Joshuwa 2:6 - EBƆRƐ BE KAWƆL

⁶ Ama Reehab daŋ keta bumo nna n ya ŋana ebu be esoso be kakpa nɛ e bee yili mbe efɔl nɛ e kɔ e lue asɔ na.

Joshuwa 2:6 Iomraidhean Croise

2 Samuɛl 11:2

Kachako kaaseso Deevid ka di ŋ koso nseŋ dii mbe kuchoŋi so e nite a kulti nseŋ keni kaseto n wu kache lela kebita ko ka bee bɛr.

2 Samuɛl 17:19

nɛ kanyɛn na be eche ta kusɔ ko m ba buu ketirbu na be kɔnɔ so nseŋ chulgi aboyu n fata kumo so, saŋɛ na so esa kama maaŋ pin kusɔ nɛ k wɔ kumo to.

1 Bewura 18:13

Fo maŋ nu fanɛ Jɛzebel bee mɔ Enyɛnpe Ebɔrɛ be anebiana na nna a? Ma e daŋ barga bumo be basa kalfa to basa adununu n ya ŋana abeelaŋ to nsaa yɛr ajibi nɛ nchu n ya ka sa bumo na.

1 Bewura 18:4

amoso Jɛzebel ka daa mɔ Enyɛnpe Ebɔrɛ be anebiana na, Obadaya e daŋ ta bumo be basa kalfa n ya ŋana abeelaŋ anyɔ to nsaa sa bumo ajibi nɛ nchu ndoŋ. E daŋ barga bumo to basa adununu nna n wɔtɔ kebeelaŋ kama to.

2 Bewura 11:2

Ahaziya pibinyɛn Jɔash nawule e daŋ nya ekpa n shile ŋ ŋana. Mo nɛ basa na kikɛ nɛ b daa sha kemɔ nɛ mo tana Jehosheba nɛ e daa la ewura Jehoram pibiche nsaa la Ahaziya malɛ mo tuto pibi na mɔlga mo. E daŋ ta mo nɛ eche nɛ e bee keta mo kakurge na nna ŋ ŋana Enyɛnpe be bɔrɛlambu na be ebu deseto to. Ŋkpal loŋ so, Atalia daa maŋ nya mo m mɔ.

Ɛksodɔs 2:2

nɛ kache na di kedampo ŋ kurge ebinyɛn. E ka wu kananɛ kebia na daa walɛ keyɛrbi na nɛ e ta mo ŋ ŋana afɔl asa.

Jɛremaya 36:26

Kumo be kaman nɛ e ponte mo pibinyɛn, Jeramiil nɛ Azriɛl pibinyɛn, Seraiya nɛ Abdiil pibinyɛn Selemaiya so fanɛ b ya pɛ ma, anebi Jɛremaya nɛ ma esibɛpo, Baruk. Ama Enyɛnpe Ebɔrɛ na daŋ ta anyi nna ŋ ŋana.

Matiu 24:17

Esa kama nɛ e wɔ mbe kuchoŋi so e sa maŋ naŋ gbelge n ya ta asɔ nɛ a wɔ mbe ebu to.

Ditɛronɔmi 22:8

Nɛ fanɛ fo pɔr kowu popɔr, a daga fanɛ fo pɔr egbalshin kumo be kuchoŋi na so ŋ kulti, saŋɛ na so esa maaŋ shi kumo so n tɔr to n wu nɛ kumo be kulubi e bɛ fo.

Kɔlɔsiebi 3:3

Ŋkpal manɛ so, naniere men du fanɛ basa nɛ b wu nna nɛ bumo be shɛŋ maŋ naa wɔ asheŋ jiga to nɛ Yesu Kristo nɛ mo nɛ Ebɔrɛ la kukoŋwule na e wɔ men be ŋkpa popɔr a keni so.

Hibruwebi 11:23

Yirda so nɛ Mosis mo nio nɛ mo tuto daŋ ta mo ŋ ŋana afɔl asa na. B daŋ wu fanɛ kayɛrbi e daa la mo nseŋ daa maŋ ŋana kekplaŋ Ijipt be ewura na be ntaŋ na so.

Jeems 2:25

An naŋ ta sakaleche Reehab, mannɛ kelela nɛ e daŋ wora Israɛlebi be mbɔ ŋ keta bumo kufɔ nseŋ ŋini bumo ekpa nɛ b bɔla ŋ gelge bumo doŋana n yɔ na so e shin nɛ Ebɔrɛ daŋ yili kumo fanɛ e maŋ kɔ kulubi mo to na a?

Joshuwa 2:5

Kakpa ka bee biri to, saŋɛ nɛ k daga fanɛ b ti kade be kabunagboŋ na nɛ basa na lar n choŋ. Ma alɛ maŋ nyi kakpa nɛ b bɔla. Shile m bɛ bumo so manaŋ. Ashere feeŋ tu bumo.”

Joshuwa 2:7

Ndoŋ nna nɛ ewura na be basa na lar kade na to n nite a fin befɔ na hale n ya fo kakpa nɛ baa dii Jɔɔdan be lɔr na. B ka baŋ lar na nɛ b ti kade na be kabunagboŋ na.

Joshuwa 2:8

Pɔɛŋ nɛ kanyɛ e biri nɛ befɔ na e dese na nɛ Reehab dii kuchoŋi na so ŋ kaŋɛ bumo le:

Joshuwa 6:25

Joshuwa daŋ yige Reehab nɛ basa nɛ b wɔ mbe laŋ to kikɛ bre nna ŋkpal e ka daŋ ta basa anyɔ nɛ e shuŋi Jɛriko na ŋ ŋana so so. (Reehab be kaman to ebi kraa wɔ Israɛl be efuli so hale kabre).