Joshuwa 20:8 - EBƆRƐ BE KAWƆL

⁸ Jɔɔdan be lɔr na be epeŋilarkpa be kaba so ashi keshishɛrsawule na so na malɛ b daŋ lara Beza nɛ k wɔ Ruben be kasawule so na nɛ Ramɔf nɛ k wɔ Giliad ashi Gad be kasawule so na nɛ Golan nɛ k wɔ Bashan ashi Manase be kasawule so na.

Joshuwa 20:8 Iomraidhean Croise

1 Bewura 22:6

Ndoŋ nna nɛ ewura Ahab tre anebiana alfa ana, m bishi bumo le: “N ya kɔ Ramɔfebi kena ŋko n sa maŋ yɔ?” Nɛ bumo alɛ kaŋɛ le: “Ya kɔ kumo, ŋkpal manɛ so Enyɛnpe Ebɔrɛ na beeŋ shin nɛ fo kɔ n sɔ kumo.”

2 Bewura 8:28

E daŋ bɛ bumo be kasotoji so nna n tu Israɛl be ewura Joram n ya kɔ Siriya be ewura Haziɛl kena. Ramɔf nɛ k wɔ Giliad na nɛ b daŋ tu abar ŋ kɔ kena na nseŋ doro ewura Joram ashi kena na to.

1 Kronikɛls 6:78

B daŋ naŋ nya nde ana ashi Ruben be yiri na kutɔ ashi Jɔɔdan be Lɔr na be epeŋilarkpa be kaba so a mata Jɛriko. Nde na e la Bɛza nɛ k wɔ kebeesawule so na nɛ Jaaza

1 Kronikɛls 6:80

Nde nɛ Mɛrariebi na daŋ nya ashi Gad malɛ be yiri na to e daa la Ramɔf nɛ k wɔ Galiad na nɛ Mahanaim

Ditɛronɔmi 3:10

Ewura Ɔg be nde nɛ a wɔ kepreŋsawule so na kikɛ nɛ amo nɛ a wɔ Giliad nɛ Bashan be efuli so kikɛ hale n ya fo nde nɛ a wɔ nde nɛ baa tre Saleka nɛ Edrei na be epeŋilarkpa be kaba so na kikɛ nɛ an daŋ kɔ n suge.”

Ditɛronɔmi 4:43

Kade nɛ baa tre Bɛza nɛ k wɔ keshishɛrsawule be kepreŋ so na nɛ e daŋ lara n yili n sa Ruben be yiri to ebi, nseŋ lara kumo nɛ baa tre Ramɔf nɛ k wɔ Giliad be kasawule so na n yili n sa Gad be yiri to ebi, nseŋ naŋ lara kade nɛ baa tre Golan nɛ k wɔ Bashan be kasawule so na n yili n sa Manase be yiri to ebi.

Joshuwa 20:7

Amoso nde nɛ b lara ashi Jɔɔdan be lɔr na be epeŋitɔrkpa e daa la Kadɛsh nɛ k wɔ Galili ashi Naftali be abee be efuli so na nɛ Shɛkɛm nɛ kumo alɛ wɔ Efrayim be abee be efuli so na, nɛ Hibrɔn nɛ k wɔ Juda be abee be efuli so na.

Joshuwa 20:9

Le be nde ere e daa la kesɔnyige be nde nɛ b lara n sa Israɛlebi kikɛ nɛ befɔ nɛ b chena bumo to na. Esa kama nɛ e maŋ kute m mɔ esa beeŋ tiŋ n shile n yɔ nde ere to n ya nya kekuŋ ashi esa nɛ e bee fin kemɔ mo m bishi kuwule nɛ b maŋ naŋ ji mo demu ashi jimaŋ be anishito na kutɔ.

Joshuwa 21:27

Manase be yiri to ebi be bargato nɛ b wɔ epeŋilarkpa be kaba so na be ndegboŋ anyɔ nɛ b daŋ ta n sa Gɛshɔn be kabuna ebi nɛ b shi Livai be yiri to e la Golan nɛ k la kesɔnyige be nde na be kuko ashi Bashan na, nɛ Bɛshtera nɛ amo be asɔbɔya be ejikpa be nsawule.

Joshuwa 21:36

Ruben be yiri to ebi be kasawule so malɛ be ndegboŋ ana nɛ b daŋ nya e daa la: Beza nɛ Jehaz nɛ

Joshuwa 21:38

Nde nɛ b daŋ nya ashi Gad be yiri to ebi be kasawule so malɛ daa la nde ana nna. Amo e la Ramɔf nɛ k la kesɔnyige be nde na be kuko ashi Giliad na nɛ Mahanaim