Joshuwa 21:41 - EBƆRƐ BE KAWƆL

^41-42 Nde adena nɛ aburwa nɛ amo be asɔbɔya be ejikpa be nsawule nɛ b sa Livaiebi na ashi Israɛlebi be nsawule so.

Joshuwa 21:41 Iomraidhean Croise

Jɛnesis 49:7

Kɔnɔsho e baa wɔ bumo be agbo so, ŋkpal k ka lubi ga so so. Bumo be agbo lubi ga. Kɔnɔsho koŋwule na e baa wɔ bumo be kediewu so, ŋkpal manɛ so, b maŋ kɔ kushuso kuraa. Meeŋ shin nɛ b pesaŋ to n sɔ Israɛl be efuli so be basa kikɛ to nyam.

1 Kronikɛls 6:64

Kananɛ Israɛlebi na daŋ sa Livaiebi na nde nɛ asɔbɔya be ejikpa be nsawule nɛ a kulti ndoŋ nna na.

Ditɛronɔmi 33:10

Bumo e naaŋ ŋini fo basa fo mbra nɛ b bɛ amo so. Bumo alɛ e naaŋ baa lara esarga fo bɔrɛsure so.

Joshuwa 21:3

Amoso kananɛ Enyɛnpe Ebɔrɛ kaŋɛ na gbagba nɛ Israɛlebi na ta bumo be nde ko nɛ asɔbɔya be ejikpa be nsawule ashi bumo mpetɛ to n sa Livaiebi na.

Joshuwa 21:40

Amoso nde nɛ Mɛrari be kabuna ebi daŋ nya kikɛ daa la ndegboŋ kudu anyɔ nna.