɔs 23:13

Men wora kasonu n sa kusɔ kama nɛ ma, Enyɛnpe Ebɔrɛ kaŋɛ menyi ere kikɛ. Menyi alɛ e sa maŋ kaŋ shuŋ kegbir kama ŋko a ti kegbir kama be ketre.”

Ɛksodɔs 23:33

Men sa maŋ kaŋ shin nɛ b chena men be kasawule so, nɛ mannɛ aloŋ, baaŋ shin nɛ men wora kulubi ŋ gbiti ma, ŋkpal manɛ so menyeeŋ baa shuŋ bumo be agbirana na, nɛ k ki fanɛ kejigbelɛ n sa menyi.”

Aŋasa 4:14

Sa maa yɔ mboŋ nɛ basa lubi bee yɔ, ŋko a koya basa lubi be aworbi.

Jɛremaya 12:16

Jemanɛ ko b daŋ ŋini ma basa kananɛ baa shuŋ kegbir nɛ baa tre Baal na nna. Ama nɛ b shuli so fanɛ ma e la kashenteŋ be Ebɔrɛ na nseŋ shin nɛ ma basa ŋini bumo kananɛ baaŋ baa shuŋ ma bre, meeŋ shin nɛ efuli pɔtɛana ere be basa gba e ki ma basa.

Jɛremaya 5:7

Kumo be kaman nɛ Enyɛnpe Ebɔrɛ bishi le: Manɛ so nɛ meeŋ ta ma basa be alubi m paŋ bumo? B kplaŋ ma so nseŋ lar ma kaman n ya kaa shuŋ agbirana nɛ e maŋ la Ebɔrɛ na. N sa ma basa kusɔ kama kanaŋkamaso nɛ baa sha, ama b kraŋ yige ma nseŋ lar bumo be beche be mman n ya kaa wɔ esakaleche kutɔ.

Hoziya 2:17

Ma alɛ beeŋ lara kegbir nɛ baa tre Baal na be ketre ashi men be nnɔ to nɛ men maaŋ naŋ shu n tre kumo kikɛ.

Zefanaiya 1:5

Ma alɛ beeŋ mur bekama nɛ baa dii achoŋi so n ya kaa jɔŋɛ epeŋi nɛ kufɔl nɛ achɛkpabi ase a bunyaŋ amo na. Kumo be kaman nɛ n mur bekama nɛ baa bunyaŋ ma a kaŋɛ fanɛ ma e wɔ bumo, ama nsaa ta kegbir nɛ baa tre Mɔlɛk na be ketre a bɔ ntaŋ na gba.

Nɔmbɛs 32:38

nɛ Sibma nɛ nde nɛ b daa tre Nebo nɛ Baal Miɔn na. B daŋ nase nde nɛ b pɔr egbal ŋ kulti na atre popɔr nna.

Nɔmbɛs 33:55

Ama nɛ men baa maŋ ju basa nɛ b wɔ kasawule na so bre, baaŋ ki fanɛ ndubi a chute men be anishito ŋko ewi men be nle to a jɔ menyi. Baaŋ sa menyi tɔrɔ damta kasawule na so.

1 Kɔrintebi 15:33

Men sa maŋ kaŋ fule men be amu. Beteri lubi e naa jija da lela.

Ɛfesesebi 5:11

Men shin nɛ men be asheŋ e sa maa wɔ tentembiri be chilchil be asheŋ woraso to, ama men baa lara loŋ be asheŋ na efuli.

Ditɛronɔmi 10:20

Kumo be kaman, men baa sa Enyɛnpe menyi be Ebɔrɛ na bunyaŋ nsaa shuŋ mo nawule. Men baa ji kashenteŋ a sa mo nsaa nase nnɔ ashi mo nawule be ketre to.

Ditɛronɔmi 6:13

Amoso men baa bunyaŋ Enyɛnpe menyi be Ebɔrɛ na nsaa shuŋ mo nawule nseŋ naa nase nnɔ mo nawule be ketre to.

Ditɛronɔmi 6:14

Men sa maŋ kaa shuŋ basa nɛ b kulti menyi na be agbirana kikɛ.

Joshuwa 23:12

Men baŋ pal kaman n sa mo nseŋ tu basa nɛ b ka a wɔ menyi to na a wora asheŋ nsaa ta abar be beche bre,

Joshuwa 23:8

Ama men ba ji kashenteŋ a sa Enyɛnpe Ebɔrɛ na fanɛ kananɛ men chɛr a wora na.