Joshuwa 23:1 - EBƆRƐ BE KAWƆL

¹ Enyɛnpe Ebɔrɛ na daŋ sa Israɛlebi na ewushi nfɛ damta nna ashi bumo doŋana kutɔ. Joshuwa malɛ daŋ bel ga nna.

Joshuwa 23:1 Iomraidhean Croise

Jɛnesis 25:8

Nfɛ kalfa nɛ adushunu nɛ anu nɛ Eebraham daŋ ji kasawule ere so.

1 Bewura 1:1

Ewura Deevid daŋ bel ga nna, amoso b ka ta ata m buu mo so gba nɛ awo kraa luri mo to nna.

1 Kronikɛls 23:25

Ŋkpal manɛ so Deevid yɛ, Enyɛnpe Israɛl be Ebɔrɛ na sa mbe basa kagbenewushi, mo alɛ Ebɔrɛ na beeŋ baa wɔ Jerusalɛm mbaanaayɔ.

1 Kronikɛls 27:1

Kufɔl kikɛ benyɛn ŋgboŋ adunyɔ nɛ ana nɛ b daa lara nɛ baa shuŋ fanɛ benapo ashi Israɛl be efuli so. Kanaŋ to be bejuŋkparpoana nɛ benapo be benimu nɛ ewura be beyaasepo gba daŋ ti loŋ be basa na so a shuŋ.

2 Kronikɛls 14:1

Ewura Abija ka wu, kakpa nɛ baa puli bewura na nɛ b ta mo n ya puli ashi Jerusalɛm nɛ baa tre ewura Deevid be kade to na. Mo pibinyɛn Asa e daŋ sɔ mo so n ji kuwura. Asa be jemanɛ to, efuli na kikɛ daŋ nya kagbenewushi nfɛ kudu kikɛ nna.

2 Kronikɛls 14:5

Ŋkpal e ka bure agbirana nɛ ebɔrɛsureana nɛ baa chɔɔ duwu amo so ashi Juda be nde kikɛ to na so, mbe kuwurji be jemanɛ daa kɔ kagbenewushi nna.

2 Kronikɛls 20:30

Amoso Jehoshafat daŋ ji mbe kuwura kagbenewushiso nna nɛ Ebɔrɛ daŋ kuŋ mo ekpa kama so.

Nshɛ 46:9

E shin nɛ kena loge durnya to. E buri benapo be atanyembi nɛ akpa to nseŋ chɔɔ bumo be asɔ kuŋso kikɛ.

Aizaaya 63:14

Kananɛ baa kpa ana a yɔ keplasawule so nɛ a bee nya a wushi na aloŋ nɛ Enyɛnpe Ebɔrɛ na be Kiyoyu sa bumo ewushi. E daŋ juŋkpar mbe basa nna nɛ mbe ketre bɔla bumo so n nya kemaŋkura.

Ditɛronɔmi 31:2

“Nfɛ kalfa nɛ adunyɔ nɛ n ji durnya to. Ma alɛ maŋ naa kɔ eleŋ nseŋ kraa juŋkpar menyi. Kumo be kaman, Enyɛnpe Ebɔrɛ na malɛ gba kaŋɛ ma fanɛ m maaŋ dii n yɔ Jɔɔdan be lɔr na be kaba ndoŋ.

Joshuwa 11:23

Joshuwa daŋ sɔ kasawule na kikɛ nna fanɛ kananɛ Enyɛnpe Ebɔrɛ daŋ kaŋɛ Mosis na, nseŋ barga kumo to n sa Israɛlebi na yiri yiri so nɛ k ki bumo be kapetɛ. Yili kumo be saŋɛ na so nɛ b wushi gbrɛbi ashi kena be kekɔ to.

Joshuwa 13:1

Joshuwa ka bel na nɛ Enyɛnpe Ebɔrɛ kaŋɛ mo le: “Naniere bre fo bel ga, ama kasawule damta kraa wɔtɔ nɛ men sɔ.

Joshuwa 21:44

Enyɛnpe Ebɔrɛ daŋ sa bumo kagbenewushi nna ashi efuli na kikɛ so, fanɛ kananɛ e nase kɔnɔ n sa bumo nananyɛnana na. Bumo doŋana be ekama daa maŋ tiŋ m pɔɔ bumo so, ŋkpal manɛ so, Enyɛnpe Ebɔrɛ daŋ sa Israɛlebi na eleŋ nna nɛ b kɔ m pɔɔ bumo doŋana kikɛ so.

Joshuwa 22:4

Naniere Enyɛnpe menyi be Ebɔrɛ na ka sa men niopibiana Israɛlebi kagbenewushi fanɛ kananɛ e nase kɔnɔ na ere, men bɛta n yɔ menyi be kasawule nɛ k wɔ Jɔɔdan be lɔr na be epeŋilarkpa be kaba so nɛ Enyɛnpe Ebɔrɛ be kayɛrbi Mosis ta n sa menyi na so.

1 Samuɛl 12:2

Men gbagba ere wu kananɛ n juŋkpar menyi saŋɛ so nɛ n la kabrantiɛ na kikɛ. Naniere bre m bel nɛ ma emin malɛ gba fuli. Ma mbinyɛnsobi gba ki benimu. Naniere k daga men ka keni kananɛ menyi be ewura na beeŋ ba keni menyi so.