Joshuwa 22:6 - EBƆRƐ BE KAWƆL

^6-8 Kumo be kaman nɛ Joshuwa nɛfa bumo nseŋ ta le kubɔya n sa bumo fanɛ b yɔ epe: “Menyee bɛta a yɔ epe nɛ kedamaya nɛ asɔbɔya nɛ gbiti nɛ shuwa nɛ ntishaŋ peper nɛ abɛlso nɛ asɔbuuso damta. Men ya sa men braana asɔ nɛ men sɔ men doŋana kutɔ na be ako.” Nɛ b lar n yɔ. Mosis e daŋ sa Manase be yiri to ebi be bargato kasawule ashi Jɔɔdan be lɔr na be epeŋilarkpa nɛ Joshuwa malɛ sa yiri na be bargato nɛ k ka na nɛ eyiri nɛ a ti so na kasawule ashi Jɔɔdan be lɔr na be epeŋitɔrkpa be kaba so.

Joshuwa 22:6 Iomraidhean Croise

Jɛnesis 14:19

nseŋ nɛfa mo ŋ kaŋɛ: “Ebɔrɛ Ewurgboŋ nɛ e to esoso nɛ kasawule na e nɛfa fo Eebram.

Jɛnesis 47:10

Kamalga na be kaman nɛ Jeekɔb naŋ nɛfa ewura Fɛɛro nseŋ lar mo kutɔ.

Jɛnesis 47:7

Kumo be kaman nɛ Josɛf keta mo tuto Jeekɔb m ba ŋini ewura Fɛɛro, nɛ Jeekɔb nɛfa Fɛɛro.

2 Samuɛl 6:18

E ka lara esarga na n loge nɛ e nɛfa basa na ashi Enyɛnpetale Ebɔrɛ na be ketre to.

2 Samuɛl 6:19

Kumo be kaman nɛ e chige bumo kikɛ ajibi. E daŋ sa benyɛn nɛ beche nɛ b wɔ Israɛl na kikɛ ebodobodo nɛ eblaŋ tɔso nɛ asɔrso jiso nɛ ekama ta n yɔ laŋ to.

2 Samuɛl 6:20

B ka loge nɛ Deevid bee ba laŋ to nɛ e ba chɔrɔ mbe kanaŋ, nɛ Sɔɔl pibiche Mikaal shɛr Deevid to ŋ kaŋɛ mo le: “Kabre Israɛl malɛ be ewura nase ketande bre! Mbe beyaasepo be mbita be anishito nɛ e delgeso fanɛ ewulpo!”

1 Bewura 8:66

Kumo be kachɛ burwasopo na, nɛ ewura Sɔlɔmɔn shin nɛ basa na kikɛ yɔ bumo peana. Nɛ bumo be ŋgbeneana fuli bumo ga ŋkpal kananɛ Enyɛnpe Ebɔrɛ daŋ nɛfa mbe basa Israɛlebi, nɛ mbe kayɛrbi ewura Deevid na so.

2 Kronikɛls 30:18

Amo nɛ amo kikɛ basa na be bedamta nɛ b shi Efrayim nɛ Manase nɛ Isaaka nɛ Zɛbyulɔn be eyiri to na daa maŋ fɔr bumo be amu so daŋkare be ekpa so nseŋ ji kebansonchoŋ be kejigboŋ na ekpa nɛ k maŋ daga so. Ndoŋ nna nɛ ewura Hɛzekaya kule le be kabɔrɛkule ere n sa bumo.

Ɛksodɔs 39:43

Mosis ka keni asɔ nɛ basa na lɔŋɛ na kikɛ n loge na nɛ e wu fanɛ b wora kushuŋ na kananɛ Enyɛnpe Ebɔrɛ daŋ kaŋɛ na gbagba chap. Ndoŋ nna nɛ Mosis nɛfa bumo.

Luuk 2:34

Amo be kaman nɛ Simiɔn nɛfa bumo nseŋ kaŋɛ kebia na mo nio Mɛɛri: “Ebɔrɛ e lara kebia ere nɛ e shin nɛ Israɛlebi be bedamta e foe Ebɔrɛ be ekpa so nɛ bedamta malɛ e pin Ebɔrɛ be ekpa na. E beeŋ ba kaa la Ebɔrɛ be tɔɔnɛ nɛ basa damta e malga ŋ gbiti mo,

Luuk 24:50

Ndoŋ nna nɛ e juŋkpar bumo n lar n yɔ hale Bɛtani n ya maŋ mbe enɔana so n nɛfa bumo.

Joshuwa 14:13

Ndoŋ nna nɛ Joshuwa nɛfa Jefune pibi Kalɛb nseŋ ta Hibrɔn be kade na n sa mo fanɛ mbe kapetɛ.

Joshuwa 24:28

Kumo be kaman nɛ Joshuwa shin nɛ basa na kikɛ bɛta n yɔ bumo be nsawule so.

1 Samuɛl 10:25

Nɛ Samuɛl bugi asheŋ to n sa bumo a yɔ kuwurji be kaplɛa so, nseŋ sibɛ kumo be mbra n nase kawɔl to n ya nase bɔrɛlambu to. Kumo be kaman nɛ e shin nɛ ekama yɔ epe.

1 Samuɛl 13:2

Kachako nɛ Sɔɔl lara Israɛl be benyɛn ŋgboŋ asa nɛ b ki mbe benapo. Benapo na be ŋgboŋ anyɔ daa wɔ mo kutɔ nna ashi abee nɛ a kulti Mikmash nɛ Bɛtɛl na, nɛ kagboŋ koŋwule malɛ daa wɔ Jonatan kutɔ ashi Gibia nɛ k wɔ Bɛnjamin be efuli so na, nɛ e shin bumo nɛ b ka na yɔ epe.

1 Samuɛl 2:20

Nɛ Eli e nɛfa Ɛlkana nɛ mbe eche Haana nseŋ kaŋɛ le: “Enyɛnpe Ebɔrɛ e kraŋ bɔla kache ere so n shin nɛ fo kurge mbia n ti so, saŋɛ na so baaŋ tal emo nɛ fo ta n sa mo ere to.” Kumo be kaman nɛ b bɛta n yɔ epe.