Joshuwa 22:4 - EBƆRƐ BE KAWƆL

⁴ Naniere Enyɛnpe menyi be Ebɔrɛ na ka sa men niopibiana Israɛlebi kagbenewushi fanɛ kananɛ e nase kɔnɔ na ere, men bɛta n yɔ menyi be kasawule nɛ k wɔ Jɔɔdan be lɔr na be epeŋilarkpa be kaba so nɛ Enyɛnpe Ebɔrɛ be kayɛrbi Mosis ta n sa menyi na so.

Joshuwa 22:4 Iomraidhean Croise

1 Kronikɛls 22:18

E yɛ: “Enyɛnpe men be Ebɔrɛ na e chɛ menyi to nseŋ sa menyi kagbenewushi ekpa kama so. E chɛ ma to nɛ ŋ kɔ m pɔɔ basa nɛ b daa wɔ kasawule na so nseŋ shin nɛ baa shuŋ ma nɛ Enyɛnpe Ebɔrɛ na.

Ɛksodɔs 33:14

Ndoŋ nna nɛ Enyɛnpe Ebɔrɛ kaŋɛ: “Meeŋ tu fo n yɔ, nɛ fo kagbene e wushi.”

Nɔmbɛs 32:18

Anyi maaŋ bɛta n yɔ epe ama Israɛlebi na kikɛ baaŋ sɔ kasawule nɛ b ta n sa bumo na nna n chena so pɔɛŋ.

Ditɛronɔmi 12:9

ŋkpal manɛ so, menyi maŋ naŋ luri kasawule nɛ Enyɛnpe menyi be Ebɔrɛ na ta a sa menyi nɛ men chena so kayurwushi so na to.

Ditɛronɔmi 29:8

nseŋ daŋ sɔ bumo be nsawule m barga to n sa Ruben nɛ Gad be yiri to ebi nɛ Manase be yiri be bargato ebi.

Ditɛronɔmi 3:20

Enyɛnpe Ebɔrɛ na beeŋ chɛ bumo alɛ gba to nɛ b kɔ m pɔɔ bedoŋ be efuliana nɛ a wɔ Jɔɔdan be epeŋitɔrkpa be kaba so na so nseŋ suge bumo be nsawule n chena so. Kumo be kaman, nɛ men bɛta m ba kasawule nɛ n chige sa menyi ere so.”

Hibruwebi 4:8

Kede e naa ŋini fanɛ nɛ Joshuwa daŋ shin nɛ b luri kewushi na to nna, Ebɔrɛ daa maaŋ naŋ malga kachako malɛ be asheŋ.

Joshuwa 1:15

n ya fo saŋkama nɛ Enyɛnpe na beeŋ sa bumo alɛ gba ewushi fanɛ kananɛ e sa menyi na. Kumo be kaman pɔɛŋ nɛ men bɛta n ya chena men be kasawule nɛ Enyɛnpe Ebɔrɛ be kayɛrbi Mosis ta n sa menyi ashi Jɔɔdan be lɔr na be epeŋilarkpa na.”

Joshuwa 12:6

Mosis nɛ Israɛlebi na daŋ kɔ nna m pɔɔ le be bewura anyɔ ere so, nɛ Enyɛnpe Ebɔrɛ be kayɛrbi Mosis barga bumo kasawule to n sa Ruben nɛ Gad be eyiri na nɛ Manase be yiri be bargato fanɛ k ki bumo be kapetɛ.

Joshuwa 13:15

Mosis daŋ barga kasawule na be kaba nna n sa Ruben be yiri to ebi fanɛ k ba la bumo be kapetɛ.

Joshuwa 13:8

Enyɛnpe Ebɔrɛ be kayɛrbi Mosis teŋ sa Ruben nɛ Gad be eyiri nɛ Manase be yiri to be basa ko bre kasawule nɛ k wɔ Jɔɔdan be lɔr na be epeŋilarkpa na.

Joshuwa 22:3

Men maŋ kini kechɛ men niopibiana Israɛlebi to. Kusɔ kama malɛ nɛ Enyɛnpe menyi be Ebɔrɛ na kaŋɛ menyi, menyi bɛ kumo kikɛ so.