Joshuwa 21:1 - EBƆRƐ BE KAWƆL

¹ Livaiebi be yiri to ebi be benimuana yɔ bɔrɛmatapo Eliaza nɛ Nun pibi Joshuwa nɛ Israɛl be yiri yiriana be benimuana kutɔ,

Joshuwa 21:1 Iomraidhean Croise

Jɛnesis 49:7

Kɔnɔsho e baa wɔ bumo be agbo so, ŋkpal k ka lubi ga so so. Bumo be agbo lubi ga. Kɔnɔsho koŋwule na e baa wɔ bumo be kediewu so, ŋkpal manɛ so, b maŋ kɔ kushuso kuraa. Meeŋ shin nɛ b pesaŋ to n sɔ Israɛl be efuli so be basa kikɛ to nyam.

Ɛksodɔs 6:14

Ruben nɛ e daa la Jeekɔb pibinyɛn wurkoŋ na be mbinyɛnsoana be atre e daa la Hanɔk nɛ Pallu nɛ Hesron nɛ Karmi. Bumo e ki Ruben be kanaŋ be mbunana na.

Ɛksodɔs 6:25

Ndoŋ nna nɛ Ɛɛrɔn pibinyɛn Eleazar malɛ ta Putiɛl pibiche ko ŋ ki mbe eche nɛ mo nɛ mo kurge Finihas. To, bumo e daa la Livai be kanaŋ to be mbuna be benimu.

Nɔmbɛs 35:1

Saŋɛ so nɛ Israɛlebi na wora bumo be nyi to ashi Mowab be kepla nɛ k mata Jɔɔdan be lɔr nɛ Jɛriko wɔ kumo be kaba ndoŋ na, nɛ Enyɛnpe Ebɔrɛ kaŋɛ Mosis le:

Nɔmbɛs 35:8

Israɛlebi be eyiriana na be kekama bee yili kananɛ bumo be kasawule sa so nna a sa Livaiebi na nde. Eyiri nɛ bumo be nsawule shishi na e naaŋ sa nde damta a chɔ bumo nɛ bumo be nsawule maŋ shishi na.”

Joshuwa 14:1

Kananɛ b daŋ barga Keenan be kasawule nɛ k wɔ Jɔɔdan be epeŋitɔrkpa na n sa Israɛlebi na nde: Bɔrɛmatapowura Eliaza nɛ Nun pibi Joshuwa, nɛ Israɛl be kanaŋ na to be eyiriana be benimu e daŋ barga kumo to n sa basa na kikɛ.

Joshuwa 17:4

Bumo e daŋ yɔ bɔrɛmatapo Eliaza nɛ Nun pibi Joshuwa nɛ benimuana na kutɔ n ya kaŋɛ bumo le: “Enyɛnpe Ebɔrɛ daŋ kaŋɛ Mosis nna fanɛ e sa anyi nɛ an siponyɛnana kasawule na be kaba nɛ k ba la anyeya.” Amoso Joshuwa daŋ sa bumo nɛ bumo siponyɛnana kasawule nna fanɛ kananɛ Enyɛnpe Ebɔrɛ baŋ ŋini na gbagba chap.

Joshuwa 19:51

Bɔrɛmatapowura Eliaza nɛ Nun pibi Joshuwa, nɛ Israɛl be kanaŋ na to be eyiriana be benimu e daŋ to beri Enyɛnpe Ebɔrɛ be nshɛr be wajɛbu na be kabunato Enyɛnpe na be anishito ashi Shilo m barga kasawule na to n sa basa na kikɛ. Loŋ nɛ b wora m barga kasawule na to.