Joshuwa 22:10 - EBƆRƐ BE KAWƆL

¹⁰ Ruben nɛ Gad be eyiri nɛ Manase be epeŋilarkpa be kaba so be yiri na ka ba Gelilɔf ashi Jɔɔdan be lɔr na be epeŋitɔrkpa be kaba so na nɛ b pɔr bɔrɛsure gboŋgboŋi ko Jɔɔdan be lɔr na ase.

Joshuwa 22:10 Iomraidhean Croise

Jɛnesis 12:7

Ndoŋ nɛ Enyɛnpe na lar Eebram so ŋ kaŋɛ mo: “Meeŋ ta kasawule ere n sa fo kanaŋ to ebi.” Kumo be kaman nɛ Eebram yuu bɔrɛsure ndoŋ n lara sarga n sa Enyɛnpe Ebɔrɛ nɛ e lar mo so ndoŋ na.

Jɛnesis 12:8

Kumo be kaman nɛ e yɔ abee nɛ a wɔ Bɛtɛl be epeŋipetekpa be kaba so na n ya yuu mbe ewajɛbu Bɛtɛl nɛ Ai be kefɛato. Ndoŋ nɛ Eebram naŋ yuu bɔrɛsure m bunyaŋ Enyɛnpe na pɔɛŋ

Jɛnesis 28:18

Kare ka chɛ chipurdidi nɛ Jeekɔb ta kejembu nɛ e daŋ ŋele na n yuu fanɛ kanyiŋi be kejembu na nseŋ duga ŋku n wurge kumo be kumu so.

Aizaaya 19:19

Kumo be kaman nɛ basa na e pɔr bɔrɛsure n sa Enyɛnpe Ebɔrɛ na ashi Ijipt be kasawule so nseŋ naŋ yuu kanyiŋi be ajembu ashi Ijipt nɛ efuli pɔtɛana be egbaŋ to n sa mo.

Joshuwa 22:11

Israɛlebi nɛ b ka na ka nu fanɛ b pɔr bɔrɛsure gboŋgboŋi ko Keenan be kasawule so ashi Gelilɔf nɛ k wɔ Jɔɔdan be lɔr be kaba ndoŋ na,

Joshuwa 22:9

Ndoŋ nna nɛ basa nɛ b shi Ruben nɛ Gad be yiri to na nɛ Manase be yiri nɛ k wɔ epeŋilarkpa be kaba so na bɛta n yɔ bumo pe ana. B daŋ yige Israɛlebi be basa nɛ b ka na nna ashi Shilo nɛ k wɔ Keenan na nseŋ bɛta n yɔ bumo gbagba be kasawule so ashi Giliad nɛ b kɔ n sɔ fanɛ kananɛ Enyɛnpe Ebɔrɛ bɔla Mosis so ŋ kaŋɛ bumo kenishipereso na.