Joshuwa 2:18 - EBƆRƐ BE KAWƆL

¹⁸ Ama, an kaŋ bɛta m ba nɛ an ba kɔ menyi be efuli so ebi kena fo ta efɔl peper ere n cha fo tokuro nɛ anyeeŋ bɔla kumo to n lar na. Kumo be kaman nɛ fo bar fo tuto nɛ fo nio nɛ fo siponyɛnana nɛ fo kanaŋ kikɛ fo laŋ to.

Joshuwa 2:18 Iomraidhean Croise

Jɛnesis 12:2

Meeŋ shin nɛ fo ki kanaŋgboŋwura nsaa kɔ efuligboŋ. Meeŋ nɛfa fo n shin nɛ fo ketre e dii, nɛ fo ki nɛfa n sa basa kikɛ.

Jɛnesis 7:1

Ndoŋ nna nɛ Enyɛnpe na kaŋɛ Nowa le: “Fo nɛ fo kanaŋ kikɛ e luri kuloŋgboŋ na to, ŋkpal manɛ so, n wu fanɛ fo jemanɛ ere so ebi to fo e la esa nɛ e niŋi ma anishito.

Ɛsta 8:6

M maaŋ tiŋ n chena a keni nɛ ma basa e mur.”

Ɛksodɔs 12:13

Ŋklaŋ nɛ menyeeŋ ta ŋ gbiti men be nwu nɛ men wɔtɔ ere be mbuna na beeŋ baa la ndulgi nna n sa menyi ere. Saŋɛ na so nɛ m baŋ ta luwu be aleblawu lubi a ba Ijiptebi so saŋ wu ŋklaŋ na, meeŋ baŋ menyi so n choŋ nɛ shɛŋ maaŋ wora menyi.”

Sɔlɔmɔn 4:3

Fo kɔnɔpurbi nyɔ nna m pere kpeŋ fanɛ kechɛbi peper na; fo kɔnɔ be kapɔr walɛ. Fo ŋgbuŋ du kulkulbi nna a walɛ nsaa nyɛkpɛ fo shata to.

Levitikɔs 14:4

bɔrɛmatapo na beeŋ shin nɛ b ya bar mbuibi keniso anyɔ nɛ a daga keta n lara sarga nɛ kedibi nɛ baa tre sida na nɛ kechɛbi peper chɛŋchɛŋ nɛ keduuso nɛ baa tre hisɔp na be afantaŋ.

Nɔmbɛs 19:6

Nɛ bɔrɛmatapo na e ta kedibi nɛ baa tre sida na nɛ kumo nɛ baa tre hisɔp na nɛ jese peper n lɛ edɛ na to.

Nɔmbɛs 4:8

A daga b ka parga wajɛ peper m buu teebɔl na nɛ asɔ nɛ a wɔ kumo so na so nseŋ naŋ ta kusɔbɔya be kawɔl lela m parga m buu amo so n ti so pɔɛŋ nseŋ yisi ndibi nɛ baa pɛ to a maŋ kumo so na n wɔtɔ amo be kakpa.

Luuk 19:9

Nɛ Yesu kaŋɛ: “Kabre kumɔlga ba laŋ ere to ebi so, ŋkpal manɛ so, Zakiyes gba la Eebraham mo nanabi nna.

Ashuŋ Shunso 10:27

E ka koso nɛ mo nɛ Pita malga abar kutɔ loŋ hale n ya luri ebu na to nɛ Pita ya wu basa damta nɛ b shɛr na.

Ashuŋ Shunso 10:33

Kumo so nɛ n shuŋi epul na to fanɛ b ya tre fo nɛ fo alɛ shuli m ba na. Ebɔrɛ malɛ be anishito nɛ anyi kikɛ tase nfe a jo kusɔ kama nɛ Enyɛnpe na kɔ a sha nɛ fo kaŋɛ anyi na.”

Ashuŋ Shunso 11:14

nɛ e ba kaŋɛ fo asheŋ, nɛ fo nɛ fo kowu to ebi kikɛ e nya kumɔlga.’

2 Timoti 1:16

Enyɛnpe e baa wu Onɛsifɔres be kowu to ebi kuwɔr, ŋkpal manɛ so, e leŋ ma to ale damta. E daa maŋ wora ma kabuti ere be anishinyɔr kikɛ,

Hibruwebi 9:19

Ŋkpal manɛ so, an ta fanɛ Mosis le. E ka daŋ kaŋɛ basa na kikɛ mbra na be ntaŋana na kikɛ n loge, e daŋ ta ateebi nɛ b nyɔɔ kepeper nna ŋ kre kedibi ko nɛ baa tre hisɔp na so. Kumo be kaman nɛ e naŋ ta kumo n nyɔɔ anabiana be ŋklaŋ to nɛ nchu to nseŋ ta ŋ ŋmenyaŋ n wurge basa na kikɛ nɛ mbra be kawɔl na so

Joshuwa 2:21

Nɛ Reehab kaŋɛ: “Mm, n shuli. Kanaŋ kama nɛ men baŋ yili kumo, k ba du loŋ.” Ndoŋ nna nɛ e shin nɛ basa na yɔ nɛ e ta efɔl peper n chɛ mbe tokuro.

Joshuwa 6:23

Nɛ b ya lara Reehab nɛ mo tuto nɛ mo nio nɛ mo daana nɛ mo sipoana nɛ mbe basa nɛ b wɔ laŋ na to na kikɛ. B daŋ lara bumo kikɛ nna n yɔ kakpa nɛ k mata Israɛlebi be keeyi to nɛ baaŋ nya kumɔlga na.

Joshuwa 6:25

Joshuwa daŋ yige Reehab nɛ basa nɛ b wɔ mbe laŋ to kikɛ bre nna ŋkpal e ka daŋ ta basa anyɔ nɛ e shuŋi Jɛriko na ŋ ŋana so so. (Reehab be kaman to ebi kraa wɔ Israɛl be efuli so hale kabre).