Joshuwa 20:9 - EBƆRƐ BE KAWƆL

⁹ Le be nde ere e daa la kesɔnyige be nde nɛ b lara n sa Israɛlebi kikɛ nɛ befɔ nɛ b chena bumo to na. Esa kama nɛ e maŋ kute m mɔ esa beeŋ tiŋ n shile n yɔ nde ere to n ya nya kekuŋ ashi esa nɛ e bee fin kemɔ mo m bishi kuwule nɛ b maŋ naŋ ji mo demu ashi jimaŋ be anishito na kutɔ.

Joshuwa 20:9 Iomraidhean Croise

Nɔmbɛs 35:13

Nde ashe nɛ a beeŋ baa la kesɔnyige be nde ere be

Nɔmbɛs 35:15

Le be nde ere e naaŋ baa la kesɔnyige be nde n sa Israɛlebi na nɛ befɔ nɛ bekama nɛ b chena menyi to na. Ekama nɛ e maŋ kute n mɔ esa beeŋ tiŋ n shile n ya ŋana ndoŋ.

Joshuwa 20:4

Loŋ be esa na beeŋ tiŋ n shile n yɔ kesɔnyige be nde na be kuko to n ya luri kumo be kabunagboŋ na be kakpa nɛ baa shɛr a ji demu na m bugi to ŋ kaŋɛ bejuŋkparpoana na kusɔ nɛ k wora. Saŋɛ na so, baaŋ shin nɛ e luri kade na to nɛ b sa mo kakpa nɛ e beeŋ baa wɔ nɛ e tu bumo n chena.

Joshuwa 20:6

K daga fanɛ e chena kade na to n ya fo saŋɛ nɛ baaŋ ji mo demu jimaŋ be anishito ŋko saŋɛ nɛ esa nɛ e la bɔrɛmatapo nimuso loŋ be saŋɛ na beeŋ wu. Kumo kaman pɔɛŋ nɛ e beeŋ tiŋ m bɛta n yɔ kade nɛ e daŋ shile kumo to na.”

Joshuwa 20:8

Jɔɔdan be lɔr na be epeŋilarkpa be kaba so ashi keshishɛrsawule na so na malɛ b daŋ lara Beza nɛ k wɔ Ruben be kasawule so na nɛ Ramɔf nɛ k wɔ Giliad ashi Gad be kasawule so na nɛ Golan nɛ k wɔ Bashan ashi Manase be kasawule so na.