Joshuwa 2:9 - EBƆRƐ BE KAWƆL

⁹ “M baa nyi geeŋ fanɛ Enyɛnpe Ebɔrɛ na ta kasawule ere nna n sa menyi nɛ kumo be loŋ e shin nɛ kufu nɛ keyeŋiyeŋi e tɔr ekama nɛ e wɔ efuli ere so so.

Joshuwa 2:9 Iomraidhean Croise

Jɛnesis 35:5

Jeekɔb nɛ mbe kanaŋ ka lar Shɛkɛm a yɔ nɛ Ebɔrɛ shin nɛ kufu pɛ nde nɛ b bɔla amo ase a choŋ na be basa. Amoso b daŋ maŋ tiŋ n wora Jeekɔb nɛ mbe basa shɛŋ.

2 Samuɛl 17:10

nɛ benapo kama nɛ b kɔ kenyɛn fanɛ ebuluŋ gba e fara a lɔ kufu, ŋkpal manɛ so Israɛl ebi kikɛ nyi fo tuto ka la enapogboŋ nɛ mbe basa malɛ bee kɔ kena ga.

2 Bewura 5:15

Kede be kaman nɛ Neeman nɛ basa nɛ mo nɛ bumo daŋ yɔ ndoŋ na kikɛ bɛta m ba anebi Elaisha kutɔ nɛ Neeman kaŋɛ le: “Naniere nɛ m pin fanɛ Ebɔrɛ kikɛ maŋ naa wɔtɔ ama Israɛl be Ebɔrɛ ere nawule. Amoso jande, sɔ ma kakɛ ere.”

Nehemaya 6:16

Anyi doŋana nɛ b wɔ efuli pɔtɛ so na ka nu loŋ nɛ kufu pɛ bumo, ŋkpal ekama na ka pin fanɛ Ebɔrɛ be kechɛto so nɛ kushuŋ na tiŋ n loge.

Ɛsta 8:17

Efuli kama nɛ kade kama to nɛ ewura na be mbra na yɔ, Juwebi nɛ b wɔ ndoŋ be ŋgbene bee fuli bumo nna ga nɛ baa ji eyur nsaa wora kejigboŋ. Ŋkpal loŋ so basa damta daŋ ta bumo be amu nna ŋ ki Juwebi ŋkpal b ka bee ŋana Juwebi na so so.

Job be kawɔl 19:25

N nyi ma emɔlgapo Ebɔrɛ na ka wɔ ebɔrɛso, nɛ asheŋ ere kikɛ be lalaloge e beeŋ gbelge m ba durnya to m ba mɔlga ma.

Nshɛ 112:10

Basa lubi baŋ wu basa nɛ b kɔ le be kebaawɔtɔ ere, baa nya agbo nna a we anyi to yurkishi so nseŋ foe eyur to. B maaŋ nya bumo be kepar kikɛ.

Nshɛ 115:16

Ebɔrɛso la Enyɛnpe Ebɔrɛ na nawule peya nna, ama e ta kasawule nna n sa anyi edimɛdi.

Ɛksodɔs 18:11

Ijiptebi na fɛl menyi Israɛlebi n chɛr. Naniere nɛ m pin fanɛ Enyɛnpe Ebɔrɛ kɔ eleŋ a chɔ agbirana kikɛ, ŋkpal kusɔ nɛ e wora basa na so.”

Ɛksodɔs 23:27

Meeŋ shin nɛ kufu nɛ keyeŋiyeŋi e tɔr basa nɛ menyee tu na so. Meeŋ shin nɛ men doŋana e kilgi n shile menyi.

Kaŋinichiŋgeliŋ 8:12

Kumukpakpasowura beeŋ tiŋ n wora alubi kalfa nseŋ kraŋ ji efute n chɛr, ama n nyi fanɛ asheŋ beeŋ nite nɛnɛ n sa esa nɛ e bee ŋana Ebɔrɛ nsaa wora mo kasonu na.

Aizaaya 19:1

Kubɔya nɛ k wɔtɔ a laŋɛ Ijipt be efuli be kaplɛa so nde. Enyɛnpe Ebɔrɛ na bɔla kuwɔlpa so nna a ba Ijipt be efuli so manaŋ manaŋ. Kufu pɛ Ijipt be agbirana nna nɛ a bee chicha mbe anishito, nɛ kumo be basa malɛ be ŋgbene jija bumo ga nɛ b paŋ kenyɛn.

Aizaaya 23:5

Ijiptebi gba kaŋ nu fanɛ Tayɛ mur, k beeŋ chinchiŋ bumo nɛ kufu e pɛ bumo.

Jɛremaya 27:5

mo gbagba be eleŋgboŋ so nɛ e to durnya nɛ edimɛdi nɛ kasawule so be asɔbɔya kikɛ nsaa lara esa nɛ e beeŋ ji amo kikɛ so kuwura.

Nahum 2:10

Ninɛve bure nɛ kumo to be basa shile n lar kumo to; nɛ ki kade bureso a dese fuloŋ, nɛ shɛŋ maŋ naa wɔ kumo to! Nɛ kufugboŋ tɔr basa so nɛ baa chicha. Bumo be eleŋ kikɛ loge; nɛ bumo be anishiakpa ki foleebi.

Nɔmbɛs 20:14

Nɛ Mosis yili Kadɛsh n shuŋi mbɔ fanɛ b ya kaŋɛ Edɔm be ewura le: “Fo kurgepoana Israɛlebi e la anyi. Fo gbagba nyi awurfoŋ nɛ anyee ji

Nɔmbɛs 20:24

“Ɛɛrɔn be keya maaŋ cha kasawule nɛ n nase kɔnɔ fanɛ meeŋ ta n sa Israɛlebi na so. Ŋkpal menyi benyɔ ka kini kenu n sa ma ashi Mɛriba na so, meeŋ shin nɛ e wu.

Matiu 20:15

M maŋ kɔ ekpa nna nɛ n ta ma amansherbi n wora kusɔ nɛ mee sha a? Ŋko fee besa eyur nna ŋkpal ma kelela so?”

Ditɛronɔmi 11:25

Kaplɛkama nɛ menyeeŋ yɔ kasawule na so, Enyɛnpe, menyi be Ebɔrɛ na beeŋ shin nɛ kufu a pɛ basa nɛ b wɔ ndoŋ na fanɛ kananɛ e nase kɔnɔ na. Esa kikɛ maaŋ tiŋ ŋ kuŋ menyi akpa.

Ditɛronɔmi 2:25

Yili kabre a yɔ, meeŋ shin nɛ kaplɛkama be basa e baa ŋana menyi. Kufu beeŋ pɛ ekama nɛ e beeŋ nu b ka ti menyi be ketre nɛ e baa chicha.”

Ditɛronɔmi 28:10

Saŋɛ na so, durnya be basa kikɛ beeŋ wu fanɛ Enyɛnpe Ebɔrɛ na e lara menyi nɛ men baa la mbe basa. Bumo alɛ beeŋ baa ŋana menyi.

Ditɛronɔmi 32:8

Enyɛnpetale Ebɔrɛ na e naa sa efuli kama so ebi nsawule; mo e naa ŋini basa kakpa nɛ baaŋ chena.

Hibruwebi 11:31

Sakaleche Reehab be yirda so nɛ Israɛlebi daa maŋ mɔ mo n ti basa nɛ b daa maŋ kɔ kasonu ana so na, ŋkpal manɛ so, Reehab daŋ sɔ bumo nɛ b daŋ yɔ kade na be kebɔɔso ŋ keni na so nna nɛnɛ.

Joshuwa 2:11

An ka nu loŋ nɛ anyi be ŋgbene jija anyi ga nɛ ekama malɛ gba be aba pɔ mo ŋkpal menyi so. Enyɛnpe menyi be Ebɔrɛ na e naa ji kuwura esoso nɛ kasawule so kikɛ.

Joshuwa 2:24

Le nɛ b kaŋɛ Joshuwa: “Enyɛnpe Ebɔrɛ na ta bumo be kasawule na kikɛ m bɔɔ anyi enɔ. Kufu daŋ pɛ basa na ga nna ŋkpal anyi so.”

Joshuwa 2:8

Pɔɛŋ nɛ kanyɛ e biri nɛ befɔ na e dese na nɛ Reehab dii kuchoŋi na so ŋ kaŋɛ bumo le:

Joshuwa 5:1

Amɔriebi be bewura nɛ b wɔ Jɔɔdan be epeŋitɔrkpa na nɛ Keenan be bewura nɛ b chena m mata teku nɛ baa tre Mɛditerenia na kikɛ ka nu kananɛ Enyɛnpe Ebɔrɛ shin nɛ Jɔɔdan be lɔr na ku to nɛ Israɛlebi na nite kumo to n dii na nɛ bumo ŋgbene fara a ku nɛ baa ŋana ketu Israɛlebi na ŋ kɔ.

Joshuwa 6:2

Ndoŋ nna nɛ Enyɛnpe Ebɔrɛ kaŋɛ Joshuwa le: “N ta Jɛriko be efuli so nɛ kumo be bewura nɛ benapo lempoana na kikɛ a bɔɔ fo enɔ.

Joshuwa 9:10

nɛ kusɔ nɛ e wora Amɔriebi be bewura anyɔ na ashi Jɔɔdan be lɔr na be epeŋilarkpa be kaba so na be asheŋ. Bewura na e la ewura Sihɔn nɛ e chena Hishbɔn n ji kuwura na nɛ ewura Ɔg nɛ e la Bashan be ewura nseŋ chena Ashterɔf na.

Joshuwa 9:24

Nɛ Gibiɔnebi na malɛ kaŋɛ Joshuwa le: “Fo nyɛrbi nu kananɛ Enyɛnpe, menyi be Ebɔrɛ na kaŋɛ mbe kayɛrbi Mosis fanɛ e ta kasawule na kikɛ n sa menyi nɛ men mɔ basa kama nɛ b tase kumo so na kikɛ. Kumo be kufu e daŋ pɛ anyi so nɛ an fule menyi na.

Joshuwa 9:9

Nɛ b kaŋɛ le: “An shi efuli wɔfɔ nna nseŋ nu Enyɛnpe, menyi be Ebɔrɛ na be asheŋ. An nu kusɔ kama nɛ e wora n sa menyi ashi Ijipt be kasawule so,

Demujipoana 7:14

Nɛ mo barkasa na kaŋɛ: “Fo edare ere bee laŋɛ Gidiɔn be kaplɛa so nna! K bee ŋini fanɛ Ebɔrɛ beeŋ shin nɛ mo nɛ mbe benapo e pɔɔ Midian be benapo nɛ ekama nɛ e wɔ keeyi ere to nfe so.”